თეატრალური ფესტივალი

 

   თბილისში საერთაშორისო თეატრალური ფესტივალი „საჩუქარი“ გაიხსნა! მიხეილ თუმანიშვილის 105 წლის იუბილესადმი მიძღვნილი 29-ე სეზონი მაყურებელს ქართველი და უცხოელი ხელოვანების გამორჩეულ წარმოდგენებს, თანამედროვე ცეკვასა და მსოფლიო თეატრის ცნობილ დადგმებს სთავაზობს. 16 ოქტომბრიდან 14 ნოემბრამდე ფესტივალი იტალიის, ბელგიის, საფრანგეთის, შვეიცარიისა და ისრაელის წამყვან თეატრალურ დასებს უმასპინძლებს. პროგრამის გახსნის მთავარი მოვლენა იტალიური კომპანიის, Dewey Dell-ის სპექტაკლი „კურთხეული გაზაფხულია“. ერთი თვე — თეატრალური აღმოჩენების, თამამი ექსპერიმენტებისა და საერთაშორისო კულტურული დიალოგისთვის!კულურის სამინისტროს მხარდაჭერით, მიხეილ თუმანიშვილის სახელობის საქართველოს ხელოვნების საერთაშორისო ფესტივალი - „საჩუქარი“ გაიხსნა, რომელიც მიხეილ თუმანიშვილის 105 წლის იუბილეს ეძღვნება. 29-ე სეზონის გახსნის ღონისძიებას კულტურის მინისტრის პირველი მოადგილე მიხეილ კიკნაძე დაესწრო.წლევანდელი სეზონი იტალიური თეატრალური კომპანია Dewey Dell-ის „კურთხეული გაზაფხულით“ გაიხსნა, რომელიც რამდენიმე წლის წინ, პროფესიულმა საცეკვაო ჟურნალმა - DANZA&DANZA საუკეთესო იტალიურ საცეკვაო ნამუშევრად დაასახელა.„საქართველოს კულტურის სამინისტროსთვის პრიორიტეტულია ისეთი პროექტების მხარდაჭერა, რომლებიც კულტურული სივრცის გამრავალფეროვნებას, პროფესიული გამოცდილების გაზიარებას და ქართველი ხელოვანების საერთაშორისო ასპარეზზე წარმოჩენას უწყობს ხელს. უკვე წლებია, რაც მიხეილ თუმანიშვილის სახელობის ხელოვნების საერთაშორისო ფესტივალი ქართული კულტურული ცხოვრების მნიშვნელოვან მოვლენად ჩამოყალიბდა, მით უფრო, რომ ის განსაკუთრებულ როლს ასრულებს თანამედროვე ხელოვნების განვითარებასა და პოპულარიზაციაში, ასევე, საერთაშორისო კულტურული კავშირების გაღრმავებაში“, - აღნიშნა მიხეილ კიკნაძემ.წლევანდელი პროგრამა მოიცავს როგორც ვიმ ვანდეკეიბუსის მასტერკლასს მოცეკვავეებისთვის, ასევე, ცნობილ დადგმებს, როგორებიცაა: „ამფიტრიონი“, „მანკიერი შთამომავლობა“, „ფრანკენშტაინი - მწერლის ავტოპორტრეტი: ახალი ქმნილება“ და ა.შ

16 ქტომბრიდან 14 ნოემბრამდე, მიხეილ თუმანიშვილის სახელობის თეატრში, მაყურებელს შესაძლებლობა ექნება დაესწროს როგორც ქართველი, ისე მსოფლიოს გამოჩენილი რეჟისორებისა და წამყვანი თეატრალური დასების ნამუშევრებს იტალიიდან, ბელგიიდან, საფრანგეთიდან, შვეიცარიიდან და ისრაელიდან.

თბილისში ცეკვის საერთაშორისო ფესტივალი გაიმართება

     

  

 

 

     ცეკვა - ხელოვნების უნივერსალური ენაა, რომელიც სხვადასხვა ქვეყნისა და კულტურის წარმომადდგენლებს აერთიანებს. 18 ოქტომბერს თბილისში, პროფესიონალ და მოყვარულ მოცეკვავეთა საერთაშორისო ფესტივალი გაიმართება, რომელიც საქართველოში უკვე მეორედ ტარდება და მას მსოფლიოს უმაღლესი კატეგორიის მსაჯები დაესწრებიან. ამის შესახებ განაცხადა ფესტივალის დამფუძნებელმა და ორგანიზატორმა ლიზი მორიმ, ,,Sheraton Metchi Grand Hotel''- საკონფერენციო დარბაზში გამართულ პრესკონფერენსიაზე. ფესტივალი, საქართვლოს კულტირის სამინისტროსა და დედაქალაქის მერიის მხარდაჭერით გაიმართება და მასში მონაწილეობას მიიღებენ უცხოელი და ადგილობრივი მოცკვავე წყვილები. ფესტივალის, მიზანია - საქართველოში საერთაშორისო საცეკვაო კულტურის განვითარება და სხვადასხვა ქვეყნის წარმომადგენლებს შორის თანამშრომლობის ხელშეწყობა. ლიზი მორი: ,,საქართველოს ცეკვის სადედოფლო თასის" მოსაპოვებლად ადგილობრივი და უცხოელი საუკეთესო მოცკვავეები და მოყვარულები იასპარეზებენ. ფესტივალი საგულდაგულოდ მზადდებოდა და მას დიდი მნიშვნელობა აქვს ქართველი მოცეკვავე ბავშვების განვითარებისთვის, უფრო ფართო მასშტაბით ასპარრეზობისთვის და საერთაშორისო კონტაქტებისთვის.

ფესტივალის ფარგლებში,  საერთაშორისო  ტრენერები ცეკვის მასტერკლასებს და ლექციებს ჩაატარებენ.

მასმედიასთან შეხვედრისისას, ფესტივალის მნიშვნელობაზე ისაუბრა მსოფლიო ცეკვის ლეგენდამ, ცხრა გზის მსოფლიო ჩემპიონმა ჯოანა ლუნისიმ და ფესტივალის დირექტორმა ანი ლაღიძემ. როგორც პრესკონფერენციაზე აღინიშნა, ფესტივალი ყოგველწლიურად გაიმართება და უფრო მასშტაბურ სახეს მიიღებს. კულტურათა დიალოგს უდიდესი მნისვბელობა აქვს. საერთაშორისო ფესტივალი ახალი შემოქმედენითი შესაძლებლობების საფუძველია. ცეკვის ენით ნათქვამი სათქმელი კი, ეროვნულ და ენობივ საზღვრებს სცდება და ადამიანებს საერთო ემოციით აერთიანებს.

 

თბილისობა ყოველთვის განსაკუთრებით მიყვარდა...ამ სახალხო დღესასწაულს თავისი განსაკუთრებული ხიბლი ჰქონდა — შემოდგომის მზე, თბილისური ქუჩების ფერები, რეგიონებიდან ჩამოტანილი ნობათი, ადამიანების ჟრიამული და ის განცდა, რომ მთელი ქალაქი ერთად აღნიშნავდა და ზეიმობდა.დღეს კი, რატომღაც, თბილისობას ისეთი ხალისიანი აღარ ახლავს, ყოველ შემთხვევაში მე ვეღარ ვგრძნობ...ალბათ იმიტომ, რომ ქალაქიც შეიცვალა და ჩვენც.ქალაქის ხმაურში, ქაოსურ განაშენიანებასა და ყოველდღიურ ფუსფუსში თითქოს ის თბილისი დაიკარგა, რომლის დღესასწაულიც ასე გვიყვარდა....და მაინც, დღეს ჩემს თბილისს ყველაზე მეტად ვუსურვებ — სიმშვიდეს, სილამაზეს, სიმწვანეს, ადამიანურობას და იმ ძველი სიხარულის დაბრუნებას, რომელიც თბილისობას განსაკუთრებულ დღესასწაულად აქცევდა.

 ⚪️ 

#თბილისობა

 პოეტის ხსოვნა და პოეზიის ძალა 

        — ნომადი ბართაიას საღამო   

„მადლობა დიდი,

მადლობა დიდი,

სამყაროს ასე ლამაზად მომწყობს,

კანონებიდან ყველაზე უფრო

მიზიდულობის კანონი მომწონს.“

         ნომად ბართაიას ამ  სტრიქონებში განსაკუთრებით საინტერესოა  „მიზიდულობის კანონის“ პოეტურ სახედ ქცევა — თითქოს ფიზიკის კანონი აქ სიყვარულის, ადამიანთა ურთიერთობისა და სამყაროს შინაგანი წესრიგის მეტაფორად გვევლინება.

 - ორიგინალური  ხმა პოეზიაში- ასე შეაფასა  მწერალმა რევაზ მიშველაძემ  პოეტის,  მწერლის, მთარგმნელის  და მეცნიერის  ნომად ბართაიას შემოქმედება.

  მწერალთა  სახლში,  სრულიად საქართველოს რუსთაველის საზოგადოებისა   ინიციატივით, ნომადი ბართაიას ხსოვნისადმი  მიძღვნილი  საღამო  გაიმართა, სადაც  წარმოდგენილი  იყო პოეტის გარდაცვალების შემდეგ გამოცემული  30-ე პოეტური კრებულის ,,მინიმები და  სხვა"

საღამოს რუსთაველის საზოგადოების პრეზიდენტი დავით შემოქმედელი უძღვებოდა. მან გაიხსენა ნომადი ბართაიას მრავალმხრივი შემოქმედებითი და საზოგადოებრივი მოღვაწეობა და ის მნიშვნელოვანი წვლილი, რომელიც პოეტმა, მეცნიერმა და მთარგმნელმა ქართულ-ირანული კულტურული ურთიერთობების განვითარებაში შეიტანა.

ნომადი ბართაიამ,   მთელი თავისი შემოქმედება  და სამეცნიერო მოღვაწეობა  ქართულ და ირანული კულტურების დაახლოებას მიუძღვნა. იგი იყო  პოეტი, მეცნიერი, მთარგმნელი, ირანისტი და საზოგადო მოღვაწე. რუსთაველის საზოგადოებაში მისი საქმიანობის ერთ-ერთი მნიშვნელოვანი მიმართულება სწორედ, ქართულ-ირანული ურთიერთობების გაღრმავება იყო.

    ღონისძიებაზე,  პოეტის ცხოვრებასა და შემოქმედებაზე ისაუბრეს რეზო მიშველაძემ, გიორგი გოგოლაშვილმა, ბელა შალვაშვილმა, ბაღათერ არაბულმა, ბელა ალანიამ, ბადრი სულაძემ და სხვებმა. მათი გამოსვლები კი,  მხოლოდ ბიოგრაფიული ფაქტების გახსენებას არ წარმოადგენდა. თითოეულმა მათგანმა საკუთარი მოგონებებითა და შეფასებებით კიდევ ერთხელ გააცოცხლა ნომადი ბართაიას სახე — როგორც პოეტის, მეცნიერის, კოლეგის, მეგობრისა და ქართული კულტურის ერთგული მსახურის.

   პოეტის ხსოვნის საღამოზე,  განსაკუთრებით იგრძნობოდა ის  უხილავი სულიერი კავშირი, რომელიც ნომადი ბართაიას ადამიანებთან აკავშირებდა. მასთან კომუნიკაცია  მხოლოდ პროფესიული ურთიერთობა არ ყოფილა. იგი,   ყველას თავისი ერუდიციით, იუმორით, პოეტური ხედვითა და უშუალობით იზიდავდა.

„კანონებიდან ყველაზე უფრო

მიზიდულობის კანონი მომწონს…“

იქნებ სწორედ ეს იყო მისი ცხოვრების ერთ-ერთი მთავარი კანონიც — ადამიანების ერთმანეთთან დაკავშირება.

 საღამოზე  ითქვა, რომ   ნომადი  ბართაია ქართულ და ირანულ კულტურებს შორის მეგობრობის  ხიდს ქმნიდა. თარგმნიდა  პოეზიის გამორჩეულ ავტორებს, იკვლევდა  ლიტერატურულ და ენობრივ ურთიერთობებს და  მკითხველებს  მრავალფეროვან სამყაროს აცნობდა.

„მიზიდულობის კანონი“ — ის უხილავი ძალაა, რომელიც პოეტსა და მკითხველს, წარსულსა და აწმყოს, ქართულ და ირანულ კულტურებს ერთმანეთთან აკავშირებს.

... და სწორედ, ამ მიზიდულობის ძალით გაგრძელდება ნომადი ბართაიას ცხოვრება — მის ლექსებში, თარგმანებში, წიგნებში და იმ ადამიანების მეხსიერებაში, რომლებმაც იგი  შეიყვარეს.

მოგზაურობა

 

🇮🇹სამხრეთ იტალიაში  მოგზაურობა მართლაც,    დაუვიწყარი თავგადასავალია.ეს იყო ახალი ემოციების და    შთაბეჭდილებების    აღმოჩენა,  იტალიური  ცხოვრების    სტილის და იმ რიტმის შეგრძნება,  რომელიც ამ   საოცარ ქვეყანას     ახასიათებს. ზღვის   სანაპიროსთან გაზრდილს,   ზღვის   პეიზაჟი,   მზის  ჩასვლის   სცენა   და  არც ციტრუსის სურნელი  მაოცებს,  მაგრამ   ყველა ქვეყანაას ხომ თავისი  განუმეორებელი ხიბლი   აქვს. ამ საოცარმა მხარემ,   ჩემში თავისი ფერადოვნებით,  ისტორიით, კულტურით, ადამიანური სითბოთი  მართლაც,  რომ  წარუშლელი   შთაბეჭდილება  დატოვა. ეს  იყო ემოციებით  დახუნძლული   გზა   -ნეაპოლის ხმაურიდან კაპრის   ლურჯ სიჩუმემდე, პომპეის უძველესი    ქვებიდან მატერას  კლდეებამდე, ალბერობელოს ზღაპრული   სახლებიდან ამალფის სანაპიროს საოცარ ხედებამდე.აქ ყოველი  ადგილი  თავის  ისტორიას გვიყვება.

საოცარია ზღვისპირა ქალაქი - ბარი,   მისი  უბრალო  და   მაგრამ  მომხიბვლელი   ცხოვრების სტილით. პოზიტანოს  სოლამაზე კი,   გულგრილს ვერავის  ტოვებს.  თვალისმომჭრელია კლდეზე შეფენილი  ფერადი  სახლები, ზღვის ლურჯი   სივრცე   და    გზები,  რომელების ყველა   მოსახვევში   ახალ  სილამაზეს   გვიჩვენებს.

 ამალფის სანაპიროს განსაკუთრებულ ხიბლს სწორედ, სახლების თბილი პასტელური ფერები ქმნის. ეს ფერთა   გემოვნებით შეხამებაა. კრემისფერი, ატმისფერი,  ყვითელი, ტერაკოტისფერი და ღია ვარდისფერი ფასადები  საოცარ ჰარმონიაშია ზღვის ხედთან, ცის უსაზღვრო სივრცესა და კლდეების ბუნებრივ ტონებთან. არსებული ფერთა პალიტრა, სანაპიროს სიმყუდროვეს, მზის სითბოსა და ხმელთაშუა ზღვის ცხოვრების მშვიდ რიტმს უსვამს ხაზს, რის გამოც ამალფი დაუვიწყარია ნებისმიერი  მნახველისთვის.

     სასიამოვნოდ გამაოცა, ჩემი კაბის ფერების  უნებლიედ დამთხვევამ ამ  საოცარ  პეიზაჟთან

#italy  #amalfi

    ასე რომ, დასრულდა ჩემი სამხრეთ იტალიური მოგზაურობა-გზა, რომელიც სილამაზით, ისტორიით და  დაუვიწყარი  ემოციებით  იყო სავსე. 

#travel #italia #vecotravel #mziagogodze

კინოხელოვნება

.„გააზიარე სიყვარული“  ეს არის  ფილმი,  რომელიც უპირველესად,  ადამიანურ სითბოს გვახსენებს. სამწუხაროდ,  თანამედროვე სამყაროში, სადაც ადამიანებს ხშირად დრო არ გვრჩება ერთმანეთის მოსასმენად,  ეს ფილმი  განსაკუთრებულ მნიშვნელობას იძენს. აქ არის ისტორია სიყვარულზე, თანაგრძნობაზე, ურთიერთგაგებასა და იმ ღირებულებებზე, რომლებიც ადამიანურ ურთიერთობებს ნამდვილ შინაარსს ანიჭებს.ფილმი მაყურებელს კიდევ ერთხელ ახსენებს, რომ სიყვარული მხოლოდ რომანტიკული გრძნობა არ არის. ის შეიძლება გამოიხატოს მეგობრობაში, ოჯახის წევრებისადმი ზრუნვაში, უცნობი ადამიანების დახმარებაში და ყოველდღიურ კეთილ საქმეებში. სიუჟეტი გვიჩვენებს, თუ როგორ შეუძლია ერთ კეთილ სიტყვას, ღიმილსა თუ თანადგომას შეცვალოს ადამიანის ცხოვრება.„გააზიარე სიყვარული“ გამოირჩევა თბილი ემოციური ატმოსფეროთი. პერსონაჟები ბუნებრივად და დამაჯერებლად გადმოსცემენ თავიანთ განცდებს, რაც მაყურებელს მათთან დაახლოების შესაძლებლობას აძლევს. ფილმის მთავარი გზავნილი ნათელია — სიყვარული ის ძალაა, რომელიც ადამიანებს აერთიანებს და უკეთესი მომავლის შექმნაში ეხმარება.

განსაკუთრებით აღსანიშნავია ფილმის პოზიტიური განწყობა. მიუხედავად ცხოვრებისეული სირთულეებისა, სიუჟეტი ოპტიმიზმსა და იმედს ასხივებს. იგი გვაფიქრებინებს, რამდენად მნიშვნელოვანია ერთმანეთის მხარდაჭერა და სიკეთის გაზიარება.

ფილმი აქტუალურია ნებისმიერი ასაკის მაყურებლისთვის, რადგან მისი მთავარი სათქმელი უნივერსალურია. ადამიანური ურთიერთობები, გულწრფელობა და სიყვარული არასოდეს კარგავს მნიშვნელობას. სწორედ ამიტომ „გააზიარე სიყვარული“ არა მხოლოდ გასართობი კინოსურათია, არამედ ერთგვარი მოწოდებაც — ვიყოთ უფრო კეთილები, უფრო ყურადღებიანები და გავუზიაროთ სიყვარული გარშემომყოფებს.

„გააზიარე სიყვარული“ არის თბილი, ემოციური და შთამაგონებელი ფილმი, რომელიც მაყურებელს ახსენებს, რომ სიყვარული და სიკეთე ყველაზე დიდი ფასეულობებია. ფილმის ნახვის შემდეგ რჩება რწმენა, რომ სამყაროს შეცვლა სწორედ მცირე, მაგრამ გულწრფელი კეთილი საქმეებით იწყება.

###

🎬კინოს სახლში რუსთაველის საზოგადოების ინიციატივით, ნიკოლოზ ხომასურიძის ფილმის ,,გააზიარე სიყვარული"-ს სპეციალური ჩვენება გაიმართა. მხატვრული ფილმი ძირითადად, ისტორიულ - ბიოგრაფიული ჟანრისაა და მოგვითხრობს ორი პერსონაჟის სიყვარულის ისტორიას, საკუთარი სამყაროს შეცნობის და ფასეულობების აღმოჩენის პროცესს. სულიერი საზრდოს ძიების გზაზე კი, დროსა და სივრცეში მოგზაურობენ და ხსხვადასხვა ისტორიულ და კულტურულ პიროვნებებს ხვდებიან. ფილმში წარმოდგენილია შოთა რუსთაველი, დავით აღმაშენებლი, დავით სარაჯიშვილი, ნიკო ფიროსმანი და სხვა ისტორიული პერსონაჟები.

 ერთი სიტყვით, ჩემთვის, როგორც მაყურებლისთვის ,,გააზიარე სიყვარული " არის ემოციური მოგზაურობა სიყვარულის , ისტორიისა და სულიერი ღირებულებების სამყაროში.

 🎬 ფილმში მონაწილეობენ გიორგი გილიგაშვილი, ელისაბედ ბერიშვილი, რეზო ჩხიკვიშვილი და სხვები.

სტურუასეული ,,ვეფხისტყაოსანი"

   რუსთაველის თეატრში სპექტაკლის სანახავად მისულს, თავში სხვადასხვა  აზრი მიტრიალებდა. განწყობა  მქონდა არა ჩასაფრებულის  და არა  კრიტიკოსი მაყურებლის მითუფრო, რომ თეატრმცოდნე არ გახლავთ.  

მინდოდა რეჟისორის  ინსცენირება, მაქსიმალურად  ობიექტურად შემეფასებინა, ისევე როგორც ერთ ჩვეულებრივ ობივატელს .

მომეწონა ,,ვეფხისტყაოსნის" სტურუასეული ინტერპრეტაცია,  სცენოგრაფიული გადაწყვეტა, მისი უზადო  გემოვნება, ესთეტიკა, რეჟისორული ხედვა ...  ამ შესანიშნავი სპექტაკლით ხელოვანმა გვითხრა თავისი სათქმელი, აგვაღფრთოვანა და დაფვაფიქრა.  აი, სწორედ,  ეს არის თეატრის მისიაც  და ნამდვილი ხელოვნებაც!

 ***

 რობერტ სტურუას  „ვეფხისტყაოსანი“ თანამედროვე ქართული თეატრის ერთ-ერთი ყველაზე საინტერესო და დისკუსიურ ნამუშევრად შეიძლება ჩაითვალოს. რობერტ სტურუა – რეჟისორი, რომელიც ცნობილია კლასიკური ტექსტების ახლებური ინტერპრეტაციებით, ამ შემთხვევაშიც არ გვთავაზობს ტრადიციულ, ილუსტრაციულ წარმოდგენას, არამედ ქმნის მრავალშრიან, სიმბოლიზმით დატვირთულ სცენურ სამყაროს, რომელიც მაყურებელს ფიქრისკენ უბიძგებს.

სპექტაკლი ეფუძნება ვეფხისტყაოსანი-ს – ქართული ლიტერატურის უდიდეს ქმნილებას, რომლის ავტორია შოთა რუსთაველი. თუმცა სტურუას ინტერპრეტაცია ტექსტის პირდაპირი გადმოტანა არ არის. რეჟისორი აქცენტს აკეთებს არა მხოლოდ სიუჟეტზე, არამედ იდეებზე – სიყვარულზე, ერთგულებაზე, მეგობრობაზე და გმირის შინაგან ბრძოლაზე.

სცენური გადაწყვეტა მინიმალისტურია, თუმცა ამავე დროს სიმბოლური. დეკორაციები ხშირად პირობითია, რაც ქმნის აბსტრაქტულ სივრცეს, სადაც მთავარი ყურადღება მსახიობთა თამაშსა და ტექსტის ფილოსოფიურ სიღრმეზე გადადის. განათება და მუსიკა მნიშვნელოვან როლს ასრულებს ემოციური ატმოსფეროს შექმნაში – ისინი ხშირად მეტყველებენ იმაზე, რასაც სიტყვები ვერ გადმოსცემს.

მსახიობთა შესრულება სპექტაკლის ერთ-ერთი ყველაზე მნიშვნელოვანი კომპონენტია. სტურუა მათგან მოითხოვს არა მხოლოდ ტექსტის სწორ გადმოცემას, არამედ პერსონაჟების შინაგანი მდგომარეობის ღრმა განცდას. მიუხედავად ამისა, კრიტიკოსთა ნაწილი აღნიშნავს, რომ ზოგიერთ სცენაში მეტი ოსტატობა და ემოციური სიზუსტე იყო საჭირო, რათა სრულად გადმოცემულიყო რუსთაველის გმირების მასშტაბი.

განსაკუთრებით საინტერესოა სპექტაკლის ინტერპრეტაციული ხაზი – სტურუა ხშირად არღვევს ქრონოლოგიურ თანმიმდევრობას, იყენებს მეტაფორებსა და ალეგორიებს, რაც წარმოდგენას უფრო ინტელექტუალურ და ზოგჯერ რთულად აღსაქმელს ხდის. ეს არის თეატრი, რომელიც მაყურებლისგან აქტიურ ჩართულობას მოითხოვს.

საბოლოოდ, სტურუას „ვეფხისტყაოსანი“ არ არის მხოლოდ კლასიკური ტექსტის სცენური ვერსია – ეს არის დიალოგი წარსულსა და თანამედროვეობას შორის. სპექტაკლი გვაიძულებს, თავიდან დავფიქრდეთ იმ მარადიულ ღირებულებებზე, რომლებიც რუსთაველმა საუკუნეების წინ შექმნა და რომლებიც დღემდე აქტუალურია.

დასკვნა:

რობერტ სტურუას დადგმა წარმოადგენს გაბედულ და ინტელექტუალურ ექსპერიმენტს, რომელიც განსხვავებულად კითხულობს კლასიკას. მიუხედავად გარკვეული წინააღმდეგობრივი შეფასებებისა, ეს სპექტაკლი მნიშვნელოვანი მოვლენაა ქართული თეატრის სივრცეში და ღირს, რომ მასზე საუბარი გაგრძელდეს.