პოლიტიკა

  მთავარია სოციალური სამართლიანობა...

   ქვეყანაში მიმდინარე პოლიტიკურ პროცესებზე გვესაუბრება პოლიტოლოგი სოსო ცინცაძე.

 - ბატონო სოსო, როგორი იქნება ნაციონალების ბედი მომავალ არჩევნებში?

  -არჩევნებში  წარმატება თავად ნაციონალებზეა დამოკიდებული. უპირველეს ყოვლისა,  მათ ჭირდებათ ახალი სახეები... ასევე, უნდა აღიარონ შეცდომები. ფაქტია, რომ მათ არ გააჩნიათ მონანიების გრძნობა, რაც ძალიან                                                                                                       მნიშვნელოვანია...

-რას ვერ აპატიებთ სააკაშვილს?

-საერთოდ, ყველა მმართველს ჩაუდენია შეცდომები... მაგრამ, არის შეცდომები, რომელიც დანაშაულზე უარესია.  შეიძლება შეგნებულად არ ჩაუდენია, მაგრამ შემდეგ გადაიზარდა დანაშაულში, ასეთი შემთხვევა ხშირია პოლიტიკაში. მაგალითად, ახლახანს, ამერიკელ სახელმწიფო მოღვაწეზე ჰენრი კისინჯერზე გამოქვეყნდა საგაზეთო სტატია, იმასთან დაკავშირებით, რომ მას ბრალს უყენებენ  7 მილიონი ვიეტნამელის დახოცვაში. მოგეხსენებათ, ის იყო  აშშ-ს პრეზიდენტის ნიქსონის მრჩეველი და იმ პერიოდში,  ამერიკამ გადაწყვეტილება მიიღო ვიეტნამის დაბომბვის.. ასე რომ, პოლიტიკაში ზღვარი ძალზე მყიფეა... ძნელი სათქმელია, სად მთავრდება შეცდომა და იწყება დანაშაული... რაც შეეხება ნაციონალურ  მოძრაობას, წინა არჩევნებში დამარცხების შემდეგ, არ ელოდნენ ასეთ პროპაგანდისტულ შტურმს, რადგან მათ აღიარეს დამარცხება.. უნდა აღინიშნოს, რომ  ნაციონალური მოძრაობა, ქართულ პოლიტიკაში ერთადერთი პარტიაა, რომელმაც წააგო არჩევნები და როგორც პარტია, მივიდა მეორე არჩევნებამდე. ასეთი რამ  არ მომხდარა, რადგან ყველა მმართველი პარტია ქრებოდა დამარცხების შემდეგ. მოგვწონს თუ არა, ნაციონალური მოძრაობა დღეს, მეორე ადგილზეა პოპულარობით. ეს ქართული ოცნების დამსახურებაა.  თანამედროვე პრობლემები ფარავს, წინა წლების შეცდომებს. ხალხს აღარ აინტერესებს რა იყო გუშინ, მას დღეს, უკეთესი ცხოვრება...

-თქვენი აზრით, ბიძინა ივანიშვილის მთავარი შეცდომა რა იყო?

-საკადრო სელექცია.. არასწორად იყო შერჩეული კადრები… მაგალითად, შეარჩია პრეზიდენტად გიორგი მარგველაშვილი ძალიან აქო და ბოლოს თქვა: შევცდიო.. ასე მოხდა დავით ნარმანიას შემთხვევაში, ბრწყინვალე მერი იქნებაო და მიმაჩნია, რომ თბილისს ასეთი უმოქმედო ქალაქის თავი არ ჰყოლია. სხვათაშორის, თბილისს ერთ დროს, სომეხი მერიც ყავდა –ხატისოვი, რომლის დროსაც ბევრი რამ გაკეთდა. მას უყვარდა ეს ქალაქი და თბილისელად  გრძნობდა თავს. ნარმანია კი, თავს არ გრძნობს თბილისელად.

-როგორია დღევანდელობა თქვენი შეფასებით?

-ქვეყანაში უკიდურესი სიღარიბეა და  ჩვენი ქვეყანა, ძალიან ბევრი გამოწვევის წინაშე დგას. Aარის იმედების გაცრუება – შინ და გარეთ. ნატოსა და ევროკავშირში წყალი გადაგვიწურეს.. ქვეყანაში არასტაბილური მდგომარეობაა,  განთლება ცუდ მდგომარეობაშია, სასამართლო და საბანკო სისტემაში ძირეული ცვლილებებია განსახორციელებელი. ქვეყნის  დემოკრატიული განვითარებისთვის, აუცილებელია დამოუკიდებელი სასამართლოს არსებობა. დღეს, ნებისმიერ, ცივილიზეულ  და დემოკრატიულ ქვეყანაში ფუნქციონირებს  პატიოსანი და მიუკერძოებელი სასამართლო. ასე უნდა იყოს ჩვენთანაც.ადამიანს არ უნდა ქონდეს უსამართლობის განცდა. მართველ პარტიას უნდა დაეწყო ძირეული ცვლილებეი და სამართლიანობის აღდგენა, მაგრამ ჯერ-ჯერობით, ამ მხრივ, არაფერი შეცვლილა. ვფიქრობ, მათი ლოზუნგი იყო მცდარ..… სამართლიანობის აღდგენა - ეს იმდენად ყოვლისმომცველი, არაკონკრეტული ცნებაა, რომ კაცობრიობის ისტორიაში აქ წარმატებას არავის არ მიუღწევია. რა არის სამართლიანობა? კონკრეტული პასუხი არ არსებობს და ყველას თავისი ახსნა აქვს.. მაგალითად, ადამიანმა თუ სამსახური დაკარგა, მისთვის სამართლიანობის აღდგენა იქნება სამსახურში დაბრუნება; თუ  ქონება დაკარგა, მისთვის მნიშვნელოვანია მისი დაბრუნება და ა.შ. ამიტომ, რამდენი ადამიანიც არსებობს, იმდენი პრობლებაა  და ყველას თავისებური მიდგომა ჭირდება, რათა სამართლიანობა აღდგეს. 4 მილიონიან ქვეყანაში, თუ 30 ათას მილიონერს დაუბრუნეს სააკაშვილის მიერ წართმეული, ძვირადღირებული  მანქანები, სხვა დანარჩენი მოსახლეობისთვის ეს რა ხეირია? .. მთავარი არის - სოციალური სამართლიანობის აღდგენა, რათა ყველა ოჯახს ქონდეს თავის შენახვის საშუალება დაYყველა იყოს დასაქმებული.

გარე ფაქტორებიც მნიშვნელოვა გავლენას ახდენს ქართულ ეკონომიკაზე.. დაძაბული ვითარებაა რუსეთსა და თურქეთს შორის. ნატოშიც არავინ არ გვღებულობს.. რუსეთი ღიად აცხადებს, რომ თუ ნატოში დაუპირებთ მიღებას  - უკრაინას და საქრთველოს, ომს დავიწყებო.

-ერთსქესიანთა ქორწინებაზე რა აზრის ხართ?

-ამ საკითხზე ლაპარაკიც არ ღირს.. რა თქმა უნდა, წინააღმდეგი ვარ. ერთ რამეს გეტყვით, იმას რასაც ატანს ამერიკა და ევროპა, საქართველო ვერ გაუძლებს... ჩვენთან შობადობა ისედაც დაბალია და კაცნა კაცზე თუ იქორწინა, როგორღა გავმრავლდებით? Eვროპას სხვა რამეში მივბაძოთ, იქ ადამიანები სოციალურად დაცულია, ხელფასები და პენსიები მაღალია.

-როგორ უნდა მოიქცეს საქართველო რომ გადარჩეს და გაძლიერდეს?

-უპირველეს ყოვლისა, უნდა აღმოიფხვრას ნეპოტიზმი, რომელიც ქვეყნისთვის ,,ავთვისებიან სიმსივნესავითაა’’.. ამის შედეგია ის, რომ მაღალ თანამდებობაზე დანიშნულია არაპროფესიონალი კადრები. ასევე, არ უნდა იყოს დაუსჯელობის სინდრომი და უნდა არსებობდეს სამართლიანი სასამართლო. დროა დავიწყოთ ევროპული ფასეულობებისა და ღირებულებების პროპაგანდა...

                          მზია გოგოძე

ბაგა–ბაღი

           აქ ცეროდენებს მარგარეტ ტეტჩერი სტუმრობდა...

     ,,თითოეული ადამიანის ისტორია ბავშვობიდან იწყება... ამიტომ, დიდი მნიშვნელობა აქვს გარემოს, თუ რა პირობებში იზრდება ბავშვი... მე ვარ ბედნიერი დედა, რადგან ჩემი შვილი დიდ სითბოსა და სიყვარულით სავსე გარემოცვაშია. მისი ყოველი დღე სავსეა სიხარულით, თქვენი ღიმილით და ზრუნვით.. მეამაყება რომ ხართ ჩვენი ბაღის ხელმძღვანელი, შესანიშნავი დედა და საუკეთესო პიროვნება’’...  
  ეს გახლავთ ამონარიდი, ერთ-ერთი მშობლის წერილიდან, რომელიც თბილისის, ევგენია ჟორდანიას სახელობის 28-ე საბავშვო ბაგა-ბაღის ხელმძღვანელს მანანა ხეცურიანს მისწერეს.. და ვინ მოთვლის, რამდენი ასეთი სამადლობელი სიტყვები გაჟღერებულა ქალბატონი მანანას მისამართით.. როგორც თავად აღნიშნავს, ჩემი თვადაუზოგავი შრომა და ათწლიანი მოღვაწეობა ამ ერთი წერილის ფასად ღირდაო. ამიტომაც, არის რომ მუხლჩაუხრელად შრომობს, რათა ბაღი იყოს ერთ-ერთი სანიმუშო, გამორჩეული და ნოვატორული. აქ პატარების აღზრდასა და მათ გონებრივ განვითარებაზე ზრუნავენ, იმართვება სხვადასხვა შემოქმედებითი ღონისძიებები, რომელშიც ჩართულნი არიან არამარტო ბავშვები, არამედ ბაღის მთლიანი კოლექტივი. ერთი სიტყვით, ბაღში მუდამ ჟრიამული და შემოქმედებითი ფუსფსია. ქალბატონი მანანას თქმით, მთავარი მიზანია: ჩატაატარონ ისეთი შთამბეჭდავი ღონისძიებები, რომლებიც პატარებს მთელი ცხოვრება ემახსოვრებათ და სასიამოვნო მოგონებათ გაჰყვებათ. აქ გამართულ ღონისძიებებიდან შეგვიძლია გამოვყოთ: ,,ფიროსმანი’’, ,,ქეთო და კოტე’’, ,,თბილისობა’’, ,,მეკობრეები’’, სპორტული შეჯიბრი ,,მხიარული სტარტები’’, საახალწლო კარნავალი’’ და სხვა მრავალი.
             
ბაღის შენობა შესანიშნავ მდგომარეობაშია, მოწესრიგებულია სველი წერტილები, გარემონტებულია სამზარეულო და დარბაზი... საბავშვო ოთახები და დერეფნები გაფორმებულია სხვადასხვა თვალსაჩინოებებით. ეზო კი, ნამდვილი ოაზისია, რომელსაც ამშვენებს მწვანე ნარგავები, დეკორატიული ნაძვები, ბანანის ხე, ვენახი, ბროწეული, სხვადასხვა ნარგავები. ასევე, აქვთ თონე, სადაც  პატარების თვალწინ აცხობენ  პურებს.. წურავენ წურძენს და ავლებენ ჩურჩხელებს, რაც პატარებს ძალიან მოსწონთ.
ერთი სიტყვით, ეს საბავშვო დაწესებულება გამოირჩევა პატარებთან ინდივიდუალური მიდგომით და გულისხმიერი დამოკიდებულებით. ბაღის მიღწევები კი, ბავშვებთან და  პერსონალთან სწორი დამოკიდებულების შედეგია. აქ, მთელი კოლექტივი ერთ მუშტად არის შეკრული და შეიძლება ითქვას, უსიტყვოდ უგებენ ერთმანეთს.
 აქაური მესვეურები, დიდი სიყვარულით იგონებენ აწ გარდაცვლილ ბაღის ყოფილ დირექტორს ევგენია ჟორდანიას, რომლის დიდი დამსახურებაა  ამ საბავშვო დაწესებულების ავტორიტეტის მოხვეჭა. წლების წინ, როგორც სანიმუშო ბაღს, ინგლისის პრემიერი მარგარეტ ტეტჩერიც კი სტუმრობდა. ხოლო, ამავე ქვეყნის დედოფალმა ელისაბედ მეორემ, თავისი წარმომადგენელი აახლა აქურობას და სარემონტო საშუალებებით (შპალერებით) ხელი წაუკრა მაშინდელ ხელმძღვანელობას.  ეს მართლაც, დიდი პატივია და რა გასაკვირია, რომ ამ ფაქტით, თავს იწონებენ აქაური თანამშრომლები, რომლებიც ერთ გუნდად არიან შეკრულნი და კეთილსინდისიერად უძღვებიან თავიანთ მოვალეობას. ბაღის ტრადიციებს ღირსეულად აგრძელებს ამჟამინდელი ხელმძღვანელი, რომელიც არ ივიწყებს წინამორბედის ღვაწლს და დღემდე, თავის კაბინეტში ევგენია ჟორდანიას სურათს ინახავს...
მანანა ხეცურიანი: 28-ე ბაგა-ბაღი, ერთადერთი საბავშვო დაწესებულებაა საქართველოში, რომელსაც მინიჭებული აქვს ყოფილი დირექტორის, ღვაწლმოსილი პედაგოგის ევგენია ჟორდანიას სახელი. მართალია, მე მას არ ვიცნოდი, მაგრამ მის შესახებ ბევრი რამ მსმენია და ჩვენი ბაღის წარმატებები მის სახელს უკავშირდება. პერიფერიული მდებარეობის მიუხედავად, ჩვენი ბაღი დედაქალაქში, პირველთა რიცხვში მოიხსენიება და არცთუ უსაფუძვლოდ.. ბაღში ამჟამად, 500 ბავშვია, სულ 12 ჯგუფია და ერთადერთია, რომელმაც რუსული ჯგუფი შეინარჩუნა. ბაღს 55 თანამშრომელი ემსახურება. მთელი ჩვენი კოლექტივი მოწოდებულია იმისთვის, რომ რაც შეიძლება მეტი საინტერესო ღონისძიებები გავმართოდ, პატარებს გავუხალისოდ ცხოვრება და მოწვეულ სტუმრებს სასიამოვნო შთაბეჭდილება შევუქმნად. ბაღში გამართულ წარმოდგენებს არაერთი საპატიო სტუმარი თუ საზოგადოების ცნობილი წარმომადგენელი დასწრებია. ერთ-ერთ ღონისძიებაზე, წყნეთის ბავშვთა სახლის მობინადრეები დავპატიჟეთ.. ასევე, მოწვეული გვყავდა სათნოების სახლის ხანდაზმულები, რომელთაც სადილით გავუმასპინძლდით. მოხუცებს, ბაღის თანამშრომლებისა  და მშობლების ერთობლივი ძალისხმევით, ორი სატვირთო მანქანა სურსათ-სანოვაგე გავიგზავნეთ.
 უნდა გითხრათ, რომ ჩვენ ბაღს ჰყავს მაღალკვალიფიციური აღმზრდელები, რომლებიც შესანიშნავად ზრუნავენ პატარებზე. როგორც კი რაიმე იდეას მივაწვდი მათ, მაშინვე ცდილობენ მის განხორციელებას. ყველა ღონისძიება ერთმანეთისგან განსხვავდება. დარბაზის დეკორაციაზე თავად ვზრუნავთ, პიესის ავტორებიც ჩვენ ვართ და იმდენად კარგი სანახაობა გამოდის მოწვეული სტუმრები ყოველთვის აღფრთოვანებულები რჩებიან. ამჟამად, დედის დღისადმი მიძღვნილი ღონისძიებისთვის.
  ამას გარდა, ვცდილობათ, ბაღში ყველანაირი სიახლეები დავნერგოთ. ჩართულები ვართ სასკოლო მზაობის პროგრამაში. ფუნქციონირებს ინკლუზიური ჯგუფი. მაღალ დონეზე გავარეეემონტეთ სამზარეულო, ფსიქოლოგის ოთახი,  რომელიც მართლაც ჯადოსნური სამყაროა; ასევე, შევიძინეთ სხვადასხვა ინვენტარი და საბავშვო ლიტერატურა. შემოგვემატა ახალი კადრებიც, რომლებიც არიან პროფესიონალები და აქტიურად ჩაებნენ ჩვენს ფერხულში. დირექტორის მოადგილე ნინო ყაველაშვილი ახალი კადრია, მაგრამ თავის საქმის პროფესიონალია.  მიყვარს ჩემი კოლექტივი და თითოეული ბავშვი, ეს ჩემი მეორე ოჯახია და მთელი გულით ვზრუნავ მასზე. ბაღი დიდი პოპულარობით სარგებლობს და აქ მოხვედრის მსურველთა რიცხვიც დიდია.
          განსაკუთრებით აღნიშვნის ღირსია, ბაღის დიასახლისის ის გულისხმიერი დამოკიდებულება, რომელსაც იგი ერთ-ერთი აღსაზრდელის საშა სივცოვის მიმართ იჩენს. იგი, დედით ობოლია და ქალბატონი მანანა, ყველანაირად ცდილობს არ მოაკლოს მას დედობრივი მზრუნველობა, სიყვარული და სითბო. პატარა საშაც თავისებურ სითბოს გამოხატავს ქალბატონი მანანას მიმართ, ეხუტება, ეალერსება..  საშას, ასევე, განსაკუთრებით უყვარს აღმზრდელის თანაშემწე ნათია ადეიშვილი...  სწორედ, ამიტომ საშა სივცოვის ბებია ტატიანა ბიბილაშვილი საჯაროდ უხდის მადლობას ბაღის კოლექტივს და განსაკუთრებით, დირექტორს გვერდში დგომომისთვის, თანაგრძნობისთვის და ბავშვზე განსაკუთრებული მზრუნველობისთვის.

   ...და ისევ, მადლიერი მშობლის წერილთ დავამთავროთ:
,,მართლაც, რამხელა ბედნიერებაა, როცა საკუთარ შვილს კეთილ ადამიანებს ანდობ. ამ კედლებში,  ძალიან დიდი სითბოა გაჟრენთილი. დარწმუნებული ვარ, აქ გატარებული თითოეული დღე, სამუდამოდ დარჩება პატარების მეხსიერებაში. ღმერთმა მოგცეთ ძალა, რათა რაც შეიძლება მეტ პატარას გაულამაზოთ ცხოვრება და ამოგზაუროთ ზღაპრულ სამყაროში’’...

                    მზია გოგოძე
,,სახალხო განათლება+''             27 იანვარი  2016 წელი 

მზია გოგოძე Mzia Gogodze: მადლი ქენი...

მზია გოგოძე Mzia Gogodze: მადლი ქენი...:                                                  ჩვენც დავბერდებით!         ბევრჯერ გვითქვამს, რომ ბავშვები ჩვენი მომავალია... მაგრამ ...

მადლი ქენი...

                                                ჩვენც დავბერდებით!

      ბევრჯერ გვითქვამს, რომ ბავშვები ჩვენი მომავალია... მაგრამ ნებისმიერი ადამიანის მომავალი, მაინც, სიბერეა!.. დრო უცებ გადის, წლები მიფრინავენ…და მაინც, რთულია წარმოიდგინო, რომ ოდესღაც ჩვენც დავბერდებით!..  პარადოქხია, მაგრამ ფაქტია, რომ ადამიანს აბერებს არა ასაკი, არამედ  სხვათა დამოკიდებულება მისი ასაკის მიმართ.. და რაოდენ მნიშვნელოვანია, თუ რა პირობებში უწევს ხანდაზმულ ადამიანს ცხოვრება, აქვს თუ არა მას ღირსეული სიბერე?. სწორედ, ამ მიზნით მოვინახულეთ თბილისის ხანდაზმულთა პანსიონატი, სადაც შესანიშნავი პირობებია შექმნილი იმისთვის, რომ აქაურმა მობინადრემ, თავი ოჯახურ გარემოში იგრძნოს და ყურადრება არ მოაკლდეს.
 ერთი შეხედვით, ჩვეულებრივი შენობის კარის გაღებისთანავე სულ სხვა სამყაროში ხვდები. იგრძნობაა სისუფთავე, წესრიგი და რაც მთავარია, ერთმანეთისადმი პატივისცემა და გულთბილი დამოკიდებულება. აქ თითოეულ ადამიანს თვისი ისტორია აქვს, ყველას თავისი სევდა და გულისტკივილი.. 
  უნდა აღინიშნოს, რომ პანსიონატის ხელმძღვანელი დარეჯან თომაძე, ყველაფერს აკეთებს იმისთვის, რომ თითოეულ ხანდაზმულს ტკივილი შეუმსუბუქოს და მათ ცხოვრება გაუხალისოს. ქალბატონ დარეჯანს ხელმძღვანელობის კარგი გამოცდილება აქვს, იგი გახლდათ, დუშეთის შეზღუდული შესაძლებლობების მქონე პანსიონატის დირექტორი; მანმადე კი, დუშეთის ბავშვთა სახლის ხელმძღვანელი. ასევე, იყო თბილისის 77-ე ბაგა-ბაღის დირექტორი. მისი მოსვლის დღიდან პანსიონატში ბევრი რამ გაკეთდა, მოწესრიგდა ინფრასტრუქტურა და გათბობის სისტემა, რომელიც წლების განმავლობაში მოუგვარებელი იყო. ხანდაზმულებს აქვთ ცხელი წყალი, კალორიული საკვები და რაც მთავარია, არიან ექიმის მეთვალყურეობის ქვეშ. პანსიონატის თითოეული თანამშრომელი, მოხალისეები თუ სტუმარი, ყველა მოწოდებულია იმისთვის, რომ ხანდაზმულებს სასიამოვნო გარემო შეუქმნან და ბედნიერი წუთები აჩუქონ.
   დარეჯან თომაძე: 35 წელიწადია რაც, დირექტორად ვმუშაობ.  ჩემი მოღვაწეობა დავიწყე სკოლამდელი ასაკის ბავშვებით და  ალბათ, დავამთავრებ ხანდაზმულებით
 რაც შეეხება პანსიონატს, იგი 1960 წელს დაარსდა და მას ეწოდებოდა თბილისის ხანდაზმულთა პანსიონატი ,,სავანე’’. თავის დროზე, იგი, ძირითადად, განკუთვნილი იყო პერსონალური პენსიონერებისათვის, რომელიც გახლდათ საკავშირო მნიშვნელობის და დასასვენებლად ჩამოდიოდნენ საბჭოთა კავშირის სხვადასხვა რესპუბლიკიებიდან. ეს ფუნქცია, ასე თუ ისე, შენარჩუნებული გვაქვს, რადგან პანსიონატში ცხოვრობენ მართლაც ღირსეული  ადამიანები: აკადემიკოსები, პროფესორები, ექიმები, ჟურნალისტები, პედაგოგები, ხელოვანები და სხვადასხვა სფეროს დამსახურებული მოღვაწეები.

     ამაყი ვარ, რომ პანსიონატში ასეთი სანიმუშო ადამიანები ბინადრობენ. თითოეულ მათგანს, იმდენად საინტერესო ისტორია და ცხოვრებისეული გამოცდილება აქვს, რომ მათთან ერთი საათი საუბარიც კი, მთელი აკადემიაა.
ამჟამად, სულ 71 მობინადრეა. დროებით შეჩერებული იყო მიღება, რადგან გათბობის და ცხელი წყლის პრობლემა გვქონდა, მაგრამ ამ ეტაპზე, ეს საკითხი მოგვარებულია. ჩვენთან ხანდაზმულების მიღება ხდება, რაიონის სოციალური მომსახურების სამმართველოების მიერ. აქ უმეტესად არიან სოციალურად დაუცველები, ისეთები, რომელთაც არა აქვთ საცხოვრებელი, ზოგს ჰყავთ  შვილები, შვილიშვილები, მაგრამ მაინც აქ ურჩევნიათ... თუმცა, შვილებზე მაინც ფიქრობენ და ერთი კანფეტიც რომ აჩუქონ, ისინი თავიანთ შვილიშვილებს უნახავენ..    თითოეული ბენეფიციარი თავისი ცხოვრებით საინტერესოა, მაგრამ ყველაზე მიშვნელოვანი მაინც  ის  არის, რომ აქ ცხოვრების პერიოდში, რამდენიმე ადამიანმა შექმნა ოჯახი, ერთად ცხოვრობენ და ერთმანეთს უხანგრძლივებენ სიცოცხლეს.  ასევე, მინდა გითხრათ, რომ ერთ-ერთ ხანდაზმულს, რომელსაც დიაბეტი აქვს  და ხშირად კომაში ვარდება, შვილი პატიმარი ყავს და განიცდიდა, რომ მის გვერდით არ იყო. თუმცა, ახალი კანონმდებლობის მიხედვით, მას მიეცა საშუალება, ყოველ შაბათ-კვირას დედასთან გაატაროს. ჩვენ, რა თქმა უნდა, ხელს ვუწყობთ დამ ას საწოლიც კი გამოვუყავით. ასევე, მინდა მოგიყვეთ ერთი ბენეფიციარის შეხახებ, რომელიც ჩვენთან ისე მოვიდა, რომ არ გაგვიმხილა შვილები და შვილიშვილები რომ ჰყავდა...იგი, წარსულში ოპერის მომღერალი იყო და სატელევიზიო მარათონის დროს, პაატა ბურჭულაძესთან ერთად იმღერა...ამ დროს იგი, ნათესავებმა და შვილიშვილებმა ამოიცნეს და აქ  მოაკითხეს, რამაც ძალიან გაგვახარა... ჩვენ მოხუცებს ყველანაირ პირობას ვუქმნით, რათა შეხვდნენ თავიანთ შვილებს და შვილიშვილებს. ჩვენთვის მთავარია, რომ თითოეულ მოხუცს შევუქმნათ ოჯახური გარემო, რათა არ მოწყდნენ თავინათ ფუძეს, კერას და სულიერი სიახლოვე შეინარჩუნონ თავიანთ ოჯახთან.

  თითოეული ხანდაზმულის გარდაცვალებას, ძალიან მტკივნეულად განვიცდით.  ასეთ შემთხვევაში, ვუკავშირდებით თანადგომის ქსელს, ვაგებინებთ ნათასავებს, მაგრამ უმეტესობა უარს აცხადებს მიცვალებულის დაკრძალვაზე და მიზეზად უსახსრობას ასახელებს.. თუმცა, პანსიონატი ამ პრობლემასაც  აგვარებს და ყვლაფერს ვაკეთებთ იმისთვის, რომ ხანდაზმულები, ღირსეულად გავაცილოთ თავიანთი ცხოვრების უკანასკნელ გზაზე. ამ საკითხში, ჩვენ გვეხმარება ტრეფიკინგის ფონდი, რომელსაც ხელშეკრილება აქვს გაფორმებული ,,ჰერმესთან’’.
  ჩემი მოსვლის დღიდან პანსიონატში ბევრი რამ მოვაწესრიგე, თავდაპირველად გავიტანე 50 ტონა ნაგავი და 30 ტონა ჯართი. შენობის მარცხენა ფლიგერი გარემონტდა და ჩაუტარდა გამაგრებითი სამუშაოები. ცალკე გავაკეთედ აფთიაქი, იზოლატორი, სამედიცინო ოთახი, პონდუსი და პირველი სართული გავარემონტეთ. ამერიკელებთან ერთად, რამდნიმე პროექტი განვახორციელეთ და შემოვიტანეთ სახეცხი მანქანები, სამედიცინო ხელსაწყოები და სხვადასხვა ინვენტარი. სულ მალე კი, შემოვიტანთ სილამაზის სალონის დანადგარს და გავხსნით ახალ სალონს. ასევე, მინდა აღვნიშნო, რომ პანსიონატს მემორანდუმი  აქვს გაფორმებული სასჯელაღსრულების დეპარტამენტთან და საზოგადოებრივი შრომა ვისაც აქვთ მისჯილი, ასეთ პრობაციონერებს გვიგზავნიან და ისინი, ჩვენთან ძალიან კარგად თანამშრომლობენ. ახლახან, ურთიერთ თანამშრომლობის ხელშეკრულება გავაფორმეთ, საკრებულოს იურიდიული კომიტეტის თავჯდომარესთან თედო კობახიძესთან. ნაძალადევის რაიონის გამგებელი - ზაზა გაბუნია კი, კლუბის გარემონტებაზე გვეხმარება. პანსიონატისადმი დიდ ყურადღებას იჩენს ცეზარ ჩოჩელი. ასევე, კომპანიები ,,ზედაზენი’’ და ,,ბარამბო’’, ,,ავერსი’’კი, მედიკამენტებით ამარაგებს ბენეფიციარებს.
      ერთი სიტყვით, პანსიონატს ხშირად სტუმრობს  და გვერდში უდგანან ქველმოქმედი ადამიანები, სხვადასხვა სტრუქტურები, სამთავრობო თუ არასამთავრობო ორგანიზაციის წარმომადგენლები. ხანდაზმულებისთვის, ხშირად იმართება გასართობი, შემოქმედებითი საღამოები და სხვადასხვა სახის ღონისძიებები. ხანდაზმულები ასევე, ხელსაქმითაც არიან დაკავებულნი... მოხუცების მოსანახულებლად, ხშირად მოდიან სტუდენტები, საბავშვო ბაღბის და სკოლის აღსაზრდელები. განსაკუთრებული მადლობა მინდა გადავუხადო 205 ბაგა-ბაღის დირექტორს - ია პატეიშვილს, რომელიც ყველა ღონისძიებაზე ეპატიჯება მოხუცებს და მათ ბავშვებთან ერთად სპექტაკლებში ათამაშებს... ახლახანს კი, გაზეთმა ,,პრაიმ ტაიმ’’-მა დაპატიჯა ბენეფიციარები რესტორან ,,თაღლაურაში’’. მოხუცებს  ასევე, ეპატიჟებიან სხვადასხვა კონცერტებზე.. 
  შარშან, დედის დღესთან დაკავშირებით, ,,იავნანა’’-ს ფონდამა პაატა ბურჭულაძის თაოსნობით,  ფილარმონიაში დიდი საქველმოქმედო მარათონი ჩაატარა. აღნიშნული გადაცემა, სატელევიზიო ეთერში გადაიცემოდა და პირდაპირი ჩართვა პანსიონატის დარბაზიდან მოხდა, სადაც ბატონი პაატა ხანდაზმულებთან ერთად მღერობა, რომელმაც ბოლოს აღნიშნა, რომ ეს არის ყველაზე დიდი სცენა ჩემთვისო. მარათონიდან შეგროვილი თანხის ნაწილი კი, ორმოცი ათასი ლარი, პანსიონატს გადაერიცხა, რომლიც გათბობის პრობლემის მოსაგვარებლად გამოიყენეს. ასევე, უნდა აღინიშნოს თბილისის მერიის თანადგომა.. ბენეფიციარებს ეხმარებიან: ,,ბი-პი’’-ს წარმომადგენლობა საქართველოში, არასამთავრობო ორგანიზაცია ,,ენერგო ეფექტურობა’’, იუსაიდი, ტრეფიქინგის ფონდი, ბაზის ბანკი, ჯანდაცვის სამინისტრო და სახვები. ჩემონათვალი იმდენად დიდია, რომ ერთი საგაზეთო სტატიაც ვერ დაიტევს...
  ქალბატონი დარეჯანი კმაყოფილებას გამოთქვამს  და მადლობას უხდის ყველა იმ ადამიანს თუ ორგანიზაციას, რომლებიც ეხმარებიან ხანდაზმულებს, მათვის გაღებული თუნდაც მცირედი დახმარება,  მოხუცებისთვის მართლაც  ძალიან ძვირფასი და მნიშვნელოვანია.


                       მზია გოგოძე
,,სახალხო განათლება'' 27 იანვარი   2016 წელი

გამოფენა

გამოფენა
        ,,მე არ ვიცი მხატვრობაზე უდიდესი ფილოსოფია”...
                                                           შალვა ქიქოძე
   

          მე-20 საუკუნის მოდერნისტული მხატვრობის ერთ-ერთი გამორჩეული წარმომადგენელი შალვა ქიქოძე, თავისი მაღალმხატვრული ნამუშევრებით ცნობილია არამარტო  საქართველოში, არამედ მთელ მსოფლიოში. მის მიერ შესრულებული ფერწერული, გრაფიკული და სცენოგრაფიული ნამუშევრები  არაერთხელ გამხდარა დამთვალიერებლთა აღფრთოვანებისა და მოწონების საგანი. სახელგანთქმული მხატვრის ცნობილი ნამუშევრებია: ,,ხევსურეთი’’, ,,გურული ქალი დოქით ხელში’’, ,,აჭარელი ჩადრიანი ქალები’’, ,,ლუქსენგურგის ბაღი’’ და პარიზის ცხოვრების სცენები. შალვა ქიქოძის პირველი გამოფენა თბილისში, 1928 წელს   გაიმართა.
         

  ბიოგრაფიული შტრიხები...
  

     გასული საუკუნის, 10-20 წლების გამოჩენილი მხატვარი  შალვა ქიქოძე 1894 წლის, 27 მაისს დაიბადა, ოზურგეთის მაზრის სოფელ ბახვში. 1902 წელს შევიდა თბილისის სათავადაზნაურო გიმნაზიაში, ხოლო 1914 წქელს, მოსკოვის იურდიულ ფაკულტეტზე ჩაირიცხა. პროფესიული განათლება კი, მოსკოვის ,,ფერწერის, ქანდაკებისა და ხუროთმოძღვრების’’ სასწავლებელში მიიღო. იმ პერიოდში, იგი აქტიურად იყო ჩაბმული თეატრალურ ცხოვრებაში, მუშაობდა ჟურნალის  ილუსტრადორად და თეატრ-კაბარეს ფარდის მხატვრული გაფორმების ავტორად. თბილისში დაბრუნების შემდეგ, იგი თანამშრომლობდა ქართულ პერიოდულ გამოცემებთან და თეატრებთან, აფორმებდა სპექტაკლებს. ამავე დროს, ფსევდონიმით ,,შჰალიკო’’ მეგობრულ შარჟებსა და კარიკატურებს აქვეყნებდა პერიოდულ გამოცემებში. მოგვიანებით კი, პროფესიული სრულყოფისთვის საფარნგეთში გაემგზავრა, რაშიც მას მაშინდელი მთავრობა და ,,ქართველ ხელოვანთა საზოგადოება’’ დაეხმარა. სწორედ, პარიზში შეიქმნა მხატვრის გამორჩეული ნაწარმოებები, რომლებიც ლადო გუდიაშვილისა და დავით კაკაბაძის ნაწარმოებებთან ერთად ,,ლა ლიკორნ’’-ის
      სამწუხაროდ,  შალვა ქიქოძე სამშობლოში ვეღარ დაბრუნდა. 27 წლის ნიჭიერი ქართველი მხატვარი ფრაიბურგში გარდაიცვალა. მხატვრის მეგობრებმა და ნათესავებმა მისი მემკვიდრეობა, პარიზიდან სამშობლოში ჩამოიტანეს.
            გალერეასა და ,,დამოუკიდებელთა სალონში’’ გამოიფინა. ქართველი მხატვრების ნაწარმოებები, ფრანგული პრესის ყურადღების ცენტრში მოექცა.

  გამოფენა  ასი წლის შემდეგ...
   
     ახლახანს, საქართველოს ეროვნული მუზეუმის, დიმიტრი შევარდნაძის სახელობის ეროვნულ გალერეაში გაიხსნა გამოჩენილი მხატვრის 120 წლის იუბილისადმი მიძღვნილი გამოფენა და გაიმართა წიგნი- ალბომის პრეზენტაცია ,,შალვა ქიქოძე 120’’.
    საგულისხმოა, რომ შალვა ქიქოძის პერსონალური გამოფენა, ასწლიანი პაუზის შემდეგ, პირველად გაიმართა, სადაც გამოფენილ ნამუშევართა უმეტესი ნაწილი, ქართულმა საზოგადოებამ პირველად იხილა.
    ექსპოზიციაზე, წარმოდგენილია მხატვრის 300-მდე ფერწერული და გრაფიკული ნამუშევარი, წიგნის ილუსტრაცია, ქართველ და უცხოელ ხელოვანთა შარჟი, ჩანახატი, პოლიტიკური კარიკატურა. ასევე, მის მიერ შესრულებული, ახლად მიკვლეული ვიტრაჟის ამსახველი ფოტო-მასალა, დაკარგული ნამუშევრების სტენდი, მხატვრის ცხოვრების ამსახველი დოკუმენტაცია და საარქივო მასალა.

     ორგანიზატორების თქმით, გამოფენის მიზანია საზოგადოებას ამომწურავი ინფორმაცია მიაწოდოს ქართველ ხელოვანზე, რომლის მემკვიდრეობა მოიცავს არამარტო მხატვრობას, არამედ წერილებს თანამედროვე ქართულ ხელოვნებასა და მის მომავალზე, პარიზულ და ზოგადად, ევროპულ კულტურაზე, საქართველოსა და ევროპის პოლიტიკურ ვითარებაზე.
     გამოფენაზე, დამთვალიერებელს შეუძლია იხილოს ამონარიდი შალვა ქიქოძის მიმოწერიდან, იმდროინდელ ცნობილ და მისთვის ახლობელ ქართველ მოღვაწეებთან, მათ შორის დიმიტრი შევარდნაძესთან, ვიქტორ ნოზაძესთან, გერონტი ქიქოძესთან და სხვებთან.

     შალვა ქიქოძის  მონოგრაფიის ავტორები და გამოფენის ორგანიზატორები  არიან ხელოვნებათმცოდნეები:   მაია ციციშვილი, ირინე აბესაძე და ნინო ჭოღოშვილი.

   ირინე აბესაძე: შალვა ქიქოძე, მეოცე საუკუნის დასაწყისის, ქართველ მხატვართა ერთ-ერთი საინტერესო წარმომადგენელია, რომელიც იმდროინდელ მსოფლიო ტენდენციებს სრულად იზიარებდა. გამორჩეული და განსხვავებულია  მისი ხელწერა, ხედვა. იგი, სხვა ცნობილ მხატვრებთან ერთად, ქმნიდა ქართულ ავანგარდს. ჩვენ უნდა ვიამაყოთ შალვა ქიქოძის  მრავალფეროვანი შემოქმედებით.
     გამოფენის ფარგლებში,  ბავშვებისთვის დაგეგმილია საგანმანათლებლო პროგრამები და საჯარო ლექციების ჩატარება.  დამთვალიერებლებს ექსპოზიციის ხილვა  10 თებერვლამდე შეეძლებათ.

                                                მზია გოგოძე