ინტერვიუ

 

 

21 მარტი ქართული ჟურნალისტიკის დღეა... ამ პროფესიასთან დიდი სიყვარული და უამრავი მოგონება მაკავშირებს.

***

ჩემს ჟურნალისტურ ბიოგრაფიაში, პირველი ინტერვიუს ასაღებად აკადემიკოს გურამ შარაძესთან მომიწია მისვლა, მაშინ იგი პარლამენტის წევრი იყო და ეროვნულ თემატიკასთან დაკავშირებით რამდენიმე კითხვით მივმართე. მახსოვსიანვრის სუსხიანი დღე იყო, საკმაოდ ციოდა...

  ჩემმა პირველმა რესპონდენტმა ძალიან თბილად მიმიღო, თუმცა ზედმეტი ღელვისგან ხელები ისე მიკანკალებდა, რომ კალამს ძვლივს ვიმორჩილებდი (მაშინ დიქტოფონი არ მქონდა სტუდენტი ვიყავი)... ბატონ გურამს ეს შეუმჩნეველი არ დარჩენია და მითხრა: ,,თქვენ ეტყობა ძალიან გცივათ და ხელები გაყინული გექნებათ.’’ შემდეგ გამომართვა საწერ-კალამი და ჩემს წიგნაკში თავად მიუწერა შეკითხვებს პასუხები...

   ბატონი გურამის ასეთმა თბილმა დამოკიდებულებამ განუმეორებელი და დაუვიწყარი შთაბეჭდილება მოახდინა ჩემზე.

   გაზეთ ,,თბილის’’-ში მუშაობის პერიოდში, კვლავ მივაკითხე ბატონ გურამს ინტერვიუს ასაღებად. იმხანად, ივანე-მაჩაბლის სახლმუზეუმთან დაკავშირებით აჟიოტაჟის გამო. სამწუხაროდ, თურმე,ამინტერვიუს მიმდინარეობის დროს მოუკლეს მას შვილი. ამის შესახხებ ბატონმა გურამმა მითხრა საკუთარი შვილის პანაშვიდზე.

   შემდეგ, უკვე მესამედ ვაპირებდი გურამ შარაძესთან ინტერვიუზე მისვლას, მაგრამ არ დამცალდა, რადგან ეს ღირსეული მამულიშვილი, უმოწყალოდ გამოასალმეს სიცოცხლეს...

P.S. ეს მოგონება ,,საერთო გაზეთში’’ დაიბეჭდა 2007წელს, რედაქტორის და პოეტის ვახტანგ ხარჩილავას თხოვნით.

გურამ შარაძის საზოგადოება 

 საერთო გაზეთი

იტალიელი მწერლის ვიზიტი

შეხვედრა ცნობილ იტალიელ  მრავალმხრივ შემოქმედთან დაჩა მარაინთან 

 📚ივანე ჯავახიშვილის სახელობის თბილისის სახელმწიფო უნივერსიტეტმა უმასპინძლა ცნობილ იტალიელ მწერალს, პოეტს, დრამატურგს, რეჟისორს, სცენარისტს, პუბლიცისტს, კინოდოკუმენტალისტს, ჟურნალისტსა და მთარგმნელს - დაჩა მარაინს. შეხვედრას  ესწრებოდნენ იტალიის ელჩი  მასიმილიანო დ' ანტუონო, თსუ- სტუდენტები და სხვები. 

📚,,წერის  სიყვარული" - ასე ეწოდება  წიგნს, რომელიც  ღონისძიებაზე დაჩა მარაინიმ, მთარგმნელ ნუნუ გელაძესთან ერთად   წარადგინა. წიგნი თსუ-ს გამომცემლობაში დაისტამბა და    წერის, კითხვისა და თარგმნის ხელოვნებას ეძღვნება.

🖋️წიგნი განსაკუთრებულ ინტერესს იწვევს როგორც  ჟურნალისტებში , ისე შემოქმედებითი სფეროს წარმომადგენლებში. გამოცემაში მასში თავმოყრილია მწერლის პირადი გამოცდილება და იმ ავტორთა ხედვები, რომელთა ტექსტებიც წიგნში გაერთიანდა - საუბარია შემოქმედებით პროცესზე, ენის სიღრმეზე და იმ ემოციურ ინტენსივობაზე, რაც სიტყვას აზრს და ძალას ანიჭებს.

ცეკვის საერთაშორისო ფესტივალი

     

 

     19  ოქტომბერს  თბილისში,  პროფესიონალ   და   მოყვარულ   მოცეკვავეთა საერთაშორისო ფესტივალი   გაიმართება, რომელიც  საქართველოში  პირველად   ჩატარდება და მას  მსოფლიოს  უმაღლესი კატეგორიის მსაჯები დაესწრებიან.   ამის შესახებ განაცხადა   ფესტივალის  დამფუძნებელმა და  ორგანიზატორმა   ლიზი  მორიმ,   ,,Sheraton  Metchi Grand  Hotel''- საკონფერენციო   დარბაზში გამართულ   პრესკონფერენსიაზე. ფესტივალი, საქართვლოს კულტირის  სამინისტროსა  და დედაქალაქის მერიის მხარდაჭერით   გაიმართება   და  მასში მონაწილეობას  მიიღებენ  უცხოელი   და ადგილობრივი მოცკვავე წყვილები.ფესტივალის, მიზანია - მსოფლიო ცეკვების საბჭოს ყურადღების ცენტრში მოხვედრა და მასში მონაწილე ადგილობრივ მოცეკვავეთა  პროფესიული განვითარების და კარიერული წინსვლის ხელშეწყობა, რათა სამომავლოდ   ახალგაზრდა თაობისთვის შესაძლებელი გახდეს საერთაშორისო ასპარეზზე  მნიშვნელოვანი   ადგილის მოპოვება. 

   ლიზი   მორი:  -  ფესტივალი   საგულდაგულოდ    მზადდებოდა   და   მას დიდი   მნიშვნელობა   აქვს  ქართველი  მოცეკვავე  ბავშვების  განვითარებისთვის, უფრო ფართო მასშტაბით  ასპარრეზობისთვის და   საერთაშორისო კონტაქტებისთვის.

მასმედიასთან შეხვედრისისას,  ფესტივალის მნიშვნელობაზე  ისაუბრა მსოფლიო  ცეკვის ლეგგენდამ,   ოთხგზის  მსოფლიო  ჩემპიონმა   ვიქტორ დასილვამ  და     ფესტივალის   დირექტორმა   ანი   ლაღიძემ.   როგორც   პრესკონფერენციაზე   აღინიშნა, ფესდტივალი  ყოგველწლიურად   გაიმართება  და  უფრო  მასშტაბურ  სახეს  მიიღებს.

მისწერეთ მზია მზეა