განათლება

განათლების პრობლემები და სავალალო შედეგები                     

  

 განათლება გადაარჩენს საქართველოს –ეს საკმაოდ ცნობილი ფრაზაა და შესაძლოა ბანალურად ჟღერდეს, მაგრამ სიმართლეა. სწორედ, განათლებაა მთავარი საძირკველი ჩვენი არსებობისა და ცნობიერებისა. ჩვენდა სავალალოდ, საგანმანათლებლო სფეროში ბევრი პრობლემებია და სპეციალისტების აზრით, მდგომარეობა თუ არ გამოსწორდა შესაძლოა სავალალო შედეგამდე მივიდეთ. საერთაშორისო კვლევებისა და სახელმწიფო შეფასების შედეგად, საქართველოში მოსწავლეთა აკარემიური მიღწევები სხვადასხვა საგნებში და წიგნიერებაში, მნიშვნელოვნად ჩამორჩება საშუალო ნიშნულს. განათლების რეფორმის მთავარი ნაკლი მისი არაეროვნულობაა. აღზრდასა და განთლებაში შეიმჩნევა ეროვნული ცნობიერების კრიზისი.

სკოლა ზოგადი განათლების მიღების საშუალება და სოციალიზაციი ინსტიტუტია, ამდენად, მას საზოგადოების ცხოვრებაში მნიშვნელოვანი ადგილი უკავია. ის ახალგაზრდებს დამოუკიდებელი ცხოვრებისთვის ამზადებს. საინტერესოა, რამდენად წარმატებით ასრულებს თავის ფუნქციას ეს ინსტიტუტი?  წორედ ამ და სხვა მნიშვნელოვან საკითხებზე იმსჯელეს მწერალთა სახლში გამართულ შეხვედრაზე.

-,,ზოგად საგანმანათლებლო  სკოლის  პრობლემები  საქართველოში’’ –ასეთი იყო თემა დისკუსიისა, რომელიც სრულიად საქარველოს რუსთაველის საზოგადოების ინიციატივით გაიმართა და რომელსაც ესწრებოდნენ პოეტი დავით შემოქმედელი, პროფესორი გიორგი  გოგოლაშვილი, აკადემიკოსი  ავთანდილ  არაბული,

პროფესორები პარმენ  მარგველაშვილი და რევაზ ბალანჩივაძე, პარლამენტის განათლების, მეცნიერებისა და კულტურის კომიტეტის წევრები გუგული მაღრაძე და სიმონ ნოზაძე.

შეხვედრაზე, დავით შემოქმედელმა აღნიშნა, რომ ჩვენი არსებობის  მთავარი საფუძველი და საძირკველი განათლებაა. ფაქტია, რომ განათლებაში მართლაც, ბევრი პრობლემაა და ამ საკითხში საზოგადოების ჩართულობა ძალიან მნიშვნელოვამია. თუ დროულოად არ გამოვასწორებთ შეცდომებს, შემდეგ უკვე გვიანი იქნება და სავალალო შედეგებამდე მივალთ. Fფატია, რომ დღეს სკოლაში მოსწავლე ვერ იღებს სათანადო განათლებას, შეიმჩნევა მასწავლებელთა მასწავლებელთა დაბალი დონე და სახელმძღვანელოები მოითხოვს კარდინალურ ცვლილებებს. ცუდია, რომ სკოლებში ქარული ენის გრამატიკა ცალკე საგნად არ ისწავლება. მოზარდების აზროვნებისთვის აუცილებელია პრაქტიკული გრამატიკა, რათა მათი ცნობიერება არ დაირღვეს. სახელმძღვანელოს ავტორებმა კი, უნდა იცოდნენ ცნობილი პედაგოგების და ფსიქოლოგების მეცნიერული მიღწევები. პედაგოგების თემა, ძალიან ფაქიზი საკითხია და დასაფიქრებელია…ბავშვის და მასწავლებლის ურთიერთობა.

გიორგი გოგოლაშვილი,  ენათმეცნიერების ინსტიტუტის სამეცნიერო საბჭოს თავჯდომარე, რუსთაველის საზოგადოების ენისა და ლიტერატურის ფაკულტეტის თავჯდომარეს, პროფესორი:  განათლების სფეროს მიმართ, უფრო მეტ ინტერეს უნდა იჩენდეს საზოგადოებაც და იცინიც, ვისაც ეს საკითხი ეხებათ. მივესალმები ამ საკითხზე დისკუსიის გამართვას, მაგრამ სამწუხაროა, რომ განათლების სამინისტროს წარმომადგენლები არ ესწრებიან. განათლება უმთავრესია და იგი მართლა გადაარჩენს საქართველოს. ჟერ კიდევ მე-19 საუკუნეში, აკაკი წერეთელი წერდა: ,,ვინ არ იცის, რომ ჩვენი ბედისწერა განათლებაზე არის დამოკიდებული’’-ო . სამწუხაროა, რომ ხელისუფლების მხრიდან ვერ ვხედავ იმ ყურადღებას, რაც განათლებას ეკადრება. რობლემაა ის, რომ წლეულს, 11 ათასმა მოსწავლე გამოსაშვებ გამოცდაზე ჩაიჭრა დ ავერ აიღო ატესტატი. შარშან კი, 13 ათასმა ვერ ჩააბარა, ეს კატასტროფაა. საინტერესოა, სად არის სკოლის და მასწავლებლობის პასუხისმგებლობა? მას წინათ ასეთი მოსასაზრება გამოითქვა, რომ ქალაქში უკეთესი სწავლებაა, ვიდრე სოფლებშიო. ეს იმიტომ, რომ ქალაქში უფრო მეტი შესაძლებლობაა და მოსწავლეები რეპეტირორებთან ემზადებიან.  რამდენიმე წლის წინ, ევროკავშირის წარმომადგენელი იყო ჩამოსული საქართველოში და  მოგვაწოდა ინფორმაცია, რომ  არ არის კარგი მდგომარეობა ბავშვთა აკადემიური მოსწრების მხრივ და საქართველო ყველა ევროპულ ქვეყანას ჩამორჩება. სკოლის მოსწავლეებმა ატესტატია მისაღებად მოინიმალური ზღვარი ვერ გადალახა, მაგრამ საკითხავია, ვინც ჩააბარა როგორია მათი ზოგადი განათლების დონე? რუსთაველის საზოგადოებამ თბილისის რამდენიმე სკოლის მე-11 კლასებში, ჩაატარა ტესტირება, თუ როგორ იციან მოსწავლეებმა ვეფხისტყაოსანი? პასუხების 63 პროცენტი იყო დადებითი, დანარჩენი კი უარყოფითი. ზოგიერთ კითხვაზე ნახევარმაც ვერ უპასუხა. კითხვები მარტივი იყო. მაგალითად, ვინ იყო თინათინის მამა? პოემაში ვის მიერ არის ტარიელი პირველად ნახსენები? დაასრულეთ აფორიზმი ,,სჯობს სახელისა მოხვეჭას..’’, ვის გამო განურისხდა ტარიელს ფარსადანი? და სხვა. გამოკითხვა ჩატარდა ასევე, ერთ-ერთი უმაღლესი სასწავლებლის ჰუმანიტარული ფაკულტეტის პირველი კურსის სტუდენტებთან, კითხვები იყო შედგენილი ვეფხისტყაოსნიდან და სხვა ნაწარმოებებიდან. გამოკითხულთა უმეტესობამ ელემენტარულ კითხვებს ვერ უპასუხეს. გაცილებით ცუდი შედეგები აჩვენეს ქართულ ენაში, სადაც გამოკითხულებმა ვერ უპასუხეს თუ რამდენ პირიანია ზმნა. სამწუხაროა, რომ ქართული ენა სკოლებში ცალკე საგნად არ ისწავლება, ამიტომაც არის, რომ მოსწავლეებმა ელემენტარული ცნებები არ იციან. ქართული სახელმწიფო ენაა და არ არის რიგითი საგანი. ჩვენდა სავალალოდ, პარლამენტმა ვერ გამოიჩინა ნება და დღემდე ვერ ამოქმედდა სახელმწიფო ენის კანონი. არადა, პარლამენტს ევალება  კანონზე ზედამხედველობის შესრულება. სახელმწიფო ენის კანონი რომ შესრულებულიყო დღეს ეს პრობლემები არ იქნებოდა.

ავთანდილ არაბული, აკადემიკოსი: სამწუხაროდ, სასკოლო განათლება ძალიან დაბალ დონეზეა. არ არსებობს სწორი კონცეფცია თუ რა გვინდა, არ გაგვაჩნია მომავლის ხედვა – ყველა ძირითად ფასეულობებთან დაკავშირებით. ევროპულ ქვეყნებში, განათლების რეფორმის წარმატების საიდუმლო მის საჯაროობაშია, სადაც ჩართულია სპეციალისტები და საზოგადოება. ჩვენთან კი, განათლების კატასტროფის საფუძველი არ არის გაანალიზებული და დანახული. პრობლემა მართლაც უმნიშვნელოვანესია და საზოგადოება უნდა გამოფხიზლდეს. აუცილებელია მასწავლებლების სწავლის დონის ამაღლება, ისინი უნდა გადამზადდნენ და სემდეგ ტესტირება უნდა ჩაუტარდეთ.

პარმენ მარგველშვილი, პროფესორი: ზოგადი განათლების  ეროვნული მიზნების საფუძველზე  უკვე შემუშავდა – ზოგადი განათლების კანონპროექტი, რომელიც პარლამენტში შეტანილია, მაგრამ ჯერ არ განხილულა. შაკანონმდებლო ორგანოს და შესაბამის კომიტეტს უფრო მეტ ყურადღებას ვთხოვთ. უცილებელია, განათლების შესახებ კანონმდებლობა, შესაბამისი იყოს საერთაშორისო ნორმებთან. განათლების სისტემა უნდა იყოს აგებული ეროვნულ იდეოლოგიაზე და მკაცრად იყოს დაცული ბავშვთა უფლებების კონვენცია. ერთი სიტყვით, ჩვენი მიზანი უნდა იყოს ქართული სახელმწიფოს შექმნა.

რევაზ ბალანჩივაძე, პროფესორი: განათლების რეფორმის მთავარი ნაკლი მისი არაეროვნულობაა. ფაქტია, რომ შეიმჩნევა ქართული ეროვნულობისა და ცნობიერების კრიზისი როგორც აღზრდაში, ასევე, განათლებაში.  საგანმანათლებლო სფეროში ბევრი რამ დასახვეწია. უცილებელია სახელმწიფოს ნება და ძალისხმევა, რათა ასრებული პრობლემები მოგვარდეს.

შეხვედრაზე, არაერთი პრობლემური სახითხი წამოიჭრა და ხელისუფლების მიმართ მწვავე კრიტიკაც გამოითქვა. პარლამენტის წევრებმა  გუგული მაღრაძემ და სიმონ ნოზაძემ, გულდასმით მოისმინეს დისკუსიის მომაწილეების შენიშვნები თუ მოსაზრებები და გამომსვლელებს მხარდაჭერა აღუთქვეს. 

             მზია გოგოძე

მედიცინა

                                                                                  მკურნალობა  თუ  დასჯა?

     

ჯანდაცვის სამინისტროს მონაცემებით, საქართველოში ინტრავენური ნარკომანების (ანუ წალამდამოკიდებული ადამიანების) რაოდენობა 50 000-ის ფარგლებში მერყეობს. ფაქტია, რომ ნარკომანია ძალიან გაახალგაზრდავდა, ადრე თუ ნარკოტიკებს 35 წლის ასაკიდან მოიხმარდნენ, ახლა მას 18-25 წლის ახალგაზრდები ეტანებიან. შეიმჩნევა ქალი ნარკომანების რიცხვის მატებაც... დიდი მნიშვნელობა აქვს სახელმწიფოს როლს ნარკომანიის პრობლემის მოგვარებაში.  ამჟამად, საქართველოში არსებობს მკაცრი სანქციები და ადმინისტრაციული ჯარიმები ნარკომანიის წინააგმდეგ, მაგრამ ფაქტია, რომ  სისხლის სამართლის პასუხისმგებლობის დაწესებით პრობლემა  ვერ მოგვარდება და ნარკომანი ვერ გამოჯანმრთელდება. წამალზე დამოკიდებული პაციენტებისთვის მნიშვნელოვანია როგორც ფსიქო-თერაპია, ისე სარეაბილიტაციო კურსის გავლა.

ნარკოპოლიტიკასა და ნარკომანიით გამოწვეულ პრობლემებზე  გვესაუბრება  არასამთავრობო ორგანიზაცია ,,ახალი გზის’’ ფსიქო-სოციალური ცენტრის ხელმძღვანელი, ფსიქოლოგი: დალი უშარიძე:

          -ჩვენი ორგანიზაციიის მთავარი მიზანია წამალდამოკიდებულების და მასთან დაკავშირებული დაავადებების პროილაქტიკა, ასევე მათი უფლებების დაცვა. გამოცდილებამ ნათლად აჩვენა, რომ ნარკომომხმარებელთა ციხეში გამოკეტვა, პირველ რიგში, ძალიან არაეფექტურია და, მეორე, ძალიან ძვირი უჯდება სახელმწიფოს მათი საპყრობილეში შენახვა. ამით კი, ვკარგავთ რესურსს მათი მკურნალობისა და რეაბილიტაციისთვის.

 - ქალბატონო დალი, რამდენად ზუსტია ნარკომომხმარებელთა სტატისტიკური მონაცემები საქართველოში?

 -  დღეს არის 50 ათასი ნარკოტიკების მომხმარებელი ანუ წამალდამოკიდებული ადამიანი. ბოლო  6 წელიწადია კარგად წარმოებს სტატისტიკური მონაცემების დადგენა და სარწმუნო ინფორმაციები გროვდება. აქ მნიშვნელოვანია  ერთი მცნების განმარტება, ეს არის პრობლემური ნარკომანია ანუ გამოკვლევის  მეთოდი ითვალისწინებს იმ პაციენტების რაოდენობას, რომელთაც დამოკიდებულება აქვთ ნარკოტიკებზე. ამ ნივთიერების ეპიზოდური მომხმარებლები კი, მათ რიცხვში არ განიხილება.

 -რა კეთდება დღეს წამალდამოკიდებული ადამიანების დასახმარებლად?

 -ყველაზე გავრცელებული მეთოდია მათი დასჯა, დაჯარიმება ან დაპატიმრება,  აგრეთვე, მომხმარებლების მკურნალობა, სამკურნალო დაწესებულებებში და ასევე, არსებობს მხარდამჭერი პროგრამები ანუ ჩანაცვლებითი თერაპია. ამგვარ თერაპიას ორი მიზანი შეიძლება ჰქონდეს: ერთი არის ნარკოტიკების მოხმარების შეწყვტა, ნელ-ნელა დოზის სემცირება და შემდეგ მოხმარების სეწყვეტა. მეორე მიზანი კი არის ექიმის მიერ დანიშნული მედიკამენტის ყოველდღიური მიღება ანუ არის მეთვალყურეობის ქვეშ, სოციალურად ფუნქციურია და ჩვეულებრივ აგრძელებენ საქმიანობას. ასეთ შემთხვევაში იგი უბრუნდება საზოგადოებას და არა აქვს ის პრობლემები, რომ ქუჩაში ნარკოტიკების აღებ-მიცემობაში იყოს ჩართული და ოფიციალურად იღებს მისთვის საჭირო დოზას. ასეთ ჩანაცვლებით პროგრამებში დაახლოებით 3 000 ადამიანია ჩართული, კიდევ უფრო ცოტას სეუძლია მიიღოს სახელმწიფოსგან მკურნალობა, ხოლო დანარჩენს 50 000-დან, 10 ათასი სამკურნალო-სარეაბილიტაციო პროგრამაშია ჩართული, ხოლო 40 ათასი ბედი ანაბარაა და სამართალდამცავების სამიზნე ხდება.
-კონკრეტულად, როგორი კატეგორიის ნარკომომხმარებლებისთვის არსებობს ზიანის შემცირების პროგრამა?
-ისეთ ნარკომომხმარებლებს რომელთაც არ შეუძლიათ ან არ სურთ ნარკოტიკებისგან თავის დაღწევა, სწორედ, მათთვის არსებობს ზიანის შემცირების პროგრამა, რასაც ჩვენი ორგანიზაცია ახორციელებს.  აღნიშნულს პროგრამაში ჩართული პაციენტები აგრძელებენ ნარკოტიკების მიღებას, არიან ექიმების მეთვალყურეობის ქვეშ და რაც მთავარია, ისინი საშიშნი არ არიან საზოგადოებისთვის. მათ უკავშირდებათ ჩვენი ორგანიზაციის თანამშრომლები, რომლებიც სპეციალურად გვყავს შერჩეული. Aამას გარდა, უკვე 15 წელიწადია, რაც არსებობს ჩვენი ორგანიზაცია და უკვე გვიცნობენ და თვითონაც გვაკითხავენ.

 -თქვენი ინფორმაციით, ნარკომომხმარებელთა რიცხვი გაახალგაზრდავდა?

 -კითხვა საინტერესოა, თუმცა ამის შესახებ ზუსტი ინფორმაცია არ მაქვს, რამეთუ, ჩვენთან არ მოდიან ახალბედა ნარკოტიკების მომხმარებლები, არამედ ჩვენი ბენეფიციარები უკვე  წამალდამოკიდებული ადამიანები არიან, ასაკითაც არ არიან ახალგაზრდები.  საერთოდ, თავიდან ყველა დამწყები ნარკომომხმარებელი ფიქრობს, რომ მას წამალდამოკიდებულება არ გაუჩნდება, მაგრამ რეალობა სულ სხვაა. ნებისმიერი ნარკოტიკის ხშირი მოხმარება შემდგ ჩვევაში გადადის და ტანდათანობით დამოკიდებულები ხდებიან.

 -როგორ ფიქრობთ, ძალისმიერი გზები და მკაცრი სანქციები ნარკოტიკების მომხმარებელთა  რიცხვს შეამცირებს?

   საერთოდ, როცა საუბარია დეკრიმინალიზაციასა და  კანონის ლიბერალიზაციაზე, ზოგჯერ არასწორად იგებენ  და იყენებენ ამ ორ ცნებას. ზოგი ამბობს რომ თითქოს, რომ ნარკოტიკების მოხმარებას არავითარი ზიანი არ მოაქვს და ეს მისი უფლებაა გაიკეთებს თუა არა, ასევე, იმასაც ამბობენ, რომ ღამის კლუბებში სადაც დასაშვებია ნარკოტიკულის საშუალებების ყიდვა და მიღება, ეს თითქოს დასაშვებია იმ მუსიკალურ მიმდინარეობასთან ერთად, რომელსაც იქ უსმენენ. სამწუხაროდ ასე ფიქრობს ზოგიერთი ახალგაზრდა. სხვათაშორის, ერთ-ერთმა ნარკოლოგმაც დადასტურა, რომ კლუბებში რა მუსიკასაც უკრავენ იმისი თანმხლებია ნარკოტიკული ნივთიერებები. რახან ასეთი მუსიკალური მიმდინარეობა არსებობს, რომელსაც ნარკოტიკული თრობა სჭირდება, ეს იმას არ ნიშნავს, რომ ის დასაშვებია და არავის არ აღელვებ.
პრობლემის შესახებ მეორე მოსაზრებაც არსებობს: თითქოს ნარკოტიკების მომხმარებელს თუ არ დასჯიან ეს გამოიწვევს მათი რაოდენობის ზრდას, გაიზრდება  ნარკო მოვაჭრეების რიცხვი და ა.შ. არსებობს შიში იმისა, რომ დაუსჯელი დარჩება კრიმინალი და დეკრიმინალიზაციას აიგივებენ ლეგალიზაციასთან, რაც არასწორია.  ფაქტია, რომ ნარკოტიკების მოხმარება ცუდია და მისი რეგულარული მოხმარება იწვევს წამალდამოკიდებულება  ქრონიკული დაავადებაა, რომელიც გამოწვეულია სამკურნალო და არასამკურნალო ნარკოტიკული საშუალებების ბოროტად გამოყენებით. Mმას ახასიათებს პათოლოგიური ლტოლვა ნარკოტიკული ნივთიერებებისადმი, მისაღები დოზის ზრდის ტენდენცია და ფიზიკური დამოკიდებულების ჩამოყალიბება. ეს ნივთიერება აზიანებს ადამიანის ფსიქიკას და ჯანმრთელობას, ანგრევს ადამიანურ ურთიერთობებს, შრომისუუნაროს ხდის მას და ა.შ. რაკი ეს დაავადებაა მას სჭირდება არა დასჯა, არამედ მკურნალობა-რეაბილიტაცია და არა ციხე. ამიტომ მომხრე ვარ დეკრიმინალიზაციის. Nნარკომომხმარებლებს უნდა შევთავაზოთ მკურნალობა და ცხოვრების წესის შეცვლა. ამ დაავადების არსია ნარკოტიკების მიღების დაუძლეველი სურვილი.

 -არსებობს ასეთი არგუმენტი, როცა მოხდება  კანონის ლიბერალიზაცია  და მოიხსნება აკრძალვები გაიზრდება ნარკოტიკების მომხმარებელთა რიცხვი, თქვენ ასე არ ფიქრობთ?

 -როგორც დარვინის თეორიაშია, მოხდება ბუნებრივი გადარჩევის პროცესი. თუ ახალი კანონი მიიღო პარლამენტმა და პირადი მოხმარებისთვის ადამიანს არ დააჯარიმებენ და ჩასვამენ ციხეში. თავიდან  ასეთმა თავისუფლებამ ცნობისმოყვარეებში, შესაძლოა პრაკტიკულად გაზარდოს მომხმარებელთა რიცხვი, მაგრამ ნივთიერებაზე დამოკიდეულება ზუსტად იმდენს გაუჩნდება, რამდენსაც დღეს აქვს. დეკრიმინალიზაცია უცხოეთის სხვადასხვა ქვეყნებში აპრობირებული მეთოდია. უცხოეთის გამოცდილებით, მაგალითად, 100  ადამიანიდან მარიხუანას სინჯავს 80, აქედან მის მოწევას აგრძელებს 20, მძიმე ნარკოტიკზე გადადის 10, მაგრამ დამოკიდებულება უყალიბდება 8 მომხმარებელს. ასე რომ ,100 –დან საბოლოოდ ჯამში, 8% ნარკოტიკებით დაავადებული ადამიანი მივიღეთ. როგორც წესიEაქ მოქმედებს აღზრდა, გენეტიკური  და სოციაცური ფაქტორი... პირველ ეტაპზე, მომხმარებელთა რაოდენობამ შესაძლოა მოიმატოს, მაგრამ წამალდამოკიდებულთ არაოდენობა იქნება იმდენივე, რამდენიც ახლა არის. კატასტროფა არ მოხდა.

      -ქალბატონო დალი, უცხოეთის რომელი ქვეყნის მაგალითზე შეიქმნა ახალი კანონპროექტი?

        -პორუტგალიის მაგალითზე, სადაც ძალიან კარგი შედეგები აქვთ, თავიდან იქაც მოიმატა, მაგრამ თანდათან დარეგულირდა და მკვეთრად შემცირდა მომხმარებელთა რიცხვი. ჩვენ ვემხრობით ახალ საკანონმდებლო ცვლილებებს და არასამთავრობო ორგანიზაციები და სპეციალისტები ერთ აზრზე ვართ; ასევე, შემოგვიერთდნენ უფლება დამცველი ორგანიზაციები. ერთი სიტყვით, სამოქალაქო საზოგადოების დიდი ნაწილი გაერთიანდა და შექმნა ეროვნული პლატფორმა – ნარკოპოლიტიკის რეფორმისთვის. ყველა პროფესიული თემი, სამედიცინო წრეები და კომპეტენტური სპეციალისტი გაერთიანდა ერთ აზრზე დგანან. ასე რომ, აქ შეცდომა გამორიცხულია.

     -კანონპროექტის განხილვა როდის დაიწყება?

     -პარლამენტის შასაბამისმა ბიურომ, აკაკი ზოიძის წარდგინებით, კანონპროექტი მიიღო განსახილველად, რომელზეც საშემოდგომო სესიის დროს იმსჯელებენ.  ჩვენს ქვეყანას სხვა გზა არა აქვს, ნარკოპოლიტიკა აუცილებლად უნდა შეიცვალოს. ციხეში ნარკომანს ვერ გამოვაჯარმრთელებთ, იქედან როცა გამოდის ის მაინც ნარკოტიკს უბრუნდება. ნარკომომხმარებლების დიდი ჯარიმები და ციხეში გამოკეტვა არაჰუმანური საქციელია. სასჯელი დანაშაულის თანაზომიერი უნდა იყოს. საერთაშორისო საზოგადოებისთვის ასეთი დამოკიდებულება მიუღებელია.
                 
                                 ესაუბრა მზია გოგოძე

პოლიტიკა

ახალი მოძრაობა, ახალი განაცხადით

     

         ,,რაც კარგია ვუვლით, რაც ცუდია ვცვლით, რაც გვაკლია, ვქმნით”-ასეთია ლოზუნგი ,,შენების მოძრაობი’’-სა, რომელიც პარლამენტის ყოფილმა თავჯდომარემ დავით უსუფაშვილმა ჩამოაყალიბა.

   უსუფაშვილის თქმით, ,,შენების მოძრაობა“ - იქნება თანამონაწილეობაზე დაფუძნებული, ფართო საზოგადოებრივი სპექტრის მომცველი ცენტრისტული მიმართულების პოლიტიკური ძალა, რომელიც მაქსიმალურად შეუწყობს ხელს პოლიტიკაში ახალი თაობის, ახლებური აზროვნების, თავიანთ სფეროებში წარმატებული პროფესიონალების მოსვლას და დამკვიდრებას.

 ჩვენ ძალიან მტკიცე ვიქნებით ჩვენს გეგმაში, კალაპოტიდან ვერ ამოგვაგდებს მიმდინარე პოლიტიკური კონიუნქტურა, რომელმაც არა ერთ პოლიტიკურ წამოწყებას შეუშალა ხელი საქმის კეთებაში, – ამის შესახებ პარლამენტის ყოფილმა თავმჯდომარე დავით უსუფაშვილმა “შენების მოძრაობის” პრეზენტაციაზე განაცხადა.

  პოლიტიკური მოძრაობის ინიციატორთა შორის არიან სხვადასხვა დარგის გამოცდილი სპეციალისტები, საჯარო მოხელეები, პოლიტიკოსები, ახალი თაობის ქართველი ბიზნესმენები.

  პოლიტოლოგების აზრით ქვეყანაში პოლიტიკური ფიგურები საკმაოდ დეფიციტურია, შესაბამისად, უსუფაშვილს დიდი არჩევანის საშუალება არ ჰქონდა. ამიტომაც არის, რომ მის პარტიაში როგორც „რესპუბლიკური“ პარტიის, ასევე „ეროვნული ფორუმის“ წევრები არიან წარმოდგენილები.

  

 -რა არის ახალი მოძრაობის ძირითადი მიზანი? რა  შანსები აქვს ახალ პოლიტიკურ ძალას?  რა იდეებით შემოდიან უსუფაშვილი და მისი გუნდის წევრები ქართულ პოლიტიკაში? ამის შესახებ ,,ეროვნული ფორუმისა’’ და ,,შენების მოძრაობა" წევრ  გურამ მჭედლიძეს ვესაუბრეთ.

     

      -პირველ რიგში ეს მოძრაობა ეტაპობრივად უნდა გარდაიქმნას პოლიტიკურ ძალად, სადაც  თავს მოიყრის ადამიანები, რომლებიც ვთანხმდებით იმ სახელისუფლებო მართვის სისტემის შეცვლის აუცილბლობაზე, რის გამოც ქვეყანაში პოლიტიკურ ცხოვრებას, ხშირ შემთხვევაში, აზრი ეკარგება. იმ სისტემის შეცვლაზე რომლის მთავარი დევიზი არის "მე" და მხოლოდ "მე". მოძრაობის მთავარი მიზანიც ესაა, მოვიპოვოთ გავლენა 2020 წლის საპარლამენტო არჩევნებში, რათა დავიწყოთ არსებული სისტემის სწორად ფუნქციონერიბის შენება, რის შემდეგ მიეცემა აზრი ყველაფერის შენებას. დღეს, თითქოს რაღაც შენდება, რაღაც კეთდება, მაგრამ სამწუხაროდ ამ ყველაფერს ჯამური ეფექტი არის ნული. ყოველივე იმის შემდეგ, იქნება შესაძლებელი  ყველა იმ სიკეთის მიტანა თითოელ მოქალაქემდე, როდესაც სახელისუფლებო სისტემა არ იმუშავებს მხოლოდ საკუთარ თავზე.

 -თქვენი პოლიტიკური მოძრაობა რით განსხვავდება სხვა პოლიტიკური ორგანიზაციებისგან და სახელწოდებიდან გამომდინარე, რის აშეანებას აპირებთ?

     

  - ჯერ არ გახლავთ პოლიტიკური ორგანიზაცია, როდესაც ჩამოყალიბდება ამის შემდეგ, უფრო ფართოდ წარვსდგებით საზოგადების წინაშე -კონკრეტული გეგმებით და განსხვავებებით. ,,შენების მოძრაობის’’ მთავარი ამოცანაა: ისეთი სახელმწიფოს მშენებლობა, რომელიც ისტორიის საუკეთესო გამოცდილებას, ძლიერ დემოკრატიული ინსტიტუტებს და ევროატლანტიკური თანამშრომლობისა და უსაფრთხოების სტრუქტურებს დაეფუძნება. მოძრაობის საბოლოო ფორმირება და პარტიად დაფუძნების პროცესი  2018 წლის გაზაფხულზე დასრულდება და 2020 წლის საპარლამენტო არჩევნებში მიიღებს მონაწილეობას.

       

 პოლიტოლოგების აზრით,  ,,შენების მოძრაობამ’’ქართულ პოლიტიკაში ფეხის მოსაკიდებლად, მნიშვნელოვანი სიახლეები უნდა შემოიტანონ და ანგარიშგასაწევ ძალად უნდა ჩამოყალიბდნენ, ამისათვის, მათ საზოგადოებისთვის ძალიან ბევრი იდეების შეთავაზება მოუწევთ. 

     თუ რა   არა დგილს დაიკავებს ,,შენების მოძრაობა’’ ახალ პოლიტიკურ სივრცეში, ამას მომავალი გვჩვენებს.

               მზია გოგოძე

                

,,გაიცანი საქართველო''

 

      ბოლო დროს მომრავლებულ  ტურისტულ კომპანიებს შორის, ერთ–ერთი წარმატებული ,,გაიცანი საქართველოა'', რომელიც გამოირჩევა საინტერესო–შემეცნებითი ტურებით და მომახურების მაღალი დონით. მრავალრიცხოვანი ტურისტის სახელით, საჯაროდ ვუხდი  მადლობას კომპანიის ხელმძღვანელს ნიკა ჯმუხაძეს და მის ჯგუფს შთამბეჭდავი და შინაარსიანი ტურებითვის.