პროზა, პოეზია

 

                                         გურულები და დანარჩენები...

  ,,მსოფლიო ორ ნაწილად იყოფა – გურულები და დანარჩენი’’- ასე იწყება  ბოლო დროის ყველაზე პოპულარული წიგნი ,,გურული დღიურები’’, რომელიც წლის ეროვნულ ბესტსელერად დასახელდა და რომლის ავტორია პოეტი და ესეისტი, საქართველოს პარლამენტის ეროვნული ბიბლიოთეკის გენერალური დირექტორი გიორგი კეკელიძე.  ჩვენი ინტერვიუც ბიბლიოთეკაში შენდგა. ჩემი რესპონდენტი ერთი შეხედვით უშუალო, გულწრფელი, თუმცა საკმაოდ თავშეკავებული და თვითდაჯერებული აღმოჩდა. თავდაპირველად, საუბარი  ჩვენს მშობლიურ  კუთხეზე - გურიაზე დავიწყეთ, შემდეგ კი ,,გურულ დღიურებზე’’.. ინტერვიუს მიზანიც ეს იყო...

-გიორგი, მოგვიყევით თქვენი ბიოგრაფია, როგორ ოჯახში გაიზარდეთ, როგორი ბავშვობა გქონდათ?

 -დავიბადე და გავიზარდე ოზურგეთში  ოთხმოციან წლებში, მაგრამ ცხადია, ჩემი მეხსიერება არ გულისხმობს იმ პერიოდს, რადგან მაშინ ძალიან პატარა ვიყავი... ამ თვალსაზრისით ათვლა, ძირითადად,  90-იანი წლებიდან იწყება. დავიბადე ჩვეულებრივ ოჯახში, ჩემი მშობლები მუშაოდნენ  ტიპიურ სამსახურებში, ხოლო ბებია და ბაბუა იყვნენ პედაგოგები და შესაბამისად, წიგნთან ახლო გარემოში მიხდებოდა ცხოვრება, რაც ერთი მხრივ, გარკვეული იძულებაც კი იყო იმისა, რომ მე დავახლოვებოდი წიგნს და წიგნიერ საამყაროს, მეორე მხრივ, ალბათ  მეც მქონდა რაღაც მიდრეკილებები. დრო იყო ძალიან რთული, 90- იანი წლები, მთელი თავისი ,,მომხიბვლელობით...’’ მე ეს ყველაფერი ,,გურულ დღიურებში’’ დაკვირვებისა და ანალიზის ფონზე არ გადამიტანია, რადგან მაშინ პატარა ვიყაავი, მაგრამ შემდგომ აღმოჩნდა, რომ ეს ყველაფერი ტრავმული იყო ჩემთვის და თავისთავად,  წიგნის ფურცლებზეც აისახა..

 -როდის შექმენით პირველი ლიტერატურული ნაწარმოები?

  -პირველი ლიტერატურული ნაწარმოები სკოლაში ყოფნის დროს შევქმენი, თუმცა, ,,ოჯახური ლეგენდა” მომაწერს, რომ  პირველი ლექსი დავწერე 3 წლის ასაკში.

 ,,ჭრიჭინა და წვიმა მიყვარს
ქარია და ქარი,
ბავშვებო, არ გამოხვიდეთ,
არ გააღოთ კარი”.
  
 ძალიან დიდი ეჭვი მაქვს, რომ ეს ბებიაჩემმა დაწერა და მე მომაწერეს. სერიოზულად კი, პოეზიით დავინტერესდი სკოლის ბოლო წლებში და სტუდენტობისას. პროზისკენ კი, მხოლოდ  ახლა ვდგამ ნაბიჯებს.

 -თქვენს შემოქმედებაზე რომელმა პოეტმა ან პროზაიკოსმა მოახდინა გავლენა?

 -თითქმის ყველა ქართველმა პოეტმა, რომელიც ითვლება დიდი და მნიშვნელოვან ავტორად. ეს გავლენები დღემდე რჩება ჩემში, რადგან არ არსებობენ ადამიანები გავლენების გარეშე. თვითონ ის ავტორებიც კი, არ არსებობენ გავლენების გარეშე, ადამიანები და ტექსტები, გარკვეულწილად, ერთმანეთის გამოძახილნი, საკუთარი ინდივიდუალიზმით ბუნებრივია...

-რამდენი წიგნის ავტორი ხართ?


თუ სერიოზულ წიგნებს გადავხედავთ ( და არა იმას, რაც სიყმაწვილეში პატარა კრებულებად იკინძებოდა), გამოსულია ლექსების კრებული - ,,ოდები’’ და 2012 წელს მაი ლაშაურთან ერთად გამოიცა ალბომი: ,,მხატვრობა+პოეზია= მინიატურები’’,ასევე, პოეტური კრებული ,,2008-2013’’ და ესეების კრებული - ,,გურული დღიურები.

 - წარმატება როდის მოვიდა, როდის გახდი პოლულარული?

 -ვერ გეტყვით რითი იზომება ჩვენს ქვეყანაში პოპულარობა. ეს ცოტა რთულად დასადგენი საკითხია და არა მგონია, რომ სუპერ პოპულარული ვიყო.. ისე ხალხმა უფრო გამიცნო მაშინ, როცა დავიწყე ელექტრონული ბიბლიოთეკის ლიბ.გე კეთება და  შემდეგ კი, როცა ეროვნული ბიბლიოთეკის დირექტორი გავხდი.

 -თუმცა, მანმადეც გქონდათ ძალიან საინტერესო  საქმიანობა..

  -მართალია საინტერესო ცხოვრება მქონდა, მაგრამ ეს არ განაპირობებდა პოპულარობაას. ვთანამშრომლობდი სხვადასხვა  ჟურნალ-გაზეთებთან, ვუშვებდი ლიტერატურულ გაზეთში ჩემს მეგობარ ზაალჩხეიძესთან ერთად, რომელიც შემდეგ გადაკეთდა ელექტრონულ ბიბლიოთეკა ლიბ.გე-თ.

 -რატომ გაგიჩნდათ ელექტრონული ბიბლიოთეკის შექმნის სურვილი?

 -ეს იდეა იმიტომ დამებადა, რომ  ვფიქრობ ელექტონული ბიბლიოთეკა ზოგადად, აუცილებელი ატრიბუტია განვითარებული ქვეყნისთვის. ელექტრონული საიტი 2006 წელს შევქმენით და ახლა უკვე, რეფორმირებას საჭიროებს და მალე ახალი ვერსია გაეშვება საიტზე.  ამჟამად,  რახან მე ეროვნულ ბიბლიოთეკააში ვმუშაობ ლიბ.გე -ს სათავეში უდგას  ზაალ ჩხეიძე.

 -თქვენ ბრძანდებით ლიტერატურული კონკურსის ,,საბა’’-ს ნომინანტი, რომელი ნაწარმოებისთვის მოგენიჭათ პრემია?

 -,,საბას’’ პრემია მომენიჭა 2008 წელს, ლექსების კრებულისთვის ,,ოდები’’, იგი შეაფასეს როგორც საუკეთესო დებიუტი. მაშინ 25 წლის გახდით და ეს მართლაც, მნიშვნელოვანი წარმატება იყო ჩემთვის. მისასალმებელია, რომ მსგავსი ტიპის კონკურსები არსებობს გარკვეულწილად, ეს ნამდვილად განაპირობებს ავტორის პოპულარიზაციას ჩვენს ქვეყანაში.

 -თუმცა, ლიტერატურულ ხარისხს ვერ განსაზღვრავს მსგავსი ტიპის კონკურსები..

-გეთანხმებით, ლიტერატურულ ხარისხს კონკურსები, რა თქმა უნდა, ყოველთვის ვერ განსაზღვრავენ, რადგან დამოკიდებულნი არიან ლიტერატურულ პროდუქციაზე... თუმცა, თქვენ თუ გულისხმობთ სუბიექტურობას და ობიექტურობას, ამ თვალსაზრისით, მსოფლიოს ნებისმიერ ქვეყანას აქვს პრობლემა.

-თქვენი ესეების კრებული - ,,გურული დღიურები’’ ძალიან დიდი პოპულარობით სარგებლობს, სოციალურ ქსელებში, ერთგვარ მოდად იქცა ფოტოს განთავსება წიგნით ხელში... საიდაან დაგებადათ იდეა დაგეწერათ  ,,გურული დღიურები”?

 - ეს განაპირობა სათქმელის სიმრავლემ, გამოცდილებამ და ზოგადად სურვილმა, რომ მომესინჯა ძალები პროზის მიმართულებითაც. მე დავიბადე და გავიზარდე გურიაში და შესაბამისად, მქონდა მთელი რიგი ემოციები და განცდები, რომელიც ,,გურულ დღიურებში’’, რა თქმა უნდა, არ დატეულა...  სამომავლოდ, სხვა მიმართულებით ვაპირებ ამ ყველაფრის საზოგადოებისთვის გაზიარებას. წიგნის დაწერა როცა გადავწყვიტე, ბევრი ვიმოგზაურე სხვადასხვა სოფლებში და შევაგროვე რეალური ისტორიები. ეს არ გახლავთ კრიტიკულ- პუბლიცისტური ტიპის წიგნი, არამედ არის მხატვრულად გაფორმებული  ესეების კრებული.

 -როგორ ფიქრობ, რამ განაპირობა ,,გურული დღიურების’’პოპულარობა?

 -ამ კითხვაზე მე ვერ გიპასუხებთ.. წიგნში, ალბათ,   საკუთარს პოულობს.. ,,გურული დთიურები’’ არ არის მხოლოდ გურულებზე, იგი არის  90-იანი წლების საქართველოზე და წიგნში მოთხრობილი ამბები,  გარკვეულწილად, ზოგადდება და შეიძლება ბევრი რამ ახლობელი იყოს კახელისთვის, მეგრელისთვის და სხვა კუთხის წარმომადგენლისთვის. ,,გურული დღიურები”-ში გადმოვეცი ის, რასაც ვგრძნობდი. ნამდვილად ვერ წარმოვიდგენდი იმას, თუ ასეთი პოპულარული გახდებოდა.

 - გურულ დღიურებში ბევრი საიტერესო ისტორია  მოთხრობილი, ზოგი სევდიანი ამბავიც.. და რა თქმა უნდა გურული ხუმრობებიც, კურიოზები... გურიაში დავიბადე და გავიზარდე, მაგრამ ,,გურული დღიურებიდან’’ გავიგე,  პირველად რომ სექსს აჯიბაკური ეწოდება.. წიგნში, ასევე,  ყურადღებას იპყრობს  ფრაზები: ,,გურია პარადოქსების მხარეს’’,,,გურულები და დანარჩენები’’.. ეს როგორ გავიგოთ?

-ეს ხუმრობანარევი ფრაზაა, თორემ  გურულებს, ისევე როგორც სხვა კუთხის წარმომადგენლებს ერთმანეთთან ბევრი რამ აკავშირებთ და აერთიანებთ, უბრალოდ, გურულები მაინც რაღაცით გამორჩეული ხალხი ვართ, შეიძლება კარგით და ცუდითაც... და ეს გამორჩეულობა სიმბოლურად, შეიძლება რაღაც საზღვრადაც მივიჩნიოთ  - სხვა დანარჩენ სამყაროსთან, ცხადია ხუმრობით... გურიაში ცხოვრობდით და არ იცით, რომ გურულები სექსს აჯიბაკურს უწოდებენ?  შეიძლება სასაცილოა, მაგრამ ეს ასაეა..

 - გიორგი, თუ გეგმავთ ,,გურული დღიუერები’’ უცხოურად თარგმნოთ?

 - ბევრი ქართველი ემიგრანტი ითხოვს წიგნი გაუგზავნოთ, მაგრამ ეს  გამომცემლობამ უნდა გადაწყვიტოს, რადგამ მისი კომპეტენციაა. რაც შეეხება  უცხოურად თარგმნას,  კულტურის სამინისტროს შესაბამისი უწყება დაინტერესდა აღნიშნული საკითხით და ვნახოთ, სამომავლოდ რა გამოვა.

 -ეროვნულ ბიბლიოთეკაში თქვენი მოსვლის შემდეგ ბევრი სიახლე და მნიშვნელოვანი პროექტი განხორციელდა..  გთხოვთ, უფრო კონკრეტულად მოგვიყვეთ თქვენს მიერ ჩატარებული სამუშაოების შესახებ?

 -ბიბლიოთეკაში, ძალიან ბევრი მიმართულებით წარვმართედ მუშაობა, მაგალითად, დიგიტარიზაციის კუთხით, რაც გულისხმობს ელექტროონულ ფორმატში წიგნების გადატანას, ელექტრონული ბიბლიოთეკების შექმნას, ფოტოების გაციფრებას და ა.შ. გავაკეთედ სხვადასახვა დარბაზები,გავხსენით საბავშვო კუთხე, ღვინის ბიბლიოთერკა, რეპრესირებული წიგნის მუზეუმი, თანამედროვე საბიბლიოთეკო ცენტრი, დიდი ელექტეონული დარბაზი; აგრეთვე, დაწყებულია პირველი კორპუსის რემონტი და მალე გაიხსნება. უცხოეთშიც გავხსენით ბიბლიოთეკები. ვაპირებთ ბიბლიოთეკების, როგორც კულტურული ბრენდის შექმნას, წიგნადი ფონდის გაძლიერებას, მუზეუმების გაკეთებას, კერძო ინვესტიციებს მოზიდვას, რომელმაც უკვე 200 ათასს გადააჭარბა. ჩვენ გვინდა, რომ ბიბლიოთეკა იყოს ღია, აქტიური სივრცე, რომელიც მის ფარგლებს გარეთ გავა.. ჩვენ  სოფლებშიც ვხსნით ბიბლიოთეკებს. წიგნების ვაუჩერის გადაცემას ვაპიურებ სოფელ სურევის ბიბლიოთეკისთვის (საიდანაც, გურული დღიურების წერა დავიწყე).. სულ მალე, ოზურგეთის რაიონში, კერძოდ, სოფელ შრომაში ვაპირებთ წიგნების ჩატანას.

 -გიორგი, თქვენ ახორციელებთ საინტერესო პროექტს, რომლის ფარგლებში, საქართველოს სხვადასხვა კუთხეებში აგროვებთ ციფრულ ფოტოებს... იქნებ უფრო დეტალურად გვითხარათ ამის შესახებ?

 -ეს გახლავთ ჩემი და ჯეოსელის ერთობლივი პროექტი, რომელიც გულისხმობს საქართველოს მასშტაბით, ოჯახებში სიარულს და ფოტომატანეს შექმნას. აღნიშნული პროქტით, ჩვენ შევძლებთ  ძალიან მალე ქვეყნის ისტორიის გარკვეული ვიზუალური ნაწილი შევავსოთ

 - როგორ შეაფასებთ თანამედროვე ლიტერატურულ პროცესებს?

 -ლიტრერატურული პროცესები მიმდინარეობს ისე, როგორც უნდა მიმდინარეობდეს ანუ ფრაგმენტულად. დომიინანტი მიმდინარეობა, რომელიც წინა საუკუნეებში არსებობდა, უკვე აღარც უნდა იყოს... ყველა წერს ისე, როგორც ეწერება.  წიგნის პოპულარობასა და ხარისხს კი განსაზღვრავს მკითხველი.

 -ბოლო დროს, ახალგაზრდებში მოდური გახდა ლექსის ე.წ. ,,ძველ ბიჭური’’ ტონით წაკითხვა, რაც ძალიან გამაღიზიანებელია.. თქვენ რა აზრის ხართ აღნიშნულ საკითხთან დაკავშირებით?

 - მეც არ  მომწონს ეს ე.წ. ,,Youtube პოეზია''და არ ვუსმენ, მაგრამ ვისაც მოსწონს წაიკითხოს... მთავარია, კაცს ნუ მოკლავს და დანაშაულს ნუ ჩაიდენს...

 -თანამედროვე პოეტებისდან ვის მიიჩნევთ ყველაზე ნიჭიერად?

 -მე როგორც ეროვნული ბოიბლიოთეკის ხელმძღვანელი, თავს შევიკავებ ამ კითხვაზე პასუხის გაცემისგან, რადგან აქ შემოდის ყველა ავტორის წიგნი და  შეიძლება ვიღაცამ იფიქროს, რომ თუ არ მომეწონა, შეიძლება რომელიმე მათგანი ურნაში ჩავაგდო, ცხადია ეს არ მოხდება...

 -კლასიკოსებიდან  რომელი  პოეტი და მწერალი მოგწონთ?

 -ძალიან მომწონს შოთა რუსთაველი და ვაჟა-ფშაველა, ჯალა ლედინ რუმი, არტურ რემბო. მწერლებიდან კი მომწონს ჰერმარ მერვილი, მარკ ტვენი,  ჰომეროსი და მიხეილ ჯავახიშვილი.
 -ახლა გადავიდეთ პირად თემებზ.. რა ადგილი უკავია სიყვარულს თქვენს შემოქმედებაში?

 -ძალიან დიდი.. სიყვარული არის მთავარი მამოძრავებელი და იმპულსი ნებისმიერი შემოქმედისთვის და ჩემთვისაც, რის გამოც სხვა დანარჩენ საქმეებს ვაკეთებ.

 - რა არის თქვენი ჰობი, როგორ მუსიკას უსმენთ?

 -ძალიან მიყვარს ფეხბურთის ყურება და ვარ სერიოზული გულშემატკივარი მაჩესტერ იუნაიტეტის, რომელიც ცოტა მოძლიერდა, მაგრამ მაინც რთული პერიოდი გადაიტანა. ასევე,  მიყვარს მუსიკა,  სხვადასხვა ჟანრს ვუსმენ და ვთვლი, რომ მეტნაკლებად, მელომანი ვარ.

 -ჭორებზე როგორ რეაგირებთ?

 -ბრწყინვალედ. საკუთარ თავზე ბევრი ჭორი მომისმენია, მაგალითად, ის რომ ვარ მასონი და თითქოს მაქვს ორგიები სტუდენტ გოგოებთან და მისთანანი...ეს რა თქმა უნდა, სრული სიცრუეა..

 -როგორია  თქვენი სამომავლო გეგმები?

 -ჩემი სურვილია, ეროვნული ბიბლიოთეკა შევქმნა როგორც ერთ-ერთი წარმატებული და პრესტიჟული ბრენდი . სამომავლოდ, ვაპირებ ამერიკაში სწავლის გაგრძელებას.

-რაც შეეხება ბებოს სურვილს? ცნობილია, რომ ერთერთ სატელევიზიო გადაცემაში თქვენმა ბებიამ, თქვენი დაოჯახების სურვილი  საჯაროდ გამოთქვა?

-ეს ბებოს სურვილია მხოლოდ... მაგრამ, მე საკმაოდ ახირებული და ჯიუტი ადამიანი ვარ და ჩემი პირადი ცხოვრების საკითხებს თავად ვწყვეტ...


                   ესაუბრა მზია გოგოძე

განათლება

                         ,,ჩემი სკოლა – სიბრძნის გასაღებია’’

   

   ახალ სასწავლო წელს დიდი სიხარულითა და იმედებით შეხვდნენ, აჭარის ულამაზეს კუთხეში შუახევში, სოფელ ცხემლისში. სოფლის სკოლა, მართლაც გამოირჩევა სწავლის ხარისხით, პედაგოგთა პროფესიონალიზმითა და მოსწავლეების მომზადების მაღალი დონით. აქაური კურსდამთავრებულები წარმატებით აბარებენ სხვადასხვა უმაღლეს სასწავლებელში, რომლის დასრულების შემდეგ, კვლავ მშობლიურ კერას უბრუნდებიან და ღირსეულად განაგრძნობენ თავიანთი წინაპრების ტრადიციებს.
  ცხემლისის საჯარო სკოლის ახალი შენობა, რამდენიმე წელიწადია რაც აშენდა და ამ ფაქტმა, დიდად გაახარა სოფლის მოსახლეობა, რადგან ბავშვებს კომფორტულ და თანამედროვე ინტერიერით აღჭურვილ გარემოში  უწევთ სწავლა-განათლების მიღება. სკოლის დირექტორი გახლავთ უაღრესად ერუდირებული, თავისი საქმის პროფესიონალი და კეთილშობილი პიროვნება მერაბ ბოლქვაძე. იგი, პროფესიით მათემატიკოსია და ამ სოფლის მკვიდრია. უყვარს თავისი კუთხე და სიამაყით ყვება თავისი სოფლის მთა-ბარზე, ტრადიციებზე... ბატონ მერაბს  ცხემლისელები  პატივსცემენ  და აფასებენ როგორც კარგ პედაგოგს, შესანიშნავ დირექტორსა და ღირსეულ მამულიშვილს. დაე, ყველა ისეთი პატრიოტი იყოს როგორიც ბატონი მერაბი გახლავთ.
 მერაბ ბოლქვაძე:
- ჩემი სკოლა – მადლის დედა და სიბრძნის გასაღებია... მეამაყება, რომ ჩვენი სკოლის მდიდარი საგანმანათლებლო ტრადიციები განაპირობა უნატიფესმა ფოლკლორმა და ეთნოგრაფიულმა ყოფამ. სოფლის ულამაზეს ბუნებას კიდევ უფრო ამშვენებს, 2 აათსი წლის წინანდელი სალოცავების ნანგრევები და ბზის ბუჩქები, ნიშნად იმისა, რომ აჭარაა პირველი ქრისტიანული კუთხე საქართველოსი. როგორც ჩვრნმა პატრიარქმა ილია - || ბრძანა:  ,,კურთხეულ არს აჭარა, სადაც პირველად დაინთო ლამპარი ქრისტეს სიყვარულისა და იქცა განმანათლრბლად სრულიად საქართველოსი’’. ჩვენი სკოლის მოსწავლეები, ტრადიციულად სოფლის ახალგაზრდებთან ერთად, ყოველი წლის 1 ივნისს, წმიდა ნინოს საქართველოში შემოსვლის დღეს აღნიშნავს. რიტუალი ასეთია: შეიკრიბებიან და გვანცას მთაზე ადიან - ბიბლიის,  ,,ქართლის ცხოვრების’’ და ,,ვეფხისტყაოსნის’ თანხლებით. ახალგაზრდები წმიდა წიგნზე ფიცულობენ და საქართველოს მაცხოვარს ავედრებენ.
      ცხემლისის სკოლის მესვეურებს კარგად გვაქვს გაცნობიერებული,  რომ განათლება დიდი მადლია და ის, ერთადერთი გზა წინსვლისა და წარმატებისა. ჩვენი სკოლა კი, ის ადგილია, სადაც ცოდნისა  და სამშობლოს სიყვარული სუფევს.
  მოკლე ისტორიული ექსკურსი: ცხემლისში პირველი დაწყებითი სკოლა 1931-1932 წლებში გაიხსნა და პირველი მასწავლებელი იყო ოზურგეთელი ახალგაზრდა პედაგოგი – ავთანდილ სიხარულიძე. 1964 წელს კი, რვაწლიანი სკოლა გაიხსნა და მისი დირექტორი გახლდათ ღვაწლმოსისლი პიროვნება აკაკი ქათამაძე. აი, ასე ნელ-ნელა მივიწევდით წინ..
  ამჟამად, სოფელს ამშვენებს მშვენიერი სკოლის შენობა, რომელიც 2005 წელს აშენდა. სკოლა დაკომპლექტებულია შესანიშნავი პედაგოგებით, რომლებიც არიან სხვადასხვა თაობის წარმომადგენლები. სწორედ, ჩვენი პედაგოგების დამსახურებაა, რომ ცხემლისის საჯარო სკოლა ერთ-ერთი მოწინავე საგანმანათლებლო დაწესებულებაა.
  ესენია: ირინე აბუსერიძე, რაული და ავთანდილ ბოლქვაძეები, სოფიკო ბრეგვაძე, მარინე დუმბაძე, ნინო მოსიძე, ნატო, მზევინარ, ელდარი, აკაკი და რევაზი ქათამაძეები, ზურაბ შარაშიძე, ციური და ნუგზარი ციციანები.  სკოლას ჰყავს ძალიან კარგი ადმინისტრატორი და საბუნებისმეტყველო დარგის სპეციალისტი ელდერ ქათამაზე, რომლიც თავდაუზოგავად იღწვის პედაგოგების პროფესიული განვითარებისთვის. ასევე, დადებით შეფასებას იმსახურებენ სამეურვეო საბჭოს თავჯდომარე, სპორტის მასწავლებელი ზურაბ აბაშიძე და მისი მოადგილე,  ინფორმაციულ საკომუნიკაციო ტექნოლოგიების წარმატებული პედაგოგი მარინე დუმბაძე.
  ჩვეენს სკოლაში სულ 43 მოსწავლეა. აქედან ბევრი წარჩინებულია გაგაცნობთ ზოგიერთ მათგანს: გოგიტა ბერიძე (რომელიც მშვენიერ ლექსებს წერს), სალომე ბერიძე, ცოტნე ბოლქვაე, ნინელი და მიგელი დუმბაძეები, ნიკა და გიგა კილაძეები, გიორგი, დიანა და ცოტნე მგელაძეები, ანუკი და თორნიკე მჟავანაძეები, მარი მიქელაძე, გოჩა ქათამაძე და არმაზ ციციანი.
 საგულისხმოა, რომ სკოლაში ხშირად იმართება შემოქმედებითი თუ ინტელექტუალური ღონისძიებები. ჩვენი მოსწავლეები მონაწილეობენ ოლიმპიადებში და კონფერენციებში, საიდანაც სიგელებით ხელდამშვენებულები ბრუნდებიან.
  ჩვენი მიზანია ვიყოთ ერთ-ერთი სანიმუშო საგანმანათლებლო- სასწავლო დაწესებულება და აღვზარდოთ წარმატებული და ღირსეული ახალგაზრდები, რომლებიც გამოადგებიან არამარტო ჩვენს სოფელს, არამედ მთელ საქართველოს.
გვჯერა, ასეც იქნება, რადგანაც ბატონი მერაბი სიტყვის კაცია – სიტყვისა და საქმისა.
       
            მზია გოგოძე
გაზეთი ,,სახალხო განათლება+''
 

განათლება

                                        ცოდნის და ზნეობის ტაძარი

             ნიკო ბაგრატიონის  სახელობის სკოლა-ლიცეუმი, ახალ სასწავლო წელს განსაკუთრებული სიხარულით შეხვდნენ, რადგან სასწავლებლის ასი კურსდამთავრებული, უმაღლეს სასწავლებელში მაღალი შეფასებებით ჩაირიცხა.
  14 სექტემბერს, აქ მართლაც საზეიმო განწყობა სუფევდა. მოსწავლეებს და პედაგოგებს სასწავლო წლის დაწყება მიულოცა ლიცეუმის დირექტორმა ია ბაგრატიონ-მუხრანელმა, ბავშვები  დალოცა  და წარმატებები უსურვა მამა ალექსანდრემ, მოსწავლეებს ასევე, მიესალმნენ საქართველოს თავად-აზნაურთა დარბაზის ხელმძღვანელმა ვაჟა აბაშიძემ, ამერიკაში მცხოვრებმა ქართული დიასპორას წარმომადგენელმა სალომე მელიქიშვილმა, თავად-აზნაურთა საკრებულოს ვიცე-წინამძღოლმა შოთა ჩხეიძემ,  ანდრია პირველწოდებულის უნივერსიტეტის რექტორმა, აკადემიკოსმა სერგო ვარდოსანიძე და სხვებმა. ღონისძიებაზე, ქალბატონმა იამ წარმატებული მოსწავლეები: საბა ხიმშიაშვილი, მარიამ მგელაძე და სხვები დააჯილდოვა და მათ გადასცა საქართველოს თავად-აზნაურთა საკრებულოს ალმანახი ,,სამეფო’’.  ზეიმი დასრულდა ლიცეუმის მგალობელთა გუნდის მიერ შესრულებული გალობით, რომლის ხელმძღვანელია ბექა ხუციშვილი.

 - ,,რწმენა, ოჯახი, სკოლა და წარმატებული მოსწავლე ‘’– ასეთი გახლავთ დევიზი ნიკო ბაგრატიონის სახელობის სკოლა - ლიცეუმისა, რომელიც გამორჩეულია დედაქალაქში არსებულ სასწავლო დაწესებულებებს შორის და რომელიც ზრუნავს არამარტო განათლებაზე, არამედ მოზარდების პატრიოტული სულისკვეთების ჩამოყალიბებაზე.
  საგულისხმოა, რომ ლიცეუმი დაარსდა კათოლიკოს-პატრიარქის  ილია || -ის ლოცვა კურთხევითა და პატრონაჟით. იგი, უკვე ათი წელიწადია ფუნქციონირებს და ლიციანტები ყოველთვის წარმატებით აბარებენ საატესტატო და ეროვნულ გამოცდებს. აქ განსაკუთრებული ყურადღება ექცევა ქართულ ენასა და ლიტერატურას. გაძლიერებულად ისწავლება ინგლისური და რუსული ენები.
 ქალბატონი ია ძალ ღონეს არ იშურებს იმისათვის, რათა ლიცეუმი იყოს ერთ-ერთი წარმატებული სასწავლო დაწესებულება. მას თითოეულ ლიციანტთან განსაკუთრებულად თბილი და მეგობრული დამოკიდებულება აქვს. იგი, განსაკუთრებულ შეღავათს უწევს მრავალშვილიან, სოციალურად დაუცველ და დევნილთა ოჯახის შვილებს. aსევე ირჯებიან ფირექტორის დირექტორის მოადგილეები: გიორგი ჩხიკვიშვილი და ზაზა ჩიქოვანი.
    დირექტორმა  განსაკუთრებული  სიამაყით აღნიშნა, რომ  ლიცეუმის მე-11 კლასის მოსწავლის საბა ხიმშიაშვილის  მიერ დაწერილმა ესსემ ,,იყიდება საქართველო’’, განდაკუთრებული მოწონება დაიმსახურა და იგი გამოქვეყნდა ალმანახში.
 აღსანიშნავია, რომ ლიცეუმში მაღალი რანგის პროფესიონალი პედაგოგები მოზარდებს უღვივებენ ლტოლვას კითხვისადმი, აცნობენ ქართული კულტურის, ისტორიის უნიკალურ მიღწევებს. მართალია, ლიცეუმს საკუთარი შენობა არა აქვს, მაგრამ ეს სწავლის ხარისხს დაბლა არ სწევს. სიახლეა ის, რომ  4-5 წლის აღსაზრდელთათვის გაიხსნა საბავშვო ბაღი – სკოლისათვის მოსამზადებელი პროგრამით.
  სკოლა-ლიცეუმი გამოირჩევა იმითაც, რომ აქ მოზარდებს პატრიოტული სულისკვეთებით ზრდიან და  მათ უღვივებენ  ეროვნულ-ქრისტიანულ მრწამსს. მოსწავლეები გამოირჩევიან ქცევის კულტურით, ზრდილობით, არ ეწევიან სიგარეტს და მისდევენ ჯანსაღ ცხოვრების წესს. ლიციანტებს ჰყავთ მოძღვარი და ყოველ პარასკევს ტარდება ზეთისცხება და ბავშვების განწმენდის რიტუალი სულიერად და ზნეობრივად; აქ დამკვიდრებულია სახარების, კატეხიზმოს, ,,ვეფხისტყაოსნის’’ პროგრამები; ასევე, ისწავლება ეტიკეტი, ჭადრაკი, სამბო, კალიგრაფია, გალობა და ქართული ცეკვა. ლიცეუმში 1 - 6 კლასის მოსწავლეებისთვის, წლიურ გადასახადში შედის კვება, გაკვეთილების მომზადება. ფუნქციონირებს  გახანგრძლივებული ჯგუფი.
  როგორც ქალბატონმა იამ აღნიშნა: აქ ყველანაირი პირობაა შექმნილი იმისთვის, რომ მოზარდებმა კარგი განათლება მიიღონ. სურვილი გვაქვს, რომ ლიცეუმი ბავშვებისთვის იყოს პატარა ოაზისი, ცოდნის, რწმენის და ზნეობის ტაძარი. გვინდა რომ აღვზარდოთ მომავალი ჯანსაღი და განათლებული თაობა, რომელიც საქართველოს მოუვლის და  სწორი გზით წაიყვანს, განაგრძობს ტრადიციებს და გაუ
ფრთხილდება ჩვენს ეროვნულ ფასეულობებს.

          მზია გოგოძე
გაზეთი ,,სახალხო განათლება +''

პოლიტიკა

  ,,ეროვნული ფორუმის’’ გზავნილი ამომრჩეველს

                  მოახლოებულ არჩევნებზე და სხვა პოლიტიკურ საკითხებზე გვესაუბრება პარლამენტის წევრი და ეროვნული ფორუმის ერთ-ერთი ლიდერი ანი მიროტაძე.

 -ქალბატონო ანი, ,,ეროვნული ფორუმი’’ დამოუკიდებლად მიიღებს მონაწილეობას არჩვნებში, ეს დიდი გამოცდა და პასუხისმგებლობაა, რა შედეგს ელოდებით?

  -ეს გადაწყვეტილება, დიდი ფიქრის შემდეგ მივიღეთ... ჩვენ არამარტო ვიმსჯელეთ, არამედ დავითვალეთ და შეიძლება ითქვას, ,,ინვენტარიზაცია’’ გავაკეთედ ჩვენი შესაძლებლობების. ასევე, გადავამოწმეთ, კიდევ ერთხელ, იმ ადამიანების პოზიციები და განწყობები, რომლებიც წლების განმავლობაში მხარს გვიჭერდნენ და ჩვენთან ერთად იყვნენ გამარჯვებისთვის ბრძოლაში, დაწყებული 2006 წლიდან დღემდე. ამ ყველაფრის შეფასების, გადაფასების და შეჯერებული პოზიციის შემდეგ, გავიტანეთ საკითხი ყრილობაზე და ამის შემდეგ, გადაწყდა არჩევნებში დამოუკიდებლად მონაწილეობის მიღება. პირველ რიგში, მიმაჩნია, რომ კოალიციურ რეჟიმში ,,ეროვნულმა ფორუმ-‘’მა თავისი გასაკეთებელი, მნიშვნელოვანი საქმე გააკეთა; ამასთან,  პარტიას უკვე აქვს იმის  შესაძლებლობა, რომ საკუთარი ძალები დამოუკიდებლად გამოსცადოს. ასევე, ჩვენ გვინდა ვიცოდეთ, რამდენი ადამიანი გვიჭერს მხარს და რა რაოდენობის ამომრჩეველი გვყავს. ასე რომ, პარტიამ უნდა იცოდეს მისი რეიტინგი, რომელიც იზომება დემოკრატიული და სამართლიანი არჩევნების დროს. ჩვენ გვექნება მკაფიო გზავნილები ამომრჩევლისთვის.

 -თქვენი პარტიის ახალი ინიციატივაა - საქართველოს სასამართლო სისტემის რეფორმა.. როგორ ფიქრობთ, რა მდგომარეობაშია დღეს სასამართლო და რა ცვლილებების განხორციელებაა საჭირო?

-მიგვაჩნია, რომ დღეს, საკმაოდ მძიმე ვითარებაა სასამართლოში და არა იმიტომ, რომ იქ არის მურუსიძე, თუმცა, ეს კიდევ სხვა პრობლემაა, ზოგადად, სისტემაში რთული სიტუაციაა შექმნილი. მიუხედავად იმისა, რომ ჩვენ დავიწყეთ ადეიშვილის ,,ჯიბის სასამართლოს’’ რეფორმირება, რომლის დროსაც გადაწყვეტილებები მის კაბინეტში იწერებოდა და შემდეგ, ამას მოსამართლეები ახმოვანებდნენ.. დღეს კი, რეფორმირების მიუხედავად, მაინც არის ხარვეზები. ეს პროცესი თუ ასე გაგრძელდა, ,,ეროვნულ ფორუმს’’ მიაჩნია, რომ სისტემა ჩაიკეტება და ქაოსი შეიქმნება, ამას  კი მოსახლეობის პროტესტი მოყვება. ამიტომ, სასამართლო უნდა გადავარჩინოთ ახლა და მოსახლეობას ვთავაზობთ ჩვენს ხედვას.

-კონკრეტულად?

 -ჩვენი კონკრეტული ხედვა ასეთია: მოსამართლეები, პირველ და მეორე ინსტანციაზე უნდა იყვნენ არჩეულები მოქალაქეების მიერ. მაგალითად, 1017 წლის თვითმმართველობის არჩევნებზე, ადგილობრივ წარმომადგენლებთან ერთად, უნდა მოხდეს მოსამართლეების არჩევა რეგიონებისა და თბილისის რაიონული მასშტაბით.

-მსგავსი გამოცდილება სხვა ქვეყანაშიც არსებობს?

-რა თქმა უნდა, თუმცა,  პირდაპირ მორგებული და სტანდარტული არ არის.. უახლოეს პერიოდში, საქართველოში,  მოსამართლეებს სამ წლიანი გამოსაცდელი ვადა გაუვათ და შემდეგ სამუდამოდ დაინშნებიან, რაც იმას ნიშნავს, რომ კანონის უზენაესობა, ქვეყანაში არ იქნებ უზრუნველყოფილი. მოსახლეობას კი,  საშუალება არ მიეცემა ეს მახინჯი პრაკტიკა რაიმეთი შეცვალოს. ჩვენ მიგვაჩნია, რომ ვიდრე ჯერ კიდევ, შესაძლებელია, მოქალაქეებს შევთავაზოთ არჩევანის საშუალება, რათა თვითონ აირჩიოს ისეთი პიროვნება, ვისაც ანდობს სამართალს. ვინაიდან, სამართალი ანდო ადამიანს, ეს არის დიდი პასუხისმგებლოც, მაღალი ლეგიტიმაციაც და ჩართულობაც.. თუ გვინდა, რომ სასამართლოში იყოს ობიექტური მოსამართლე, მაშინ სწორი არჩევანი უნდა გავაკეთოდ.

-რაც შეეხება სხვა პროგრამულ შეთავაზებებს..… რატომ უნდა მოგცეთ ამომრჩეველმა ხმა?

- ვაპირებთ ჩვენი საარჩევნო პროგრამის პრეზენტაციის გავმართვას, სადაც წარმოდგენილი იქნება, ეკონომიკური და სოციალური საკითხების მოგვარების ჩვენეული ხედვა. ჩვენს წინადადებებს, ფართო განსჯისთვის ვთავაზობთ საზოგადოებას და მზად ვართ, ნებისმიერი  არგუმენტირებული შენიშვნა გავითვალისწინოთ. ,,ეროვნულ ფორუმს’’ აქვს თავისი ხედვა ქვეყნის ფუნქციასთან და მის როლთან დაკავშირებით, მის უსაფრთხოებასთან მიმართებაში როგორც რეგიონის მასშტაბით, ისე ქვეყნის შიგნით და ა.შ. ამის შემდეგ შეგვვიძლია დავასკვნათ, თუ როგორ მიდის ,,ეროვნული ფორუმი’’ 8 ოქტომბრის არჩევნებზე.

-,,ეროვნული ფორუმი’’ პარლამენტში, მხოლოდ ზოგადი განცხადებებით... გამოირჩევა..

-ამ ეტაპზე ასეა, მაგრამ კიდევ ერთხელ აღვნიშნავ, ჩვენ აქტიურად დავიწყეთ ჩევნი ხედვების საზოგადოებისთვის გაცნობა.. პარტიას საინტერესო წინადადებები აქვს ტერიტორიული მთლიანობის, საფინანსო და საგადასახადო კუთხითაც..

-თქვენმა ლიდერმა გუბაზ სანიკიძემ, თავისი მოუზომავი კომენტარებით არაერთი ადამიანის აღშფოთება გამოიწვია... თქვენ რა აზრის ხართ ამასთან დაკავშირებით? 

-თქვენ არ მოგეწონათ, გუბაზ სანიკიძის კომენტარი, ბიძინა ივანიშვილის წერილთან დაკავშირებით?

-ქალბატონო ანი, საზოგადოების უმრავლესობას არ მოეწონა და არც მე ვარ გამონაკლისი... ასევე, თავის დროზე, მოსახლეობაში, აზრთა სხვადასხვაობა გამოიწვია გუბაზ სანიკიძეზე ფარულმა ჩანაწერმა... საინტერესოა, თქვენი მოსაზრება აღნიშნულთან დაკავშირებით?

-დავიწყოთ იმით, რომ გუბაზ სანიკიზე თავად არის ფარული ჩანაწერების მსხვერპლი და ეს, კიდევ ერთი მაგალითია იმისა, თუ რა ბნელ ქვეყანაში ვცხოვრობდით, რაგდან ადამიანებს საკუთარ ,,სამზარეულოში’’ უსმენდნენ. თუმცა, ეს სხვა თემაა. რაც შეეხება გუბაზ სანიკიძეს, ადამიანმა შეიძლება რაღაც თქვა, მაგრამ რეალურად, მას არავისთვის არაფერი დაუშავებია, არავისთვის ფული არ წაურთმევია, არვინ დაუზიანებია და ქვეყნისთვის არანაირი ზიანი არ მიუყენებია. საერთოდ, ,,ეროვნული ფორუმის’’ არცერთ წევრს არავისი ვალი არა აქვს. ცალკე სალაპარაკო თემაა ეს გახმაურებული ამბავი, მაგრამ თუ იმასაც შევაფასებთ, რომ ეს ადამიანი მოიქცა თუ არა ისე..… ვფიქრობ, ყველა ადამიანი, საკუთარი ქმედების მიხედვით უნდა შეფასდეს. პოლიტიკოსი კი, საკუთარი განცხადებების გაკეთების დროს, ყურადღებით უნდა იყოს... რაც შეეხება ყოფილი პრემიერის წერილის შეფასებას, გუბაზ სანიკიძემ მკაფიოდ აღნიშნა, რომ ეს მას დაუწერეს გარემოცვის წარმომადგენლებმა, რომლებიც ბატონ ბიძინას არ აწვდიან სწორ ინფორმაციას - ქვეყანაში არსებულ მდგომარეობაზე, რაშიც აბსოლუტურად, ვეთანხმები. არადა, ადამიანმა უნდა იცოდეს თუ რა ხდება ქვეყანაში  და ინფორმაციულ ვაკუუმში არ უნდა იყოს. საწუხაროდ, მოსახლეობის უმრავლესობა შიმშილობს, ეს არის რეალობა. ასეთ დროს, რთულია არ გააკეთო სწორი შეფასება და თქვა, ყველაფერი კარგად არის. არადა, ყველამ კარგად იცის, თუ რა ვითარებაა ქვეყანაში და რა პერსპექტივა აქვს, თითოეული ოჯახის სოციალური მდგომარეობის გაუმჯობესებას. ასე რომ, გუბაზ სანიკიძიმ, განცხადება გაკეთა ივანიშვილის გარემოცვის მისამართით და თქვა, რომ ასეთი ტიპის წერილები ყოფილი პრემიერის სახელით არ უნდა ქვეყნდებოდეს. ვფიქრობ, ამაში შეურაცხმყოფელი არაფერია, პირიქით დამაფიქრებელი...  მიმაჩნია, რომ ყოფილი პრემიერი, რომელსაც საზოგადოებაში დიდი რეიტინგი აქვს, არ უნდა იყოს ინფორმაციულ ვაკუუმში. ეს კი, იწვევს გაუცხოებას საზოგადოებისა და ადამიანის, რომელსაც დიდი ნდობა აქვს და რომელსაც გაჰყვა მოქალაქეების უმრავლესობა, 2012 წლის არჩევნებზე. აი, სწორედ ეს  ღნიშნა გუბაზ სანიკიძემ და გამოყენებული სიტყვების გაშიფვრა არ უნდა დავიწყოთ.. თუ, მაინც და მაინც, გვინდა გამოვეკიდოთ სიტყვებზე,  უნდა ეთქვა: ,,საშუალო დონის თამადის დაწერილია’’ ან ,,უნიჭო ადამიანის დაწერილია’’ .. ეს, შეფასების საკითხია..

-ვის მიიჩნევთ თქვენს მთავრ კონკურენტად?

-ჩვენი პარტნიორი არის ხალხი, ხოლო კონკურენტია ყველა პოლიტიკური ძალა, ,,ნაციონალები’’-სა და მასთან დაკავშირებული პარტიების გარდა. ,,ნაციონალურ მოძრაობასთან’’ ჩვენ, ვერ გვექნება ჯანსაღი კონკურენცია, რადგან იგი არის წარსულის პარტია და დღეს, ამ რაოდენობითაც არ უნდა იყვნენ პარლამენტში წარმოდგენილნი, ეს არ არის საქართველოს მოსახლეობის არჩევანი...

-ეროვნული ფორუმი ამბიციური სახელია, რა გააკეთა თქვენმა პარტიამ ეროვნული თვალსაზრისით?

-ჩვენ, არც ერთი ეროვნული მნიშვნელობის საკითხი არ დაგვიტოვებია რეაგირებისა და მკაფიო განცხადებების გარეშე. ჩვენ ყოველთვის გაგვაჩნია მკაფიო პოზიცია, მაგალითად, ტერიტორიულ მთლიანობასთან დაკავშირებით. მიმაჩნია, რომ ქვეყანაში არაფერი არ იქნება კარგად, თუ ეს საკითხი არ მოგვარდა. ,,ეროვნულ ფორუმს’’ მიაჩნია, რომ ამ პრობლემის მოგვარება შესაძლებელია. ასევე, მიგვაჩნია, რომ ეროვნული მნიშვნელობის საკითხი და ქვეყნის უსაფრთხოება არის, საქართველოს ფუნქციის დაფიქსირების საკითხი რეგიონში. სწორი და თანმიმდევრული პოლიტიკის შემთხვევაში, ტერიტორიული მთლიანობის აღდგენა შესაძლებელია. ამისათვის კი, ქვეყანა უნდა იყოს ეკონომიურად ძლიერი, წელში გამართული და რაც მთავარია,  დაცული უნდა იყოს ქვეყნის უსაფრთხოება და ის ტერიტორიები, რომლებიც ოკუპირებულია....

- ფორუმის საგარეო კურსი როგორია?

-ჩვენ, ყვოველთვის მიგვაჩნდა და ახლაც ასე ვფიქრობთ, რომ უალტერნატივო გზა არის -  საქართველოს ევროპულ ოჯახში დაბრუნება და არა შესვლა. ჩვენ ისტორიულად, ევროპული ოჯახის წევრი ვართ. საქართველოს ბევრი აქვს გაკეთებული მსოფლიო ისტორიისთვის, რაც ნიშნავს იმას, რომ მას აქვს თავისი ბუნებრივი ოჯახი, საიდანაც ხელოვნურად გამოგლიჯეს. ამიტომ, ჩვენი ევროპულ ოჯახში დაბრუნება, აუცილებლად მოხდება.. ალტენატივა არა აქვს კურსს, რომელიც ჩვენ დაგვაბრუნებს ევროპულ ოჯახში.

 -კახა შარტავა აქტიურ პოლიტიკას უბრუნდება, მისი დივიდენტები, ჯერჯერობით, მხოლოდ მამამისის სახელია.. თქვენს გუნდთან ერთად,  რა მიზნები გაქვთ მომავალში, საქართველოს საკეთილდღეოდ?

-კახა შარტავა პოლიტიკიდან არ წასულა და ისევ, აქტიურ პოლიტიკაში შემოდის. ჩვენ, როდესაც კოალიციაში ვიყავით, მან ერთადერთმა თქვა უარი ყველანაირ თანამდებობაზე და გადაწყვიტა პარტიული საქმიანობის გაგრძელება და საკამოდ წარმატებით, რადგან შეინარჩუნა მრავალრიცხოვანი პარტია. იგი, საკმაოდ ჭკვიანი და გამოცდილი პოლიტიკოსია და არის ჩვენი სარჩევნო სიის პირველი ნომერი. კახა შარტავა, იქნება იმ პოლიტიკური პროცესების ხელმძღვანელი, რომელსაც საარჩევნოდ ,,ეროვნული ფორუმი’’ ჩაატარებს..

- ვანო მერაბიშვილის საქმეზე, სტრასბურგის სასამართლოს გადაწყვეტილებაზე რას გვეტყვით, გავრცელდა ინფორმაცია, მისი პოლიტპატიმრად ცნობის შესახებ?

-არა, ეს არ არის სიმართლე. აქ საუბარი იყო, სასამართლო პროცესების დროს, არსებულ ხარვეზებზე, კონკრეტულად, მის საკნიდან გაყვანასთან დაკავშირებით. თუმცა, ეს ჩემთვის არაფერს არ ცვლის, რადგან ვანო მერაბიშვილი არის დამნაშავე და იყო მონაწილე იმ რეჟიმისა, რომელიც ერჩოდა საკუთარ ხალხს, არბევდა მშვიდობიან მომიტინგეებს, ადამიანი, რომელიც გვამებს ითხოვდა და ამაში პრემიებს არიგებდა და ა.შ. ჩემთვის იყო, არის და იქნება დამნაშავე, რომელი პოლიტიკური გუნდის წარმომადგენელიც არ უნდა იყოს და როგორი კითხებიც არ უნდა იყოს, გამოძიების პროცესთან დაკავშირებით. თუმცა, იმასაც გეტყვით, რომ ჩემთვის ის არის ცალსახად, მაგრამ ასევე, ცალსახად არ უნდა დაირღვეს მისი უფლებები, პატიმრობის დროს.

-,,ეროვნული ფორუმის’’ პროგრამულ ნაწილზე ისაუბრეთ, მაგრამ რაც შეეხება სიებს და მაჟორიტარებს.. რა ნიშნის მიხედვით აკომპლექტენთ სიებს?

- ეს საკითხი, საზოგადოებისთვის უახლოეს მომავალში გახდება ცნობილი. პოლიტსაბჭომ გადაწყვეტილება უკვე მიიღო, დედაქალაქის და რაიონების მასშტაბით, 20 მაჟორიტარ კანდიდატთან დაკავშირებით და ეს პროცესი გრძელდება. ჩვენ, მალე გავაცნობთ მოსახლეობას, იმ ადამიანებს, რომლებიც დაიცავენ ეროვნული ფორუმის ინტერესებს - სხვადასხვა მაჟორიტარულ ოლქში. ჩვენ გვაქვს იმის ამბიცია, რომ რაც შეიძლება ბევრი წარმატებული და პროფესიული უნარ-ჩვევებით აღჭურვილი ადამიანი იყოს ჩვენს გვერდით. ვინაიდან, ვფიქრობ, რომ საქართველოში იწყება სრულიად ახალი ეტაპი.

-ქალბატონო ანი, რა ეტაპს გულისხმობთ?

 -ჩვენ უნდა ჩავატაროთ რევოლუციური არჩევნები... საერთოდ, ვთვლი, რომ 2012 წელსაც არ იყო ჩვენთან არჩევნები დემოკრატიული.. 2013-14 წლებში, ჩვენ მოვახერხეთ, მეტნაკლებად, დემოკრატიული არჩევნების ჩატარება... 2016 წლის არჩვენების მიმართ, საკმაოდ მაღალი ინტერესია. ჩვენ უნდა გავაკეთოდ განაცხადი, ვთქვით  თუ არა უარი ჩამორჩენილობაზე, სადაც იგულისხმება ქვების სროლა, გაყალბება და ა.შ. სწორედ,  8 ოქტომბერს გავიგებთ, მზად არის თუ არა ქვეყანა  საფუძველი ჩაუყაროს დემოკრატიულ არჩევნებს, სადაც ადამიანებს აღარ მოპარავენ არჩევანს, აღარ მოახდენენ მასზე ზეწოლას და არავის არ გაუჩნდება კითხვები, არჩევნების ლეგიტიმაციასთან დაკავშირებით.…
     
   
                 ესაუბრა  მზია გოგოძე

ინტერვიუ გამოქვეყნდება ჟურნალ ,,მედიატორში''

პოლიტიკა

  ჩვენი კურსი –პროქართულია

 ,,თამაზ მეჭიაური - ერთიანი საქართველოსთვის’’ – ასეთია სახელწოდება ახალი პოლიტიკური გაერთიანებისა, რომლის დამფუძნებელია პარლამენტის წევრი თამაზ მეჭიაური. პარტიის  ამოცანებსა და სამომავლო პერსპექტივებზე თავად ბატონი თამაზი ისაუბრებს.
       
  - ბატონო თამაზ, რა მიზნით დააფუძნეთ პარტია და როგორია თქვენი პოლიტიკური გეგმები?

 -ჩვენი პარტიის მთავარი მიზანია ხელისუფლებაში მოსვლა.  იმისათვის, რომ ხალხმა  აგვირჩიოს, მათ მკაფიოდ ჩამოყალიბებული ხედვა უნდა შევთავაზოთ - იმ ძირეულ სახითხებზე, რომელიც მოსახლეობას აინტერესებს..

 - რატომ გაემიჯნეთ ,,ქართულ ოცნებას’’ ?

-,,ქართულ ოცნებას’’  გავემიჯნე იმიტომ, რომ მისი საგარეო კურსი, ვფიქრობ, არასწორია.

-კონკრეტულად რას გულისხმობთ?

- კერძოდ, ეს ეხება ევროატლანტიკურ ალიანსთან მის დამოკიდებულებას და მიმართებას. ,,ქართულ ოცნებას’’ მიაჩნია, რომ ჩვენ აუცილებლად გავწევრიანდებით ნატოში და ამ გზას ალტერნატივა არ გააჩნია....

-თქვენ სხვაგვარად ფიქრობთ?

-მიმაჩნია, რომ ნატოში გაწევრიანება არის ილუზია და ალიანსში შესვლის არანაირი პერსპექტივა არ გაგვაჩნია.  ჩვენ დაკარგული გვაქვს ტერიტორიები და  იგი ოკუპირებული აქვს რუსეთს. აფხაზეთის და ოსეთის გარეშე, ევროატლანტიკურ სივრცეში გაწევრიანება, არ არის ხალხის არჩევანი. ასეთ სიტუაციაში ნატო არ მიგვიღებს, რადგან ტერიტორიების დასაბრუნებლად, მაშინ მას მოუწევს რუსეთთან საომარი მოქმედებების წამოწყება, რასაც არცერთი ქვეყანა არ დაუშვებს.

 -თქვენ გამოირჩევით სკანდალური განცხადებებით... საინტერესოა, როგორია თქვენი პარტიის კურსი: პროდასავლური, პრორუსული თუ ნეიტრალური?

 -ჩვენ ავირჩიეთ პრაგმატული კურსი… ჩვენთვის უპირველესი ამოცანაა: ტერიტორიული მთლიანობის აღდგენა და ქვეყნის ინტერესების უზენაესობა.  სხვა დანარჩენი, ეს იქნება ურთიერთობა ნატოსთან თუ ევროკავშირთან,  უნდა იყოს საშუალება და არა მიზანი. საშუალება - ჩვენი ქვეყნის ტერიტორიული მთლიანობის და მისი ტრადიციების შენარჩუნებისათვის. ამ გზაზე კი, ჩვენ უნდა ვითანამშრომლოდ ყველა მხარესთან, ვისაც ხელეწიფება ამ საკითხების გადაწყვეტა და ხელშეწყობა, მათ შორის რუსეთთან... გამომდინარე იქედან, რომ ტერიტორიების დაბრუნება, ამ უკანასკნელთან ურთიერთობის მოგვარების გარეშე შეუძლებელია. ომით და ძალისმიერი მეთოდებით კი, ეს გამორიცხულია.

-ბატონო თამაზ, ,,ქართულ ოცნების’ სხვა ყველაფერი მოგწონდათ?

 -სამწუხაროდ, ,,ქართულმა ოცნებამ’’ ვერ შეასრულა ის ერთ-ერთი მთავარი დანაპირები, რაც გულისხმობს სამართლიანობის აღდგენას და იგი, თავიდანვე გახდა კოჰაბიტაციის ტყვე. ეს თავმოხვეული იყო უცხოეთიდან – რესპუბლიკელების მეშვეობით. მოგეხსენებათ, რომ კოჰაბიტაციამ შეაფერხა სამართლიანობის აღდგენა..  სწორედ, ამის შედეგია ის, რომ ადამიანებმა, რომლებმაც საკუთარ თავზე იწვნიეს სააკაშვილის რეჟიმი, სამართალი დღემდე ვერ იპოვეს.  იმ პერიოდში, 300 ათასი პრობაციონერი იყო და მრავალ ადამიანს, უკანონოდ წაართვეს ქონება..… სამწუხაროდ, მათთვის სამართლიანობის აღდგენა ვერ მოხერხდა. ის ჩინოვნიკები კი, რომელთა ხელმძღვანელობით უსამართლობა ხორციელდებოდა, დაუსჯელია.

-თქვენ ერთხელ აღნიშნეთ, რომ ბატონ ბიძინასთან კონსულტაციის შემდეგ შევქმნი პარტიასო ანუ იგი თანახმა იყო, რომ  ასეთი პარტიის შეგექმნათ?

-ბატონ ბიძინასთან მქონდა კონულტაციები და შევძელი, რომ  დამერწმუნებინა. ჩემს აზრს აქვს არსებობის უფლება, მე ჩემი შეხედულება მაქვს, ბიძინას თავისი, მაგრამ პატივს სცემს ჩემს გადაწყვეტილებას.

-ვის მიიჩნევთ კონკურენტად არჩევნებში?

-ყველა პარტია კონკურენტია, ვინც არჩევნებში მონაწილეობს…..

-რითი ხართ გამორჩეული სხვა პარტიებისგან?

-გამოვირჩევით იმით, რომ ჩვენი კურსი  ცალსახად, არის პროქართული და ვითანამშრომლებთ ყველა იმ ძალასთან და პოლიტიკურ გაერთიანებასთან, რომელთათვისაც ჩვენი ქვეყნის ინტერესი უზენაესია. კიდევ ერთხელ აღვნიშნავ, ჩვენი მთავარი მიზანია: ტერიტორიული მთლიანობის აღდგენა.

 -ცნობილი სახეები, სხვადასხვა სფეროდან, რა ნიშნით გაერთიანდნენ თქვენს პარტიაში?

 - თავისი პოლიტიკური  მოღვაწეობით და ზოგადად, დამსახურებით ქვეყნის წინაშე.. მათი უმრავლესობა, 2012 წლამდეც  უსამართლობას ებრძოდა და დღემდე ასე აგრძელებს.  მათთვისაც მისაღებია ჩვენი საგარეო კურსი და მიაჩნიათ, რომ სამართლიანობის აღდგენა არ მოხერხდა და საჭიროებს მეტ ძალისხმევას. ჩვენ მიგვაჩნია, რომ ,,ქართულ ოცნებაში’’, დამსახურების მიხედვით არ ხდებოდა პარტიის წევრების წარმოჩენა. მიუხედავად იმისა, რომ პარტიას საკმარისზე მეტი რესურსი გააჩნია, მაინც ,,გარედან’’ შემოყჰავდათ პოლიტიკური ლიდერები, რაც ნონსენსია.

 - რა შანსები  აქვს  თქვენს პარტიას არჩევნებში?

 - მოსახლეობას თუ სწორად მივაწვდით ჩვენს ხედვებს და საარჩევნო კამპანიას ნაყოფიერად წარვმართავდ, საკმაოდ სერიოზულ შედეგს მივიღებთ.  იმედია, შევძლებთ ისეთი წარმომადგენლობით მოსვლას ხელიუფლერბაში, რომ ჩვენს გარეშე, ვერცერთი სერიოზული გადაწყვეტილების მიღება ვერ მოხება.

 - ყრილობის ჩატარებას როდის გეგმავთ?

 -ყრილობას უახლოეს მომავალში ჩავატარებთ. მოგეხსენებათ, ახლახან დავაფუძნეთ პარტია და ძალიან ბევრი ტექნიკური საკითხები გვაქვს მოსაგვარებელი. ჯერ არ გვაქვს ოფისები,  ჩამოსაყალიბებელია რაიონული და რეგიონული სტრუქტურები და ა. შ.

-ბიზნესმენ ლევან ვასაძეთან თუ აპირებ თანამშრომლობას?

-არ გამოვრიცხავ ლევან ვასაძესთანაც გვქონდეს კონულტაციები...

- რას იტყვით ნაციონალების რევანშზე?

-მიმაჩნია, რომ მშვიდობიანი გზით, ნაციონალებს ხელისუფლებაში მოსვლის არანაირი შანსი არ გააჩნიათ. ასე რომ, ვერ შეძლებენ არჩევნების გაყალბების მოტივით, იგივე სცენარის გამეორებას, რაც გააკეთეს 2003 წლის არჩევნების შემდეგ და რაც მოხდა უკრაინაში, მაიდანზე. უმრავლეობაში მოვა ის პოლიტიკური ძალა, რომელიც მათთვის, კიდევ უფრო მიუღებელია, ვიდრე ,,ქართული ოცნება’’. 

-ბატონო თამაზ, რა არის საქართველოთვის ყველაზე დიდი პრობლემა?

-ტერიტორიული მთლიანობის აღდგენა.

-როგორ წარმოგიდგენიათ საქართველოს მომავალი?

-ის გეოპოლიტიკური მდებარეობა, რომელიც საქართველოს გააჩნია, ერთი მხრივ, საფრთხის შემცველია, მაგრამ იმ შემთხვევაში, თუ ხელიუფლება მოახერხებს სტრატეგიული მდგომარეობის სწორად გამოყენებას და ასევე, საკუთარი  და სხვა ქვეყნების ინტერესების გათვალისწინებას,  მათ შორის, რუსეთისაც, მაშინ სიტუაცია სხვაგვარად იქნება.მოგეხენებათ, რომ ამ უკანასკნელს არ სურს ჩვენს ტერიტორიაზე, მითვის მტრული სახელმწიფოს სამხედრო ბაზების განთავსება. ასევე, გასათვალისწინებელია დასავლეთის ქვეყნების ინტერესები, რომელიც გულისხმობს აღმოსავლეთიდან ევროპისკენ გაზისა და ნავთობის მიწოდებას, რომელიც ჩვენს ტერიტორიაზე გადის. აგრეთვე, გასათვალისწინებელია ის გარემოება, რომ ირანს და სომხეთს სჭირდებათ რუსეთთან დამაკავშირებელი გზა, რომლიც საქართველოს გავლითაა. ყურადსაღებია, ჩინეთის დიდი პროგრამაც, რომელიც აბრეშუმის გზის აღდგენას გულისხმობს და საქართველოს გარეშე ვერ განხორციელდება... თუ ამ ყველაფერს სწორად გამოვიყენებთ, მაშინ შეიძლება ეს ქვეყნები გახდნენ გარანტი იმისა, რომ ჩვენთან იყოს სტაბილურობა და დაცული იყოს ტერიტორიული მთლიანობა, რამეთუ, მათი ინტერესების უსაფრთხოება  იყოს უზრუნველყოფილი.

                    მზია გოგოძე
ინტერვიუ გამოქვეყნდება ჟურნალ ,,მედიატორში''

დიზაინერი

         

                                                       
                       
    ჩემთვის  მთავარი  ინდივიდუალიზმია

               

             თბილისში, მოდის კვირეულზე გამართულ ჩვენებაზე, საზოგადოების ყურადღება მიიპყრო ორიგინალურმა ხელნაკეთმა აქსესუარებმა, დახვწილი დიზაინით შექმნილმა ყელსაბამებმა და სხვა სამკაულებმა, რომლის ავტორია დიზაინერი ნანა ჩხეიძე. იგი პროფესიით ექიმი-სტომატოლოგია, თუმცა ამ სფეროში ცოტა ხნით იმუშავა, რადგან თვლის, რომ  მედიკოსობა მისი მოწოდება არ არის და აკეთებს იმ საქმეს, რომელიც ძალიან უყვარს......

   ნანა ჩხეიზე:  ბავშვობიდანვე სულ ვხატავდი და ჩემთვის სხვადასხვა ნივთებესაც ვაკეთებდი. მშობლები მედიცინის მუშაკები არიან და სწორედ, ამ ფაქტმა განაპირობა ის, რომ სამედიცინო ინსტიტუტში ჩავაბარე, თუმცა, ჩემს საყვარელ საქმიანობას ყოველთვის ვაგრძელებდი....

  -ნანა, როდის დაინტერესდით დიზაინერის პროფესიით?
 
 - დიზაინერობა ყოველთვის მინდოდა... სკოლის პერიოდში, პარალელურად სამხატვრო სასწავლებელშიც ვსწავლობდი და ჯერ კიდევ, იქ დავიწყე ტანსაცმლის ესკიზებზე მუშაობა, სულ ვხატავდი სხვადასხვა სტილის კაბებს და აქსესუარებს...  ვემზადებოდი  სამხატვრო აკადემიაში ჩასაბარებლად, მაგრამ მშობლების დაჟინებული თხოვნით, მოულოდნელად შევიცვალე გადაწყვეტილება და საბუთები თბილისის სახელმწიფო სამედიცინო ინსტიტუტში შევიტანე და ჩავირიცხე სტომატოლოგიის ფაკულტეტზე.

 -პირველად რომელი სამკაული შექმენით?

 -დაახლოებით, ოცი წლის წინ დავიწყე სამკაულების შექმნა.... სკოლა რაც დავამთავრე, მას შემდეგ ჩანთა არ მიყიდია, სულ ჩემს ხელნაკეთ ჩანთას და აქსესუარს ვხმარობ, ასევე, ერთი პერიოდი ვმუშაობდი პოპ-არტზეც...

 - თქვენს კოლექციაში, ძირითადად, რომელი აქსესუარი სჭარბობს?

 -ჩემს კოლექციაშია სხვადასხვა აქსესუარებია: ყელსაბამები, სამაჯურები, ბეჭდები, საყურეები ჩანთები, ბეწვის და ტყავის ბროშები, ქამრები, ზარდახშები, საეკლესიო ნივთები და სხვა.

 -ნანა, თქვენ აღნიშნეთ, რომ ბავშვობიდანვე ხატავთ, ფერწერული ნამუშევრე3ბი თუ გაქვთ?

 -რა თქმა უნდა, როგორც გითხარით, სულ ვხატავდი.. ხატვის ვიჭი მამისგან გამომყვა. მაქვს ფერწერული და გრაფიკული ნამუშევრები, ძირითადად  ვხატავ აკვარელში. ასევე, შექმნილი მაქვს სხვადასხვა ჭედური კომპოზიციები და თხუთმეტი რელიგიური ნახატი... დიდი სურვილი მაქვს ხატწერა შევისწავლო და იმედია, მომავალში ამ ოცნებას ავისრულებ.

 -ტანსაცმლის დიზაინზე თუ მუშაობთ?

 -ბოლო წლებია ამ კუთხით აღარ ვმუშაობ, თუმცა, წლების წინ საქორწინო კაბებისა და ფეხსაცმლის დიზაინს ვქმნიდი...

  -ნანა, თქვენს შემოქმედებაში, ძირითადად, რას ანიჭებთ უპირატესობას?

 -ჩემი შემოქმედების ძირითადი მიმართულებაა – ინდივიდუალიზმი და საკუთარი ხელწერა. შეიძლება ითქვას, რომ რამდენიმე მიმართულებით ვმუშაობ. ეს არის - ტყავის მოხატვა საღებავებით და ტყავის დამუშავება – ჩემეული ტექნოლოგიით. ხშირად, საკუთარი გრაფიკული ნამუშევარიც ტყავზე გადამაქვს. ჩემს შემოქმედებაში მნიშვნელოვანია ასევე, ფერადოვნება და ფერთა შეხამება...

 -კოლექციის შექმნისას, უმეტესად, რომელ ფერს იყენებთ?

-უფრო მეტად, პასტელურ ფერებს ვანიჭებ უპირაეტსობას. არ მიყვარს შავი ფერი, მას ძირითადად, ჩანთებისა და ფეხსაცმლის დიზაინის შექმნისას ვიყენებ, აქსესუარებისთვის კი, ნაკლებად. ვფიქრობ, ბუნება იმდენად მრავალფეროვანია და გარშემო იმდენი ლამაზი ფერი არსებობს, როგორ შეიძლება ის არ გამოვიყენოთ?... მიმაჩნია, რომ ყველაზე დიდი შემოქმედი მაინც ბუნებაა.

 -ნანა, თქვენ გეკუთვნით ყელსაბამების კოლექცია, რომელიც წელიწადის დროების  მიხედვით შექმენით...

 -კი ასეა, მაქვს ყელსაბამები, რომელიც წელიწადის დროებს შეესაბამება. კოლექსიაში ფერები გამოყენებულია სეზონის მიხედვით. მაგალითად, ერთ-ერთ ყელსაბამს ვუწოდე ,,გაზაფხული’’, რომლის შექმნასაც ერთი კვირა მოვანდომე. ყელსაბამისთვის ბევრი ფერი გამოვიყენე და მისი ჰარმონიაში მოყვანა არ იყო ადვილი, თუმცა, დასრულებული სახით ძალიან საინტერესო გამოვიდა და დამთვალიერებლებსაც ძალიან  მოეწონათ. ასევე, შევქმენი ყელსაბამები რომელსაც ,,ზაფხული’’, ,,შემოდგომა’’ და ,,ზამთარი’’ ვუწოდე. ეს უკანასკნელი სულ თეთრ ფერში გავაკეთე და ერთ-ერთმა აფრიკელმა ქალბატონმა შეიძინა.

 -აქსესუარების შექმნისას, ძირითადად, რა მასალას იყენებთ?

 -სხვადასხვა მასალას, ძირითადად, ნატურალურ ტყავს, ბეწვს, ზამშეს, ბუნებრივ ქვებს, სადაფს, ხის და ლითონის დეტალებს, ძველ მონეტებს...

 -ძალიან ლამაზი ბეჭდების კოლექცია გაქვთ, ისინი რომელიმე დიზაინის ანალოგიით შეიქმნა?

 -არა, რა თქმა უნდა. ბეჭდების დიზაინი ჩემი გემოვნებით შევქმენი. Mსაერთოდ, ხელოვანი ადამიანი სულ ძიებაში უნდა იყოს. მე დროთა განმავლობაში, სულ სიახლისა და იდეების  ძიებაში ვარ, როგორც ზემოთ გითხარით, ძალიან მიყვარს ფერთა შეხამება და ლამაზი სამკაული... ასე შეიქმნა ჩემი  ტყავზე მოხატული ბეჭდების კოლექცია,  ლითონის დეტალებითა და სხვადასხვა ბუნებრივი ქვების გამოყენებით.

 -თქვენს კოლექციაში სულ რამდენი სამკაულია?

 -საკმაოდ ბევრი... ახალი კოლექცია კი, შეიქმნა თბილისის მოდის კვირეულისთვის, რომელიც ნოემბერში გაიმართა. უნდა გითხრათ, რომ კვირეულზე ჩემმა აქსესუარებმა დიდი მოწონება დაიმსახურა და რამდენიმე გაიყიდა კიდეც...  ბეჭდები და სამაჯურები, ძირითადად, მამაკაცებმა შეიძინეს  - საჩუქრად ქალბატონებისთვის.
                                                                                                       

 -დიდ დროს ანდომებთ აქსესუარების შექმნას?

 -ეს დამოკიდებულია იმაზე, თუ რას ვაკეთებ... მთავარია იდეა მოვიდეს და მერე უკვე ვმუშაობ იქამდე, სანამ არ დავასრულებ ნამუშევარს. ჩემი ყველა სამკაული ერმანეთისგან განსხვავებული და ორიგინალურია. ყოველთვის, ვცდილობ ისეთი სამკაული შევქმნა, რომ ქალბტონებისთვის მოსაწონი და სასურველი იქნება.

 -ხელნაკეთი აქსესუარების გამოფენაზე თუ მიგიღიათ მონაწილეობა?

 -რასაკვირველია... ჯერ-ჯერობით მქონდა ორი პერსონალური გაოფენა... ასევე, ჩემი კოლექცია წარმოდგენილი ოყო გალერეა ,,ვაჩეში’’, ,,მუზაში’’, ,,მეტეხში’’ და ა. შ. ასევე, შემოთავაზება მქონდა ეპანეთიდან და გერმანიიდან - გამოფენაზე მონაწილეობს მისაღაბად, მაგრამ უსახსრობის გამო ვერ მოვახერხე წასვლა.. უცხოელებს განსაკუთრებით მოსწონთ, ჩემი შექმნილი ტყავის საამკაულები და სხვა აქსესუარები

 -ნანა, როგორც ვიცი თქვენ წერთ ლექსებს, გვიამბეთ ამის შესახებ?

 -წერა ძალიან მიყვარს... ვწერ ლექსებსაც და ჩანახატებსაც. უახლოეს მომავალში ვაპირებ  მოკრძალებული კრებულის გამოცემას, რომლის პრეზენტაცია შედგება ჩემს პერსონალურ გამოფენაზე.

 -ამჟამად, თუ ქმნით ახალ კოლექციას?

 -ამჟამად, ვმუშაობ ახალ  კოლექციაზე, რომელსაც სულ მალე შევთავაზებ ქალბატონებს. კოლექციის სახელწოდებაა: ,,იფრინე ტყავის ფრთებით’’, რომელიც რომანტიკოს და მეოცნებე მანდილოსნებს  მივუძღვენი. აქ იქნება წარმოდგენილი ყელსაბამები – ფრთებისმაგვარი ვარიაციებით...  აღნიშნული კოლექციის შექმნის იდეა წამოვიდა  მთავარანგელოზის ფრთებიდან.. ერთხელ დიდხანს ვუყურებდი, ,მთავარანგელოზის’’ ხატს რომელსაც უზარმაზარი ფრთები აქვს და  მაშინ გამიჩნდა სურვილი ეს ფრთები ჩემს ნამუშევარში ამესახა. იმედია, ჩემი ახალი კოლექცია ქალბატონებს ძალიან მოეწონებათ.

                 მზია გოგოძე
ჟურნალი ,,ქართული ელიტა''  12 თებერვალი, 2012 წელი

გაზეთი ,,თბილისი''

საქართველოს რესპუბლიკა 2013-05-02

პროსტიტუცია და საბედისწერო განსაცდელი

პროსტიტუცია უძველესი პროფესიაა, რომელიც ყველა ქვეყანაში არსებობს. მეძავები საქართველოშიც მრავლად არიან. პროსტიტუციის მორალურ მხარეზე რომ არაფერი ვთქვათ, სექს-ინდუსტრია ქვეყანაში სხვადასხვა დაავადებების გავრცელების რისკს ზრდის, რამაც შესაძლოა სავალალო შედეგიც კი გამოიწვიოს. საქართველო მიეკუთვნება იმ ქვეყნებს, სადაც პროსტიტუცია ლეგალიზებული არასდროს ყოფილა, რადგან ამ პრობლემისადმი საზოგადოებში არაერთგვაროვანი დამოკიდებულებაა.
გავესაუბრედ კანისა და ვენსნეულებათა სამეცნიერო-კვლევითი ინსტიტუტის გენერალურ დირექტორს, მედიცინის მეცნიერებათა დოქტორს, პროფესორ გიორგი გალდავას.

 - ბატონო გიორგი, მეძავები ყველაზე დიდ რისკ-ჯგუფებს წარმოადგენენ სქესობრივი გზით გადამდები დაავადებების გავრცელების თვალსაზრისით. ამ პროფესიის წარმომადგენლები, პერიოდულად მაინც არ იტარებენ სამედიცინო გამოკვლევას.

 - სამწუხაროდ, დღეს საქართველოში, სქესობრივი გზით გადამდები დაავადებების პრევენციის და ეპიდზედამხედველობის სახელმწიფო პროგრამა არ მუშაობს, აქედან გამომდინარე, რისკ-ჯგუფებში პროფილაქტიკური ღონისძიებები არ ტარდება. საბჭოთა პერიოდში კომერციულ "სექს-მუშაკებს", იძულების წესით ათავსებდნენ დახურული ტიპის სტაციონარებში, რომელიც თბილისში და ქუთაისში არსებობდა და იქ უტარებდნენ დიაგნოსტიკასა და მკურნალობას, მაგრამ საქართველოში და, ზოგადად, მთელს მსოფლიოში ამ საკითხისადმი მიდგომა რადიკალურად შეიცვალა. პირველ ეტაპზე წამოიწია ადამიანის უფლებების დაცვამ, ამიტომ იძულების წესით მათი მკურნალობა გამორიცხულია, მით უმეტეს, სამედიცინო მომსახურება ფასიანია...

- რომელი გადამდები დაავადებებია უფრო გახშირებული.

- ჩვენს კლინიკაში აღირიცხება ეს დაავადებები. უნდა გითხრათ, რომ ამ ეტაპზე კლების ტენდენცია არ შეიმჩნევა, პირიქით, ზოგიერთი დაავადება უფრო მეტად გახშირდა. მაგალითად, ქლამიდიოზი, ტრიქომონიაზი, გენიტალური სოკოვანი ინფექცია და სიფილსი და, რაც განსაკუთრებით საგანგაშოა - შიდსიც....

- რამდენადაც ვიცი, ძალიან ხშირად, პაციენტები მეგობრების რჩევით მკურნალობენ. თქვენ პაციენტები როგორ მოგმართავენ.

- დღეს, რახან მკურნალობა ფასიანია, პაციენტები ექიმის გარეშე, თვითმკურნალობას მიმართავენ, მეგობრის ან ნათესავის "გამოცდილების" გათვალისწინებით. ამას ხელს უწყობს სამკურნალო საშუალებების სატელევიზიო და ბეჭდვითი რეკლამა, მედიკამენტების ურეცეპტოდ გაცემა, სააფთიაქო ქსელის მუშაკთა მიერ მკურნალი ექიმის კომპეტენციაში ჩარევა, უფრო ხშირად ფარმაცევტებისა და პროვიზორების რჩევით დანიშნული ანტიბიოტიკები ...
მსგავსი ტიპის მკურნალობა, რა თქმა უნდა, არაეფექტიანია... ძალზედ ხშირად შესაძლოა გართულებებიც გამოიწვიოს. უნდა აღინიშნოს, რომ პაციენტების რაოდენობა მას შემდეგ შემცირდა, რაც ჩვენმა დაწესებულებამ ადგილმდებარეობა შეიცვალა. ბევრმა არ იცის, რომ დერმატო-ვენეროლოგიური კლინიკები გაერთიანდა და ნინოშვილისა და კონსტიტუციის ქუჩებიდან გადავიდა ახალ, თანამედროვე ტიპის შენობაში, დიღომში, ლუბლიანას ქუჩა #5-ში, რომელიც აღჭურვილია ულტრათანამედროვე სადიაგნოსტიკო და სამკურნალო აპარატურით. ჩვენთან ყველანაირი პირობაა მაღალი დონის გამოკვლევებისა და სათანადო სამკურნალო თერაპიის. არაპროფილურ დაწესებულებებში - თერაპიულ, უროლოგიურ და გინეკოლოგიურ კლინიკებსა და განყოფილებებში კი, ძალიან ხშირად მცდარ დიაგნოზს სვამენ და მკურნალობაც არასწორად წარიმართება.
გვაქვს ინფორმაცია, რომ ძალიან ბევრი გინეკოლოგი, უროლოგი და რეპროდუქტოლოგი მცდარი დიაგნოზის საფუძველზე პაციენტებს ასევე მცდარად მკურნალობენ უროგენიტალურ ქლამიდიოზზე და სხვა ინფექციებზე. ამიტომ, პაციენტმა, მხოლოდ სპეციალიზებულ დერმატო-ვენეროლოგიურ დაწესებულებას უნდა მიაკითხოს...

- ამბობენ, რომ ქუჩაში მდგომი ქალების უმეტესი ნაწილი დაავადებულია...თქვენ, როგორც დერმატო-ვენეროლოგს, თუ გაქვთ კონტაქტი მათთან.

- როგორც უკვე ვთქვი, ადრე უფრო მჭიდრო კონტაქტი არსებობდა. იყო სახელმწიფო პროგრამა, რომლის მიზანი იყო "სექს-მუშაკებში" და ჰომოსექსუალური ქცევის მამაკაცებში ვენერიული დაავადებების პრევენცია. მაშინ ამ პროგრამას მოცული ჰქონდა მთელი ქვეყნის ტერიტორია. ასევე, აქტიურად მუშაობდა არასამთავრობო ორგანიზაცია "თანადგომა"... "სექს-მუშაკები" ჩვენთან მოჰყვდათ.

- ფაქტია, რომ პროსტიტუციით დაკავებული ადამიანები, დიდ ფსიქოლოგიურ წნეხში იმყოფებიან, მათ ხშირად აყენებენ ფიზიკურ თუ სიტყვიერ შეურაცხყოფას, მიუხედავად ამისა, ისინი მაინც ყოველდღე დგანან და კლიენტებს ელოდებიან... რა აიძულებს ქალს ასეთი არაპოპულარული ნაბიჯის გადადგმისკენ.

- "მეძავები", თავიანთი ცხოვრების წესს მძიმე სოციალურ პირობებს აბრალებენ, რომელთა შორის პირველ ადგილზე დგას მარტოხელა დედის ფაქტორი... ფაქტია, რომ მათ არა აქვთ სახარბიელო ცხოვრება, დგანან სიცივეში, ან პაპანაქება სიცხეში, წვიმაში და ელოდებიან ცლიენტს... პარტნიორები მეძავებს, ხშირად უფრო მაღალი ანაზღაურების სანაცვლოდ, დაუცველ სქესობრივ კავშირს სთავაზობენ. როცა ასე გახშირებულია ვენერიული დაავადებები, დაუშვებელია მამაკაცმა წუთიერი სიამოვნების სანაცვლოდ, დაუცველი სქესობრივი კავშირი დაამყაროს "სექს-მუშაკთან". ასეთმა წუთიერმა სიამოვნებამ მას შესაძლოა უდიდესი პრობლემები შეუქმნას, ოჯახი დაუნგრიოს, ჯანმრთელობა შეურყიოს, ფინანსურადაც დააზარალოს.

- ადამიანი თუ დროულად არ მიაკითხავს ექიმს, რა პათოლოგიები შეიძლება გამოიწვიოს ვენერიულმა დაავადებამ.

- სქესობრივი გზით გადამდებმა დაავადებებმა შეიძლება გამოიწვიოს უშვილობა, მამაკაცებში პოტენციის დაქვეითება-იმპოტენცია და სხვა გართულებები. ეს არ არის მხოლოდ შარდსასქესო სისტემის ანთებითი პათოლოგიები, მათი ფარული, ქრონიკული და ხანგრძლივი მიმდინარეობა ადამიანის მთელ ორგანიზმში იწვევს სხვადასხვა გართულებას - კუჭ-ნაწლავის, გულსისხლძარღვთა, მხედველობის, საყრდენ-მამოძრავებელი და სხვა ორგანოების დაზიანებას. უნდა ითქვას, რომ ზოგიერთი გადამდები ვენერიული დაავადება საბედისწერო შედეგების მომტანია და სიკვდილსაც კი იწვევს.

- თქვენ როგორც ექიმი, რა აზრის ხართ პროსტიტუციის ლეგალიზაციაზე.

- პროსტიტუციის ლეგალიზაცია შეიძლება განვიხილოთ ორი მიმართულებით... ერთი მხრივ, ლეგალური პროსტიტუციის შემთხვევაში, ჩვენ მივიღებთ "ინდ-მეწარმეს", ანუ გადასახადის გადამხდელს - კომერციულ სექს-მუშაკს, რომელთაც ექნებათ ჩვეულებრივი პროფესია, სამუშაო საათები, ბიუჯეტში შესატანი ოფიციალური გადასახადი და ა.შ. ხოლო, მეორე მხრივ, მივიღებთ ახალ კანონს, რომლის მიხედვითაც თითოეულ სექს-მუშაკს მოუწევს ვალდებულების აღება, რათა ჩაიტაროს პროფილაქტიკური გამოკვლევა სქესობრივი გზით გადამდებ დაავადებებზე. სამედიცინო თვალსაზრისით, ლეგალიზაციას დადებითი შედეგი ექნება და სქესობრივი გზით გადამდები დაავადებები ნაკლებად გავრცელდება. არის მესამე მომენტიც... ტრადიციულ და ძირძველ მართლმადიდებელ ერს შეუძლია აღიაროს ასეთი "ბიზნესის" არსებობა. - რა თქმა უნდა, არა... რელიგიური თვალსაზრისით, ეს მიუღებელია...
საერთოდ, პროსტიტუციის ლეგალიზაცა დიდი პრობლემაა და იგი არ უნდა მოხდეს ეკლესიის, სპეციალისტების და კანონმდებლების გარეშე...

- არა მგონია, რომ საქართველოში მომუშავე "სექს-მუშაკს" დადებითი დამოკიდებულება ჰქონდეს პროსტიტუციის ლეგალიზაციაზე... უცხოეთში ამ მხრივ რა მდგომარეობაა.

- ამსტერდამი, ჰამბურგი, სხვა ქალაქები და ქვეყნებია ამ ბიზნესის თვალსაჩინო მაგალითი. მოგეხსენებათ, რომ ევროპის ბევრ სახელმწიფოში პროსტიტუცია ლეგალიზებულია და იქ არსებობენ ყველასათვის ცნობილი ქუჩები, უბნები, სადაც ვიტრინებში ან პირდაპირ საფეხმავლო ტერიტორიაზე გამოფენილნი არიან სექს-მუშაკები, რომლებიც კლიენტებს დაუფარავად, ყველას თვალწინ, მომსახურების ფასზე ევაჭრებიან... იქ სექსუალური კულტურაც მაღალია. მაგალითად, შვედეთში მინიმუმამდეა დაყვანილი სქესობრი გზით გადამდები დაავადებები. შვედეთის ხელისუფლება ყველანაირად ზრუნავს იმაზე, რომ მათთან მოსაზღვრე ქვეყნებიდანაც კი, არ შეაღწიოს ამ დაავადებებმა... ტაილანდში მეძავებს თვეში ერთხელ, ან ორჯერ უტარებენ კვალიფიციურ გამოკვლევებს, რათა მათი მომხმარებელი მაქსიმალურად დაიცვან ვენერიული დაავადებებისგან.
ჩვენს ქვეყანაში, სოციალურ-ეკონომიური მდგომარეობის გათვალისწინებით, გადაუჭრელ თავსატეხად რჩება პროსტიტუციის და ვენერიული დაავადებების პრობლემის მოგვარება, რაც დამღუპველ ზეგავლენას ახდენს ერის გენოფონდზე.






ავტორი:  მზია გოგოძე

საქართველოს რესპუბლიკა      2013-04-30

თამბაქო - რეკლამირებული სიკვდილი

საზოგადოებრივი თავშეყრის ადგილებში თამბაქოს მოხმარება იკრძალება. მთავრობის კიდევ ერთი ინიციატივა ამჯერად სიგარეტისა და ალკოჰოლის მოხმარების შემცირებას უკავშირდება. კანონში ცვლილებები მზადდება და კონტროლი ამ პროდუქტების მოხმარებაზე სავარაუდოდ გამკაცრდება.
ცნობილია, რომ რეკლამა დიდ ზემოქმედებას ახდენს ადამიანის ფსიქიკაზე. ლამაზად გაფორმებული ბანერები, სატელევიზიო რეკლამები, რა თქმა უნდა, მოზარდის ყურადღებას იქცევს - გვითხრა თამბაქოს კონტროლის ალიანსის ხელმძღვანელმა გიორგი ბახტურიძემ, - მისი თქმით, საქართველოში, თამბაქოსგან გამოწვეული დაავადებებით, ყოველწლიურად, 9 ათასიდან - 11 ათასამდე ადამიანი იღუპება. მათ შორის 3 ათასი პასიური მწეველია.

- ბატონო გიორგი, სახელმწიფომ რა ღონისძიებები უნდა გაატაროს იმისთვის, რომ დაიცვას მომავალი თაობის ჯანმრთელობა და სიცოცხლე.

- საქართველოს პარლამენტმა 2005 წელს თამბაქოს კონტროლის შესახებ ჯანდაცვის მსოფლიო ორგანიზაციის ჩარჩო კონვენციის რატიფიცირება მოახდინა, რითაც აიღო საერთაშორისო პასუხისმგებლობა, შეესრულებინა ნაკისრი ვალდებულება. თუმცა, მათგან მცირე ნაწილია შესრულებული. ფაქტია, რომ დღემდე საქართველოში თამბაქოს საწინააღმდეგო პრევენციული ღონისძიებები არ ტარდებოდა. ჩვენ არაერთხელ ჩავატარეთ საინფორმაციო კამპანია სკოლებსა და სხვა დაწესებულებებში, მაგრამ ეს ზღვაში წვეთია... თამბაქოს კონტროლი ჩვენს ქვეყანაში "აქილევსის ქუსლია". აუცილებელია, სასწავლო დაწესებულებებში სააგიტაციო პროპაგანდის წარმოება. განათლების სამინისტრომ კი, უნდა შეიმუშაოს პედაგოგთა გადამზადების სპეციალური პროგრამა. მასწავლებელმა მოზარდს უნდა მიაწოდოს ინფორმაცია თამბაქოს მავნეობის შესახებ. უნდა შეიქმნას სპეციალური სერვისები, რომლებიც ადამიანს დაეხმარება სიგარეტის მოწევის თავის დანებებაში. აუცილებელია, საზოგადოებრივ თავშეყრის ადგილებში, სასწავლო, კულტურულ და სპორტულ დაწესებულებებში თამბაქოს მოხმარების მკაცრად აკრძალვა.

- კანონით ხომ ეს ისედაც აკრძალულია.

- რა თქმა უნდა, მაგრამ არ სრულდება. კანონი თამბაქოს კონტროლის შესახებ 2003 წელს მიიღეს. იგი, შედარებით, სუსტი იყო, 2008 წელს კი, შეიცვალა და უფრო გამკაცრდა. კანონი რომ მოქმედებდეს, ამისათვის საჭიროა ადმინისტრაციულ-სამართალდარღვევათა კოდექსში ცვლილებების შეტანა და საჯარიმო სანქციების დაწესება.
- რას გვეტყოდით თამბაქოს ინდუსტრიაზე.
- სამწუხაროდ, თამბაქოს ინდუსტრია კარგად არის განვითარებული. მისი ზემოქმედების შედეგად უამრავი ადამიანის ჯანმრთელობა ილახება... ფაქტია, რომ თამბაქოს ინდუსტრია უხეშად ერევა ჯანდაცვის პოლიტიკის შემუშავების და განხორციელების პროცესში. ასევე, დიდია ლობისტების ზეგავლენაც... სახელმწიფოს ყველა ბერკეტი აქვს იმისთვის, რომ თამბაქოს მომხმარებელთა რიცხვი შეამციროს.

- რა ინფორმაცია გაქვთ თამბაქოს ხარისხზე.

- დღეს, ფაქტობრივად, ბაზარი გაჯერებულია უხარისხო პროდუქციით. საქართველოში, 2004 წლიდან გაუქმდა ლიცენზია თამბაქოს წარმოებასა და ხარისხის კონტროლზე. ამჟამად, თურქეთიდან შემოდის განადგურებას დაქვემდებარებული, დაბინძურებული ნედლეული, რომელიც უფასოდ გადაეცემათ ქართველ მეწარმეებს. საქართველოში კი ნედლეულს ხელმეორედ ამუშავებენ, აფასოებენ და ლამაზად შეფუთულს ყიდიან. აქვე ისიც უნდა ითქვას, რომ თამბაქოს წარმოების პროცესში ურევენ ისეთ ქიმიურ ნივთიერებებს, რომლების 2-3-ჯერ ზრდის ნიკოტინზე დამოკიდებულებას.

- გამოდის, რომ ეს კრიმინალური ბიზნესია, რაც, ფაქტობრივად, არ კონტროლდება.

- მართალი ბრძანდებით, კრიმინალური ბიზნესია, რომელიც წახალისებული იყო სახელმწიფოს მხრიდან. ჯანდაცვის მსოფლიო ორგანიზაციის რეკომენდაციით, თამბაქოს ინდუსტრიას პრიორიტეტი არც ერთ ქვეყანაში არ უნდა ჰქონდეს, ჩვენთან კი, პირიქითაა. თამბაქო არის პროდუქტი, რომელიც სიკვდილს იწვევს, ანუ ეს არის ლეგალიზებული სასიკვდილო ნივთიერება, რომლის რეალიზაცია ნებადართულია. ამასთან, მოსახლეობამ უნდა იცოდეს, რომ სიგარეტი საშიშია მათი ჯანმრთელობისთვის. თამბაქო სხვადასხვა დაავადებებთან ერთად, მამაკაცებში იმპოტენციასაც იწვევს. სიგარეტის მოწევის შედეგად, ქალებში 2-3 პროცენტით მოიმატა ფილტვის სიმსივნემ... დღეს, ყოველი მე-4 ადამიანი იღუპება თამბაქოსგან გამოწვეული დაავადებების შედეგად. ასე რომ, თამბაქომ შეიძლება ერის დეგრადაცია გამოიწვიოს, ამიტომ მოვუწოდებ თითოეულ მწეველს, უარი თქვას სიგარეტზე, გაუფრთხილდეს საკუთარ ჯანმრთელობას და იცხოვროს ჯანსაღი ცხოვრების წესით!



ავტორი:  მზია გოგოძე

       
     ,,ო, ენავ ჩემო, დედაო ენავ!’’

   14 აპრილი საქართველოში დედაენის დღედ აღინიშნება. 38 წელი გავიდა მას შემდეგ, რაც  ქართულ ენას - სახელმწიფო ენის სტატუსის დაკარგვის საფრთხე დაემუქრა. ქართველი ხალხი, საპროტესტო აქციით წინ აღუდგა საბჭოთა იმპერიიის გადაწყვეტილებას და მთვარობა იძულებული გახდა ქართული სახელმწიფო ენად გამოეცხადებინა.
 დედაენის დღე ტრადიციულად,  საქართველოს ყველა სკოლაში და უმაღლეს სასწავლებელში  აღინიშნება. ეს ღირშესანინავი თარიღი საზეიმოდ აღინიშნა თბილისის 106-ე საჯარო სკოლაში, რომელაც ესწრებოდნენ: საკრებულოს წევრი გულიკო  ზუმბაძე, საკრებულოს მაჟორიტარი დეპუტატი ლია ჯახველაძე, სამგორის რაიონის გამგებლის მოადგილე ავთანდილ დიასამიძე, მაჟორიტარი დეპუტატი ია მაკასარაშვილი, რესუსცენტრის უფროსი მეგი როსტიაშვილი-წიკლაური, გამგეობის წარმომადგენელი მერი აფციაური,  რაიონის პროფკავშირის თავჯდომარე გულიკო ამილიძე და სხვადასსხვა სკოლის დირექტორები.
 ღონიძიებაზე, დირექტორმა თენგიზ გულორდავამ საზეიმოდ გახსნა  დაწყებითი კლასების კორპუსი, რომელიც ახლახან გარემონტდა და აღიჭურვა შეაბამისი ინვენტარით. ამიერიდან, აქ 6 პირველი კლასი იქნება.  პატარებითვის სკოლაში, მართლაც, ზღაპრული სამყაროა შექმნილი. ოთახებს და დერეფნებს ამშვენებს ხვადასხვა ნახატები და მონუმენტური პანო. ილუსტრაციების ავტორია მხატვარი დათო ასლანიშვილი.
  საღამოს ორგანიზატორი გახლდათ, ქართული ენისა და ლიტერატურის  ღვაწლმოსილი პედაგოგი ლია ზურაბიშვილი. იგი არაერთი ღონისძიების ავტორია და მოსწავლეებს ცოდნასთან ერთად, სამშობლოსა და  დედაენის სიყვარულს ასწავლის.  ღონიძიების მომზადებაში, ქალბატონ ლიას გვერდში ედგნენ  სკოლის დამრიგებლები: დარეჯან კონტრიძე, რიტა ყიფშიძე, მარინე კუპატაძე და სხვები.
 ზეიმზე, ბავშვებმა თეატრალიზებული სანახაობა წარმოგვიდგინეს. წაიკითხეს  დედაენიადმი მიძღვნილი პოეტთა ლექსები და ამონარიდები  ქართული ენის მნიშვნელობის შესახებ. ასევე, შეასრულეს ქართული ცეკვები და სიმღერები. განაკუთრებით დიდი მოწონება დაიმახურა სალომე ხუჯაძის და რეზი დიდებაშვილის შესრულებულმა სიმღერებმა. უნდა აღინიშნოს, რომ რეზი ,,ახალი ხმის’’ გამარჯვებულია.
 ღონისძიებაში მონაწილეობდნენ , 106-ე სკოლი ლიტერატურული კლუბის წევრები:  მე-9 კალსის მარიამ ცუხიშვილი, მე-8 კლასის მოსწავლეები: ანა კუტუბიძე, მარიამ ჩიქოვანი, მარიამ სართანია, გვანცა ჩხეტიანი, რეზი დიდებაშვილი,  სალომე ხმალაძე, სალომე ხუჯაძე, ვაჟა ლუტიძე, გუგა ცუხიშვილი; ასევე, მე-5 მეორე კლასის მოსწავლეები: ნინო მესროფაშვილი, გიორგი ჭიღლაძე, ლუკა კურტანიძე, გიორგი ნაცვლივილი, საბა კირკიტაძე, ანა მაკარიძე, ლიზი გულბანი, ნინო დევნოზაშვილი, ანა ანთიძე, ლიზი  გამეზარდაშვილი, ლიზი გარსევანიშვილი, მარიამ დავითაშვილი, ნია კილასონია, სესილი მგალობლიშვილი, ანასტასია სიჩევსკი, გიორგი ცუცქირიძე და მარიამ ჯაიანი.
 დიდ ეკრანზე ნაჩვენები იყო უძველესი ხატები, სამონასტრო კომპლექსი, საქართველოს გეოგრაფიული რუკა და ტაძრებზე არმოჩენილი უძველესი წარწერები.
  საინტერესო იყო პირველ კლასელების მიერ შესრულებული, პატარა ეპიზოდი გურამ მაისურაძის მოთხრობიდან ,,სადღეგრძელო’’. ბავშვებმა  გააცოცხლეს  პერსონაჟები იაკობ გოგებაშვილის ,,დედაენიდან’’ და კოსტუმირებული, მშვენიერი სანახაობა წარმოგვიდგინეს. სტუმრები მოიხიბლნენ მოსწავლეების არტისტიზმით და გამართული მეტყველებით, რისთვისაც შექება დაიმსახურეს.
  ლია ზურაბიშვილი: ,,ო, ენავ ჩემო’’- ასე ქვია დღევანდელ ღონისძიებას, სადაც ბავშვებმა წარმოგვიდგინეს ქართული ენის თავგადასავალი. მოსწავლეები საგანგებოდ მოემზადნენ და სერიოზულად მოეკიდნენ დაკისრებულ მოვალეობას. საერთოდ, ღონისძიება არის გაკვეთილის გაგრძელება, სადაც ცოდნის თვალსაწიერი ფართოვდება და იძენენ სხვადასხვა უნარ-ჩვევებს. ბავშვები შეეცადნენ, კარგად წარმოეჩინათ თავიანთი შესაძლებლობები და მოწვეული სტუმრებისთვის საინტერესო სანახაობა ეჩვენებინათ. აღნიშნული ღონისძიებით, პატივი მივაგეთ მშობლიურ ენას და ეს დღე ბავშვებს არაოდეს დაავიწყდებათ.
  სამწუხაროდ, დარბაზი უქონლობის გამო, ღონიძიება ერთ-ერთ საკლასო ოთახში ჩატარდა.  კარგი იქნება თუ შეასბამისი ორგანოები, ყურად იღებენ აღნიშნულ პრობლემას და სკოლას დაეხმარებიან დარბაზის მშენებლობაში.

       მზია გოგოძე

9 აპრილი

 ტრაგედია, რომელმაც თავისუფლება მოგვიტანა!

 9 აპრილის ტრაგედიიდან 27 წელი გავიდა... 1989 წლის 9 აპრილი - ქართველი ხალხისთვის, ერთდროულად ცრემლის და სიხარულის დღეა, ჩვენი ისტორიის უმნიშვნელოვანესი ფურცელია. სწორედ, ამ დღეს ჩაეყარა საფუძველი საქართველოს თავისუფლებისა და სახელმწიფოებრივი დაოუკიდებლობის აღდგენის პროცესს. 9 აპრილი, საბჭოთა კავშირის სივრცეში იყო უნიკალური პოლიტიკური მოვლენა, რომელმაც კომუნისტურ წყობას საფუძველი შეურყია. ეს თარიღი არის ქართველი ერის გმირობისა და თავისუფლების წყურვილის გამოხატულება. 9 აპრილს დაღუპული ჩვენი თანამემაულეები კი, ეროვნული გმირები არიან,  რომელთა თავგანწირვას დავიწყება არ უწერია.
 

,,ჩვენი სკოლა იხსენებს 9 აპრილს’’- ასეთი იყო სახელწოდება ღონისძიებისა, რომელიც თბილისის მე-9 საჯარო სკოლაში გაიმართა და რომელსაც ესწრებოდნენ გლდანი-ნაძალადევის რაიონის გამგეობის თანამშრომლები, დედაქალაქის საკრებულოსა და რესურს ცენტრის წარმომადგენლები.
   ღონისძიებაზე, მოსწავლეებმა ლოცისა და სანთლების ფონზე, გაიხსენეს  საქართველოს პატრიარქის მიმართვა 9 აპრილის მომიტინგეებისადმი.  ასევე, მოიგონეს დაღუპული თანამემამულეები და პატივი მიაგეს  მათ ხსოვნას.
მოსწავლეებმა წარმოგვიდგინეს ლიტერატურული - მუსიკალური კომპოზიცია, წაიკითხეს პატრიოტულ თემაზე შექმნილი ლექსები და ქართველი კომპოზიტორების სიმღერები: ,,ტიტები’’, ,,თავისუფალ საქართველოს მზეო’’,,შავლეგ შენი შავი ჩოხა’’ და სხვები.
  ღონისძიებაზე, დიდი მოწონება დაიმსახურა: ლაშა შარაბიძის, ლიზა გაგულიას, გუგა მანჯგალაძის, ელენე და სალომე ტლაშაძეების შესრულებულმა სიმღერებმა, მათ აკომპანიმენტს უწევდა მუსიკოსი მაია მარშანია. სტუმრები, ასევე მოიხიბლნენ მოსწავლეების: ვაკო აბრამოვის, ლანა ჩეკურიშვილს, ანა მაკარაშვილს და ანა ბიძინაშვილის მხატვრული კითხვით.
დარბაზში, დიდი ოვაცია გამოიწვია და მხურვალე ტაში დაიმსახურა  ლუკა ჯანელიძის ემოციურად წაკითხულმა ლექსმა, რომელმაც გულგრილი არავინ დატოვა...
შთამბეჭდავი იყო, მე-9 სკოლის მუსიკის პედაგოგის: ნანა ზარქუას მიერ შესრულებული სიმღერა ,,საქართველო აყვავდები ისევ’’...

  მარინა გიგაური , თბილისის  მე-9 საჯარო სკოლის დირექტორი:     აღსანიშნავია,  რომ ღონისძიებაში მონაწილებდნენ მე-7 კლასის მოსწავლეები, რომლის დამრიგებელი გახლავთ ელეონორა ფერაძე., ხოლო სცენარის ავტორია: მუსიკის პედაგოგი: ნანა ზარქუა, მათ ჩვენც დავუდექით გვერდში და ასეთი ლამაზი ღონისძიება გავმართედ. 9 აპრილი ჩვენი ერის ისტორისში უმნიშვნელოვანესი თარიღია, რომლის მიმართ გულგრილი ვერავინ დარჩები.  ეს ის დღეა, სადაც ერთად არის ჩაქსოვილი ტკივილი, პატრიოტიზმი, თავისუფლების სიყვარული, ერთიანობა. სამწუხაროდ თავისუფლებისადმი ლტოლვამ შეიწირა ჩვენი თანამემამულები . 9 აპრილის თემა - ბავშვებში იწვევს დიდ შინაგან და ფსიქოლოგიურ გარდატეხას.. აღნიშნულ ღონისძიებაში მონწილეობა მნიშვნელოვანია, მოსწავლეების ზნეობრივი და მორალური თვალსაზრისით,Pმათი პიროვნული თვისებების ჩამოყალიბებისისათვის.  სწორედ, სკოლის კედლებიდან იგრძნობს ბავშვი, თუ რა არის სამშობლოს სიყვარული, მოყვასისადმი პატივისცემა, თავგანწირვა ქვეყნისთვის და დარწმულებული ვარ, რომ ეს თვისებები მათ ბოლომდე გაჰყვებათ. ჩვენი სკოლა მოწოდებულია იმისთვის, რომ ბავშვებს მაღალი დონის განათლება მივცეთ, ჩამოუყალიბოთ მათ დიდი პიროვნული თვისებები, რათა აღიზარდნონ ღირსეული ადამიანები. სკოლის მოსწავლეები აქტიურად მონაწილეობენ სხვადასხვა ღონისძიებებში, ოლიმპიადებში, ვიქტორინებში, ინტეგრირებულ გაკვეთილებში. სულ ახლახანს, ჩვენმა სკოლამ ვიქტორინაში ,,რა, სად, როდის’’, რომელიც აკაკი გელოვანის სახელობის ბიბლიოთეკაში გაიმართა, პირველი ადგილი მოიპოვა. ასე რომ, ჩვენი ბავშვები დიდი შემართებით არიან და მეც ყველაფერს გავაკეთებ იმისთვის, რომ მოსწავლეებმა მაქსიმალურად სრულყოფილი ცოდნა გავატანო სკოლიდან.
  
   ელეონორა ფერაძე,  მე-9 სკოლის პედაგოგი მე-7 ა კლასის დამრიგებელი: ღინისძიების ჩატარების იდეა გაჩნდა მაშინ, როცა ბავშვებთან საუბარი მქონდა საქართველოს გმირებზე. მათ მწირი ინფორმაცია ქონდათ 9 აპრილის შესახებ და არ იცოდნენ  რატომ ავღნიშნავთ ამ დღეს.. ამიტომ, გაგავწყვიტე ღონისძიების ჩატარება. ბავშვები, თავად იყვნენ ჩართულები მის მომზადებაში, მოიპოვეს ინფორმაცია და... ახლა, უკვე იციან, თუ რამდენად მნიშვნელოვანი  დღეა  9 აპრილი, საქართველოს უახლეს ისტორიაში. მიხარია, რომ ასეთი დიდი ინფორმაცია მივეცით ბავშვებს...

  ნანა ზარქუა, მე-9 სკოლის მუსიკის მასწავლებელი: მე გახლავართ პიესის ავტორი. ეს უკვე მეორე ღონისძიებაა, რომელიც აღნიშნულ სკოლაში ჩავათარე. ასევე, გვქონდა  ძალიან კარგი საახალწლო ზეიმი. მე-9 სკოლა გამოირჩევა მაღალი აკადემიური მოსწრებით, კარგი კოლექტივია, ქალბატონი მარინა შესანიშნავი პიროვნებაა. დირექტორმა და სკოლის დამრიგებელმა როგორც კი მომმართეს, მაშინვე დავგეგმეთ ღონისძიება და ვფიქრობ, მშვენიერი გამოვიდა. ბავშვები, მართლაც ნიჭიერები არიან და დიდი პასუხისმგებლობით მოეკიდნენ დავალებას.. მიხარია, რომ ყველაფერმა კარგად ჩაიარა..…
  დასასრულს, მოწვეულმა სტუმრებმა თავიანთი შთაბეჭდილებები გაგვიზიარეს და აღნიშნეს, რომ ბავშვებმა მშვენივრად გაითავისეს  9 აპრილის ტრაგედია და გულწრფელად გადმოგვცეს  თავიანთი შინაგანი განწყობა. აღნიშნული ღონისძიებით, მოსწავლეებმა პატივი მიაგეს დაღუპულ თანამემამულეებს, ჩვენს ეროვნულ გმირებს...

           მზია გოგოძე

დაუნის სინდრომის საერთაშორისო დღე

        მეგობრები ქრომოსომებს არ ითვლიან...

      უკვე ხუთი წელიწადია, რაც 21 მარტი გაერთიანებული ერების ორგანიზაციის ეგიდით, დაუნის სინდრომის საერთაშირისო დღედ დაწესდა.  ამ დღეს, მსოფლიოს მრავალ ქვეყანაში, მათ შორის საქართველოში, დაუნის სინდრომის შესახებ ცნობიერების ამაღლების მიზნით, სხვადასხვა ღონისძიებები იმართება. მსგავსი სახის ღონისძიება ჩვენთან უკვე  მეოთხედ აღინიშნება.
 დაუნის სინდრომით, ყოველი 800 ბავშვიდან ერთი იბადება. ასეთი ბავშვები შესაძლოა, ნებისმიერ ადამიანს ეყოლოს. სპეციალისტების თქმით,  დაუნის სინდრომი არა დაავადება არამედ გენეტიკური ცვლილებაა. იგი, არც მემკვიდრეობითია და არც გადამდები. დაუნი არ შეიძლება გამოიყენებოდეს დამაკნინებელ სიტყვად. დაუნი არის მეცნიერი, რომელმაც პირველმა აღწერა ეს სინდრომი.
 2013 წელს, დაუნის სინდრომის საერთაშორისო ორგანიზაციის ინიციატივით დამკვიდრდა ,,უთვალავი წინდის’’ ტრადიცია, რომლის მიზანია: მასობრივი სოლიდარობის ორიგინალურად გამოხატვაა. ფერადი წინდის შეძენით, ადამიანები  იქცევენ გარშემომყოფთა ყურადღებას, ხდებიან ინფორმაციის გამავრცელებლები და იღებენ სოციალურ პასუხისმგებლობას, ასევე, წვლილი შეაქვთ დაუნის სინდრომის საერთაშორისო ორგანიზაციის ფონდში, რომელიც უფლებების დაცვასა და სტიგმის დაძლევაზე მუშაობს.
       

სწორედ დაუნის სინდრომის საერთაშორისო დღესთან დაკავშირებით, თბილისის გურამ რამიშვილის სახელობის 20-ე საჯარო სკოლაში გაიმართა ღონისძიება-აქცია სახელწოდებით: ,,მეგობრები ქრომოსომებს არ ითვლიან’’, რომლის ორგანიზატორი გახლდათ ბუნებისა და ბიოლოგიის მასწავლებელი ქეთევან წითლანაძე. აქციაში მონაწილეობდნენ 20-ე სკოლის ორი მე-8, მე-5 და მე-6 კლასები, ასევე, სპეციალური საჭიროების მქონე ბავშვები ,,მზის შვილები’’.
 ღონისძიება მართლაც შთამბეჭდავი იყო, რომელმაც გაახალისა არამარტო აქაური მესვეურები, არამედ მოწვეული სტუმრები. აქცია სხვადასხვა აქტივობებისგან შედგებოდა... თავდაპირველად,  გაიმართა ,,მზის შვილების’’ შესრულებული ნახატების გამოფენა, რომელმაც დიდი მოწონება დაიმსახურა, რადგან ნამუშებრებში, ძირითადად, გადმოცემული იყო პატარების სულიერი განწყობა.

    აქციაზე, ასევე წარმოდგენილი იყო ბავშვების მიერ მომზადებული ბანერები სხვადასხვა სლოგანებით: ,,46=47’’, ,,ქრონოსომებს არ ითვლიან’’, ,,მზის შვილები ჩვენი მეგობრები არიან’’, ,,ცხოვრება მათთან ერთად მშვენიერია’’ და ა.შ. ღონისძიება დაამშვენა მოსწავლეების მიერ შესრულებულმა ქართულმა ცეკვამ.
 დასასრულს, ღონისძიების მონაწილეებამა კუს ტბაზე გადაინაცვლეს, სადაც ფართო მასშტაბიან აქციას შეუერთდნენ.

  ლელა ნერგაძე, მე-20 საჯარო სკოლის დირექტორი: დაუნის სინდრომის საერთაშორისო დღეს, ჩვენი სკოლაც შეუერთდა და ქეთევან წითლანაძის ორგანიზებით, მართლაც ძალიან კარგი და თბილი ღონისძიება გაიმართა, დაუნის სინდრომიანი ბავშვები ბუნებით, მართლაც გამორჩეულები  და განსაკუთრებულები არიან, მათგან დიდი პოზიტივი და დადებითი ენერგია მოდის. აქვთ ჩვეულებრივი უნარ-ჩვევები. ჩვენ არ ვითვლით ქრომოსომებს და მათ სხვა ბავშვებისგან არ ვანსხვავებთ..

  ქეთევან წითლანაძე, ბუნებისა და ბიოლოგიის პედაგოგი:  ღონისძიების ორგანიზებაში გვერდში დამიდგნენ: სკოლის დირექტორი, არაჩვეულებრივი ქალბატონი ლელა ნერგაძე, სასწავლო ნაწილის გამგე, კეთილშობილი პიროვნება:  ზურა სადაღაშვილი, ასევე, კლასის დამრიგებლები და მე—5 მესამე, მე-6 პირველი,  მე-8 პირველი და მე-8 მეორე  კლასების მოსაწავლები, რისთვისაც ყველას დიდ მადლობას ვუხდი. ჩვენს სკოლაში, განსაკუთრებულის საჭიროების მქონე ბავშვებს ყველანაირი პირობა აქვსთ შექმნილი, რათა თავი კომფორტულად და მშვიდად იგრძნონ. აქ დიდ სიყვარლში იზრდებიან და ისინიც სიყვარულითვე გვპასუხობენ.
 დაუნის სინდრომიანი ბავშვები, ჩვენი საზოგაროების სრულუფლებიანი წევრები არიან, ისინი უზომოდ კეთილები და თბილები არიან, მათ არიციან ბოროტებ. სკოლაში მათთან მუშაობენ მაღალკვალიფიციური ფსიქოლოგები, რომლებიც განსაკუთრებულ შექებას იმსახურებენ, ესენი არიან: სანათა შეროზია, ლევან მუშკუდიანი და მარიამ გოჩაშვილი.
 აღსანიშნავია, რომ ქეთევან წითლანაძე გამოირჩევა დიდი ნოვატორული იდეებით, მისი ინიციატივით არაერთი ღონისძიება გაიმართა.  ჩატარდა სკოლის შემოქმედებითი საღამო, რომელიც საპატრიარქოს ტელევიზია ,,ერთსულოვნება-ში’’ გაშუქდა.
 საგულისხმოა, რომ  20-ე სკოლა გამოირჩევა კარგი აკადემიური მოსწრებით, სადაც ყველანაირი პირობაა შექმნილი, რათა ბავშვებმა  სრულფასოვანი განათლება მიიღონ, რაც სკოლის დირექტორის ლელა ნერგაძის და მაღალკვალიფიციური პედაგოგების დამსახურებაა. სკოლა მაღალ შედეგებზეა ორიენტირებული.
   
                        მზია გოგოძე

პოლიტიკა

პოლიტპატიმარი სტატუსის გარეშე..

,,მედიატორის’’სტუმარია  საქართველოს პატრიოტთა ალიანსის წევრი ემზარ კვიციანი.

-ბატონო ემზარ, რა მოხდა მაშინ კოდორში?

 - რა მოხდა 2006 წლის ივლისში? –ამ კითხვაზე პასუხი 2008 წლის 8 -13 აგვისტომ გასცა, მაშინ როდესაც სააკაშვილმა, თავის ნაციონალ ბანდასთან ერთად, მოახერხა ჩვენი 14 წლის ნაწვალები, ნასისხლარი ხეობა გადებარებინა მოწინააღმდეგე მხარისთვის, ჩვენივე რჩეული დასავლეთის დავალებით. 2003 წელს, სწორედ ამისთვის მოიყვანეს სააკაშვილი  ხელისუფლებაში,  უცხოურმა სპეცსამსახურებმა - რუსეთმა და დასავლეთმა. ყოველი ავანტურა, რომელიც განახორციელა სააკაშვილმა, შესრულებულია უცხოური სპეცსამსახურების მიერ.. ოღონდ, ისევ ქართველების ხელით. ამის ერთ-ერთი მაგალითია: კოდორის ხეობა…  სწორედ, ასეთმა მოვლენებმა  ჩამოხსნა ნიღაბი  ყველა აგენტს (სხვადასხვა სფეროში) და ნებისმიერი გზა გამოიყენეს მიზნის მისაღწევად, ოღონდაც კოდორი წაეღოთ და გაეტანებინათ უსისხლოდ. ეს ყველამ კარგად დაინახა.

-რატომ გახდით პოლიტპატიმარი?

-2006 წელს სააკაშვილმა და მისმა ბანდამ დაარღვია კონსტიტუცია და შემოიჭრა კოდორში, საქართველოს შეიარაღებული ძალების და ყველა სამართალდამცავი თუ სპეცსამსახურების გამოყენებით, მათ შორის უცხოურიც. კოდორის დამცველი მეომრები კი, მოგვაშორა ხეობას, რათა უმტკივნეულოდ გადაეცა საქართველოს ტერიტორიები შემდგომ რუსებისთვის, მაგრამ ეს არხდებოდა ამერიკელების თანხმობის გარეშე. ამიტომაც, გავხდი პოლიტდევნილი და შემდგომ პოლიტპატიმარი, ოღონდ, სტატუსის გარეშე, რადგან უცხოელმა სპეცსამსახურებმა ასე გადაწყვიტეს..  მე კი, როცა საქართველოს მთლიანობას ვიცავდი, არც გენერლობა და არც რაიმე ჯილდო სახელმწიფოსგან არ უნდა მიმეღო და შავი პიარით იოლი ყოფილიყო ჩემი განადგურება. რომ არ ვყოფილვიყავით  კოდორელები მომავალი თაობებისთვის სამაგალითო, ისე როგორც კამანელი გმირები იყვნენ ჩვენთვის კოდორეელებისთვის სამაგალითო, მოკლეთ, როგორც ხდება დღევანდელ მსოფლიოში პატრიოტიზმის განადგურება და ყველანაირი ეროვნულობისა თუ ტრადიციების

-რა იყო სააკაშვილის მთავარი შეცომა?
 
 -სააკაშვილის შეცდომა არის ის, რომ საერთდ, გაჩნდა  ამ ქვეყანაში... დანარჩენი  შეცდომა მას არ დაუშვია, მან შეასრულა  უცხოელი სპეცსამსახურების მიერ დაკისრებული ყველა დავალება, და დღემდე ასეა, ახლა უკვე უკრაინაში. სააკაშვილს  ვერავინ ვერ გააჩერებს, სანამ მას რუსულ- ამერიკული სპეცსამსახურები იცავენ (ერთობლივ რეჟიმში). სააკაშვილი არის ტესტი იმისა, თუ ვინ ყიდის საქართველოს უცხო ქვეყნებზე. საერთოდ, ვინც სააკაშვილს უდგას გვერდით, ყველა არის უცხო ქვეყნის აგენტები (პირდაპირი ან ირიბი)

-რას არ აპატიებდით ,,ნაცებს’’?
. რას არ ვაპატიებდი? სამშობლოს გაყიდვას და არამარტო ნაცებს, არამედ ყველა იმ მახინჯ ქმნილებას მათთან ერთად, ვინც დღემდე ღალატობს ჩვენს ეროვნულ  და ტრადიციულ ქვეყანას, ვინც, დემოკრატიის სახელით, ისევე როგორც სააკაშვილი, დემოკრატიას ,,გვიბანძებს’’, ვინც არჩევნებს გვიყალბებს ისევ და ისევ უცხოელი სპეცებისდავალებით.

-    როგორ უნდა დავიბრუნოთ აფხაზეთი?

-ჯერ უნდა ვიზრუნოთ გენოფონდის გამდიდრებაზე, რომ ვეყოთ იმ ტერიტორიებს, რაზეც გვაქვს პრეტენზია, შემდეგ კი, უნდა ვიფიქროთ აფხაზების დაბრუნებაზე, ჯერ გულში და შემდგომ ოჯახში, აი, მერე უკვე, ტერიტორიებიც თავად მიებმება ამ ყველაფერს. უცხოელების მიერ მართული, ვითომ ქართველები კი, პირიქით, აბხაზებს აგინებენ, რათა მათ არასოდეს გაუჩნდეთ ნოსტალგია ჩვენთან თანაცხოვრების. ამიტომაც, ვამბობ ყოველთვის პირველ რიგში,  რეფორმები სპეცსამსახურებში უნდა ჩატარდეს, რათა  საქართველოს უშიშროება მთლიანად ემსახურებოდეს საქართველოს უშიშროებასა და უსაფრთხოებაზე უნდა იყოს ორიენტირებული და არა პოლიტიკაზე და ბიზნესზე. ჩვენს ქვეყანაში, ყველა თანხმდება, რომ  აბხაზეთი გაიყიდა, მაგრამ არავინ დასჯილა დამცველის გარდა. რატომ? რატომ არ დასჯილა ვინმე სპეცსამსახურებიდან, ვინც ვერ უზრუნველყო სახელმწიფოებრივი უსაფრთხოება, ვისაც ეს ევალებოდა? იმ პერიოდში, როდესაც ტერიტორიები იკარგებოდა, დაინტერესდით  ჟურნალისტები?   ვინმემ იკითხა, რომ იმ ტერიტორიაზე ხელმძღვანელ პირებს რა მედლები და  წოდებები აქვთ მირებული? დღეს, როგორ,, ამაღლებულ პირობებში’’ ცხოვრობენ და პრივილეგიებში, განსხვავებით ნამდვილ მეომრებისაგან, რომლებმაც არაფერი დაიშურეს სამშობლოსათვის!? აი, როცა ამ ყველაფერს დავალაგებთ მერე ხალხიც დაგვიბრუნდება და ტერიტორიებიც.

-ბატონო ემზარ, როგორ გესახებათ რუსეთი და ჩვენი ევროპული არჩევანი?

-რაც შეეხება არჩევანს… როდის ჩატარდა არჩევნები კურსთან დაკავშირებით?  2008 წელს? საქართველოს მოსახლეობა მისი არჩევნები ჩათვალა გაყალბებულად და რომელ არჩეულ კურსზე მეკითხებით? ჯერ რა ავადმყოფობაა ეს კურსი? უნდა იყოს თავისუფალი, დემოკრატიული სახელმწიფო, რომელსაც უნდა მოაშორო ყველანაირი ,,პრო’’... და თუ, მაინც უნდათ იყოს ,,პრო’’, მაშინ, ჩაატარდეს რეფერენდუმი - სამართლიანი და თავისუფალი. აი, შემდეგ ილაპარაკონ არჩეულ კურსზე. არ უნდა ქონდეს საქართველოს მოსახლეობას განცდა, რომ ცხოვრობს ვიღაცის კოლონიაში და მონობაში, ამას ჰქვია დამოუკიდებლობა და არა იმას, რაც დღეს გვიჭირავს ხელში.         

  ამერიკის   ელჩი წყვეტს, ვის უნდა მიენიჭოს პოლიტდევნილისა თუ პოლიტპატიმრის სტატუსი, ვინ უნდა მოხვდეს პარლამენტში და ვინ გარეთ არასაპარლამენტო ვითარებაში. ხალხი ითხოვს რატომ არ ვატარებთ რეფერენდუმს? იმიტომ, რომ ვიღაცას არ აწყობს, რატომ? იმიტომ, რომ დადგინდება საქართველოს მოსახლეობის დამოკიდებულება დასავლეთზე. რატომაა, რომ დასავლეთს უკვე, მხოლოდ პოლიტიკოსთა უმრავლესობა უჭერს მხარს? იმიტომ, რომ დასავლეთმა თავად იზრუნა ამაზე, თავისი ნაცებით, რესპებითა და ალასანიათი. ამ სუბიექტებმა ხალხს შეაძულეს დასავლეთი.. დავიჯერო? ეს გამოეპარა დასავლეთის სპეცებს, არამგონია... მრჩება შთაბეჭდილება, რომ დასავლეთის სპეცები , რუსეთთან ერთად ,,ძოვენ ბალახს’’. ეს არის ჩემი, როგორც ერთი ქართველის აზრი  და არ ვახმოვანებ   პოლიტიკური პარტიის  შეხედულებას.  ეს გაითვალისწინეთ ბატონებო! თუ რაიმე შურისძიების სურვილმა შეგიპყროთ, იმ შემთხვევისთვის გაფრთხილებთ, ეს მხოლოდ ჩემი აზრია და სხვა დანარჩენი საზოგადოების გადასაწყვეტია, ვინ ამბობს სიმართლეს.

-რა მიგაჩნიათ ოცნების ნაკლად და ღირსებად?

-ოცნების ნაკლი არის უღელი, რომელიც უცხოური წარმოშობისაა. დანარჩენი კი, ყველაფერი არის ამაზე მიბმული. სამართლიანობის აღდგენაც, უმუშევრობაც და საერთოდ, ყველა უბედურება რაც გვჭირს.

-რა  მიგაჩნიათ განუხორციელებელ ოცნებად?

-განუხორციელებელი ოცნებად მიმაჩნია თავისუფლება!

   -როგორი იქნება საქართველოს მომავალი?

-სამომავლოდ, ყველაფერს ზემოთხსენებულს გამოვასწორებთ და გავბრწყინდებით, ისე როგორც ამას ქადაგებს ჩვენი უწმინდესი, უნეტარესი და უსაყვარლესი საქართველოს კათოლიკოს პატრიარქი ილია II დიდება ღმერთს!

         მზია გოგოძე
     ,,მედიატორი''