მოგზაურობა ისტორიულ საქართველოში

სრულიად საქართველოს რუსთაველის საზოგადოების ინიციატვით, კვლავ გრძელდება ჩვენი ისტორიული მიწა-წყლის მონახულება და ამჯერად, მწერლების, მეცნიერებისა და კულტურის სხვადასხვა სფეროს წარმომადგენლებისაგან შემდგარი 17 კაციანი დელეგაცია ლორე-ტაშირის ტერიტორიაზე იმყოფებოდა. იგი, საუკუნეების მანძილზე ქართველი და სომეხი მართველობის ხელიდან ხელში გადადიოდა. ახლა სომხეთს ეკუთვნის თუმცა, ისტორიულად საქართველოს პროვინცია იყო. ამაზე მეტყველებს, აღნიშნულ ტერიტორიაზე ქართული მატერიალური, კულტურული ძეგლები და საფლავები. ექსპედიციის ხელმძღვანელის დავით შემოქმედელის ინიციატივით, დელეგაციის წევრებმა მოინახულეს იუნესკოს მსოფლიო კულტურული მემკვიდრეობის ქართული ძეგლები : ლორე, ქობერი და ახტალა. ეს უკანასკნელი მოქმედი გრიგორიანული ტაძარია, გულსატკენია იქაური სასულიერო პირების უხეში დამოკიდებულება საქართველოდან ჩასული სტუმრებისადმი, რისი მოწმეც თავად გახლდით.. ლორე- ტაშირის ტაძარების უნიკალური ფრესკები, ჩვენი წინაპრების საფლავები, წარწერები, ორნამენტები ქართული კულტურული მემკვიდრეობის უტყუარი მტკიცებულებაა, რომლებიც დღემდე ინარჩუნებელ ქართულ სულს... უცხოეთში არსებული ქართული ძეგლების შესახებ, რუსთაველის საზოგადოების ინიციატივით, იგეგმება დოკუმენტური ფილმის გადაღება და ფოტოილუსტრირებული წიგნის გამოცემა.

     
   

 რევაზ ინანიშვილის
  დღე ხაშმში
          ,,მე სოფლის განაპირას - ვენახებში და ივრის ჭალებში გავატარე ჩემი ბავშვობა და იმ წყალ-ჭალის ხმები დღემდე მომდევს ცოდვა და მადლად‘‘, - რევაზ ინანიშვილის  ამ  სიტყვებით და ფოტოსურათით დამშვენებული ბანერი ალამაზებდა საგარეჯოს რაიონის ხაშმის საჯარო სკოლის ეზოს, სადაც მწერლის ხსოვნის უკვდავსაყოფად რევაზ ინანიშვილის დღე  აღინიშნა. მას ესწრებოდნენ -  მწერლის ოჯახის წევრები, მეგობრები, მწერლები, საქართველოს მწერალთა შემოქმედებითი კავშირის წარმომადგენლები, ხაშმის მოსახლეობა...
ღონისძიება უკვე მეოთხე წელია  ტარდება და, სამწუხაროდ,  რევაზ ინანიშვილის სახელობის სახლ-მუზეუმის აშენების საკითხი ჯერ ისევ მოუგვარებელია. თუმცა ინანიშვილების ეზოში, ადგილობრივი თვითმმართველობის  გადაწყვეტილებით და  ოჯახის წევრების ერთობლივი ძალისხმევით, მუზეუმისთვის ერთი ოთახის მოწყობა და მემორიალური სივრცის მოწყობა უკვე დიდი ხანია დაიგეგმა. როგორც გავიგეთ, ხარჯთაღრიცხვაც შედგენილი ყოფილა. ახლა მთავარია, საგარეკჯოს მუნიციპალიტეტის მერიამ დროულად აქციოს სიტყვა საქმედ.
      ღონიძიების დაწყებამდე, ხაშმის წმინდა გიორგის სახელობის ეკლესიის მოძღვარმა  მწერლის სულის მოსახსენებელი პანაშვიდი გადაიხადა, რომელსაც დაესწრნენ:  საგარეჯოს მუნიციპალიტეტის მერის მოადგილეები - შოთა კაკაბაძე, ალექსი გილაშვილი, კულტურის ობიექტების გაერთიანების დირექტორი ბესიკ ღვინაშვილი, საგარეჯოს მუნიციპალიტეტის მერიის განათლების, კულტურის, ძეგლთა დაცვის, სპორტისა და ახალგაზრდულ საკითხთა სამსახურის უფროსი არჩილ ჯაბადარი, მოწვეული სტუმრები და ადგილობრივი მაცხოვრებლები.
      „სულის პური” უწოდა აკაკი ბაქრაძემ   რევაზ ინანიშვილის მოთხრობებს, რომლებიც აგებულია თითქოს შეუმჩნეველ ამბებზე, მაგრამ  დიდ ადამიანურ სიკეთეზე... რევაზ ინანიშვილის   შემოქმედებაში ბევრი ტკივილი და  ტრაგედიაა, უმთავრესი კი მაინც სიკეთე, სიყვარული და ოპტიმიზმია. 
მწერლის ღვაწლზე,  მის შინაგან თვისებებსა და დიდსულოვნებაზე ისაუბრეს პოეტებმა, მწერლებმა, მისმა მეგობრებმა: ცისანა კვინტრაძემ, ნათელა არველაძემ, თამარ შაიშმელაშვილმა, ივანე ჯაფარიძემ, იოსებ ჭუმბურიძემ,  თემურ ჩალაბაშვილმა, გივი შაჰნაზარმა და სხვებმა. მათ ასევე, წუთიერი დუმილით პატივი მიაგეს მწერლის მეუღლის, როზა ინანიშვილის ხსოვნას.
მწერლის შვილიშვილმა აკაკი ინანიშვილმა მადლობა გადაუხადა რევაზ ინანიშვილის  დღის დაარსების მესვეურთ და დამსწრე საზოგადოებას - მწერლის  ხსოვნის პატივგებისთვის.
         როგორც ღონისძიების წამყვანმა  გიორგი ფარეშიშვილმა  აღნიშნა, რევაზ ინანიშვილი და მისი სამყარო ასოცირდება დიდ  ფასეულობებთან და სიკეთესთან. აკი წერდა კიდეც: ,,ჩემი ნაწერები ნამცეცებად გაბნეული სიკეთის ამონაკვესის ცდაა“ -   აგროვებდა გაბნეულ სიკეთეებს და შემდეგ უხვად ურიგებდა მკითხველს...
    მწერლის ხსოვნისადმი მიძღვნილ  ღონიძიებას სისადავის ელფერი დაჰკრავდა, ეს იყო მოგონებების, გულთბილი შეხვედრის საღამო, რომელსაც ამშვენებდა მუსიკალური ნომრები.
ღონიძიებაში მონაწილეობდნენ ფოლკლორული ანსამბლები - ,,ჩინარი“ და ,,ბერიკაცები“,  საგარეჯოს კულტურის სახლთან არსებული ბავშვთა და მოზარდთა თეატრის პატარა მსახიობები და სოფ. ხაშმის საჯარო სკოლის მოსწავლეები, რომლებმაც წაიკითხეს ნაწყვეტები მწერლის უკვდავი მოთხრობებიდან. სტუმრებზე, განაკუთრებული შთაბეჭდილება მოახდინა მე-5 კლასის მოწავლის  ლაშა მამუჩიშვილის გამოსვლამ, რომლის ემოციურად წაკითხულმა   რევაზ ინანიშვილის ნოველა ,,დედამ ‘‘ ყველას ცრემლი მოჰგვარა.
    საღამოზე, საგარეჯოს მუნიციპალიტეტის მერიის განათლების, კულტურის, ძეგლთა დაცვის, სპორტისა და ახალგაზრდულ საკითხთა სამსახურის უფროსმა არჩილ ჯაბადარმა  დიპლომები და ფულადი ჯილდოები გადასცა რევაზ ინანიშვილის დღესთან დაკავშირებით გამოცხადებულ ლიტერატურულ კონკურს ,,მირანდუხტის“  გამარჯვებულ მოსწავლეებს: ნინი ბუზარიაშვილს, ნუცა გაგნიაშვილს და ეთო ცხვარიაშვილს.
           საქართველოს მწერალთა შემოქმედებითი კავშირის თავმჯდომარემ თემურ ჩალაბაშვილმა  გიორგი ლეონიძის სახელობის პრემია გადასცა ანსამბლ ,,ბერიკაცებს“. ქართული კულტურის ამაგდარის წოდება მიენიჭათ ანსამბლის წევრებს: შალვა ბორაშვილს, ნიკო გიგოშვილს და იგორ სორდიას, მრავალწლიანი ნაყოფიერი საქმიანობისთვის, ქართული ხალხური სიმღერის განვითარებაში შეტანილი წვლილისთვის. ასევე, ქართული მწერლობის ქომაგის წოდება მიენიჭა საგარეჯოს მუნიციპალიტეტის მერიის განათლების, კულტურის, ძეგლთა დაცვის, სპორტისა და ახალგაზრდულ საკითხთა სამსახურის უფროსს არჩილ ჯაბადარს, თანამედროვე ქართული მწერლობის თანადგომისა და ხელშეწყობისთვის, მრავალწლიანი ნაყოფიერი მოღვაწეობისთვის.
         ღონისძიების ოფიციალურ ნაწილს  არაოფიციალური გაგრძელება მოჰყვა. დედაქალაქიდან ჩასულ სტუმრებს ღირსეული მასპინძლობა გაუწია რევაზ ინანიშვილის დღის ერთ-ერთმა ორგანიზატორმა  და ღირსეულმა  ქართველმა ბესიკ ღვინაშვილმა.
               მინაწერი:  -   ხაშმში, რევაზ ინანიშვილის ხსოვნის დღე მეოთხედ, როზა ინანიშვილის გარეშე აღინიშნა. ყველანი ველოდებით რევაზ ინანიშვილის სახლ-მუზეუმის გახსნას... იმედია, გაისად მაინც საგარეჯოს რაიონი შეასრულებს დაპირებულ სიტყვას - დაიმედებულმა თქვა რევაზ ინანიშვილის სახელობის „ერთი მოთხრობის“ კონკურსის  დამფუძნებელმა, პოეტმა და ჟურნალ „ანეულის“ მთავარმა რედაქტორმა თამარ შაიმელაშვილმა. ღმერთმა უსმინოს,  პირობა შესრულდეს და სამომავლოდ, რევაზ ინანიშვილის ხსოვნის დღე მწერლის სახლ-მუზეუმში ვიზეიმოთ.

                          მზია გოგოძე

       

გამოფენა და პროექტის შეჯამება 
       ცენტრი ,,თანადგომა’’ საქართვრლოში, დიდი ხანია ფუნქციონირებს რომლის მეშვეობით არაერთი პროექტი განხორციელდა. იგი, ძირითადად, წარმოადგენს საგანმანათლებლო, საინფორმაციო, სულიერ-ფსიქოლოგიური დახმარების სამსახურს. ცენტრის მიზანია საქართველოს მოსახლეობის ფიზიკური და ფსიქიკური ჯანმრთელობის გაუმჯობესება.
               

 სასტუმრო ,,იოტა‘‘-ში,  საინფორმაციო-სამედიცინო ფსიქოლოგიური ცენტრი ,,თანადგომა ‘‘-ს ბენეფიციარების თიხისა და სხვა ხელნაკეთი ნამუშევრების გმოფენა-გაყიდვა გაიმართა. ასევე, საკონფერენციო დარბაზში აღნიშნული ორგანიზაციის წარმატებული პროექტის შეჯამება გაიმართა. ევროკავშირის მხარდაჭერით  განხორციელებული პროექტის - ,,გაუმჯობესებული შესაძლებლობები პატიმრების, ყოფილი პატიმრების და პრობაციონერების  ფსიქოლოგიური რეაბილიტაციისა და რესოციალიზაციისათვის‘‘ ფინალურ ღონისძიებას ეწრებოდნენ ჰოლანდიელი  ინგრიდ ბაკერი, ევროკავშირისა და საქართველოს სახვადასხვა უწყების  წარმომადგენლები.

      ვაჟა კასრელიშვილი ცენტრის ხელმძღვანელი და პროექტის კოორდინატორი: პროექტის მიღწევებით კმაყოფილი ვართ. სასარგებლო სამუშაეოები ჩატარდა. ასრებობდა მცირეოდენი ბარიერები, მაგრამ საბოლოო ჯამში ყველაფწრი მოგვარდა და შედეგიც დამაკმაყოფილებელია. ,,თანადგომა‘‘  საქართველოში,  უკვე მრავალი წელია წარმატებით ფუნქციონირებს. მან მნიშვნელოვანი როლი ითამაშა პატიმრების და პრობაციონერების ფსიქო-ოციალური რეაბილიტაციის საქმეში. კონკრეტულად, გრემის ცენტრში კერამიკული სახელსონო ევროკავშირის დაფინანსებით  2015 წელს  გაიხსნა. მათი ფინანსური ხელშეწყობით ფუნქციონირებს  მსგავსი სახელოსნოები თბილისში, სოციალური ბიურო და საწარმო,  ასევე, სასჯელაღსრულებით (ორციხეში მე-15 ქსნის და გეგუთის მე-14 )  დაწესებულებებში.  სახელოსნოში იქმნება სხვადასხვა სახის ნაკეთობები, რომლის გამოფენა და გაყიდვაც არაერთხელ    გაიმართა, შემოსული თანხა   ბავშვთა ჰოსპისს გადაეცა. მსგავსი გამოფენ-გაყიდვა სამომავლოდაც იგეგმება.

   
პროექტის ფარგლებში სულ  1500 ბენეფიციარს გაეწრია ფსიქოლოგიური დახმარება, სოციალურმა საწარმოებმა კი მნიშვნელოვანი ფუნქცია შეასრულეს. ბენეფიციარები დაუბრინდნენ ჩვეულ ცხოვრების რიტმს,  საზოგადოებას და დაძლიეს სხვადასხვა ფსიქოლოგიური პრობლემები.
               
                                       მზია გოგოძე

მწერალთა ეროვნული აკადემიის გეგმები

                                                                                                                       

 
      ქართულმა მწერლობამ სამწუხაროდ, თანდათან დათმო თავისი ისტორიული მისია, დაკარგა საზოგადოებრივი როლი და   ვეღარ ასრულებს ერის სულიერი თუ ზნეობრივი წინამძღოლობის ფუნქციას. ლიტერატურული ცხოვრება სულაც არ შენელებულა, მაგრამ გაწყდა კავშირი მკითხველსა და მწერალს შორის... და ეს ყოველივე მაშინ, როდესაც გვყავს შესანიშნავი პოეტები  და პროზაიკოსები, რომელთა დუმილიც კი, საოცრად ავსებს და აკეთილშობილებს ქართულ ყოფიერებას.... სხვა პრობლემაა ისიც, რომ სათანადოდ არ ფასდება მწერლის შრომაც, მათ არა აქვთ სოციალური მხარდაჭერა. ასეთ ვითარებაში განსაკუთრებული მნიშვნელობა აქვს, მწერალთა ეროვნული აკადემიის არსებობას, რომელიც დაარსების დღიდან ცდილობს მცირეოდენი,   მორალური მხარდაჭერა გამოხატოს ნიჭიერი და შემოქმედი ადამიანების  მიმართ.
 

 5 ივნისს მწერალთა სახლში,  მწერალთა ეროვნული აკადემიის დარბაზის სხდომა გაიმართა, რომელსაც   დამფუძნებლები და წევრები ესწრებოდნენ. სხდომას უძღვებოდა  აღმასრულებელი დირექტორი,  პოეტი ჯუბა ღებელი (ჯუმბერ გოგრიჭიანი), ხოლო მდივანი გახლდათ აკადემიის ერთ-ერთი დამფუძნებელი, გაზეთ ,,სახალხო განათლების+’’ სარედაქციო კოლეგიის თავმჯდომარე ზურაბ ქობალია.
       სხდომაზე პატივი მიაგეს პირველი პრეზიდენტის - ბატონი თამაზ წივწივაძის, აკადემიის ვიცე-პრეზიდენტის - ბატონი ალექსანდრე გაბელაიას,  აკადემიური საბჭოს წევრების, ბატონების - გენო კალანდიასა და ავთანდილ ჩხაიძის ხსოვნას.
       დამსწრე საზოგადოებას მიესალმა  აკადემიის ვიცე - პრეზიდენტი  კობა არაბული, რომელმაც  ისაუბრა ორგანიზაციის მიზნებსა და ამოცანებზე. 
დარბაზში იყო საქმიანი კამათი, აზრთა გცვლა-გამოცვლა, მაგრამ  საღმა აზრმა გაიმარჯვა, ჩამოყალიბდა ერთობლივი პოზიცია და დაისახა სამომავლო გეგმები. ითქვა, რომ ამ მღელვარე დღევანდელობის რკალში, აუცილებელია  ხარისხიანი ნაწარმოებების პოლულარიზაცია, ასევე,  მწერლების მხარდაჭერა, თანადგომა და რაც მთავარია, დაფინანსების წყაროს მოპოვება.

          ჯუბა ღებელი:  ათსაჯერ მითქვამს და  ისევ ვიმეორებ... მწერალთა ეროვნული აკადემია არ შექმნილა მწერალთა კავშირის საპირისპირო ორგანიზაციად... პირიქით, აკადემია უნდა ყოფილიყო სწორედ მწერალთა კავშირის წევრ და არაწევრ პროფესიონალ მწერალთა გაერთიანება, რომლის პრეზიდიუმში მწერალთა კავშირის ხელმძღვანელობაც მოიაზრებოდა. ის, რომ ჩვენს ისტორიულ მწერალთა კავშირში ყველაფერი რიგზე არაა, ეს მათ თავადაც კარგად იციან... არც ისაა დასამალი, რომ ახლადშექმნილ მწერალთა ეროვნულ აკადემიაშიაც ვერ ავიცილეთ თავიდან რიგი უხერხულობანი... სამწუხაროდ უნდა ითქვას, რომ მაშინ ჩვენ არა თუ ვერ შევრიგდით, არამედ მწვავე პოლემიკა გავმართეთ ორი სამწერლო გაზეთის გვერდებიდან, რასაც ახალგაზრდა თაობის ერთმანეთთან დაპირისპირებაც კი მოჰყვა. ასე აღარ უნდა მოხდეს. ჩვენ მწერლები ვართ, არაფერი გასაყოფი არ გვაქვს, მაგრამ გვაქვს საერთო მიზანი, რომელსაც ქვეყნის, ერის გადარჩენა, მწერლობისთვის ისტორიული მისიის დაბრუნება ჰქვია.

   კობა არაბული: არაფერია ყველაფერი, ყველაფერია- არაფერი..."- ასეა ესეც, ვნახოთ რა გამოგვივა, როგორ დაიცავენ მწერლები ერის საკრალურ სივრცეს, მის ისტორიულ ცნობიერებას მამულს, ენას, სარწმუნოებას, კულტურას...როგორ იმოქმედებენ სრულიად სხვა: ანომალიურ უცნობ დროში... მწერალმა წინასწარ უნდა დაინახოს ერის ბედისწერა და "იქადაგოს", გააფრთხილოს , რაიმე შეცვალოს! ხევსური ქადაგი იტყოდა: "შეიძლება ბედისწერის შეცვლა, ან გადადება სხვაგან, სხვა დროისთვის, თუ მას წინასწარ დაინახავ და განგებას ჩანაფიქრს (განზრახვას) მიუხვდებიო"..."_ვნახოთ, რას დავინახავთ" და რა გამოვა.??! გადადებს უფალი ჩვენ ბედისწერას?.
     სხდომის წევრებმა განაახლეს აკადემიური საბჭოს შემადგენლობა  და განიხილეს სხვა მნიშვნელოვანი საკითხები.  სხდომაზე ერთობლივი გადაწყვეტილებით, მწერალთა ეროვნული აკადემიის დარბაზის პრეზიდენტად აირჩიეს კობა არაბული. ასევე, გადაწყდა ჟურნალის გამოშვების საკითხიც, სადაც  მკითხველი იხილავს  ლიტერეტურული სიახლეებს, რეცენზიებსა და კრიტიკულ შეფასებებს. 
                         
                             მზია გოგოძე

კულტურა

                                   დედაენის  დღე ისტორიულ ციხე-ქალაქში                                                                     


სრულიად საქართველოს რუსთაველის საზოგადოების დელეგაცია, კულტურული მისიით თურქეთში, ისტორიულ ყარსა და ანისს სტუმრობდა, სადაც  დედაენის დღე - 14 აპრილს, გრიგოლ განმანათლებლის სახელობის ქართული ტაძრის ეზოში აღნიშნა. ღონისძიების ინიციატორი გახლდათ  ჟურნალ ,,ანეული''-ს რედაქტორი თამარ შაიშმელაშვილი, ხოლო კულტურული ექპედიციას ხელმძღვანელობდა  რუსთაველის საზოგადოების პრეზიდენტი დავით შემოქმედელი. დე

ლეგაციის შემადენლობაში იყვნენ ჩვენი საზოგადოების ცნობილი წარმომადგენლები, მწერლები, პოეტები, ხელოვანები, ჟურნალისტები...
        დავით შემოქმედელი, რუსთაველი საზოგადოების პრეზიდენტი: ქართული ენა

არის ის ციხესიმაგრე, რაც უფალმა შემოარტყა საქართველოს, დიდი ილიას სამი ჰიპოსტაზიდან ქართული ენა არის ერთ-ერთი უმთავრესია, სავსებით ვეთანხმები  იმ აზრს, რომ  ენა იგივე ერია. ის, რომ საქართველო დღეს მძიმე გეოპოლიტიკურ სიტუაციაში ასეთი აგრესიული მტრების გარემოცვაში გადარჩა, უმთავრესი მისი დამცველი იყო ქართული ენა, იგივე ლაზარე. ამ ენას, ჩვენს დიდ სიმდიდრეს, საგანძურს კიდევ მეტი მოფრთხილება სჭირდება. საგულისხმოა, რომ სწორედ ანისში, მართლმადიდებლურ ტაძარში,  წმინდა ნინოს უძველეს უნიკალურ ფრესკასთან ვლაპარაკობთ ქართულ ენაზე…რუსთაველის საზოგადოების მიზანია საქართველოს ისტორიული კუთხეების მონახულება. ამ მიზნით, ჩვენ ვიმყოფებოდით ტაო-კლარჯეთში, ჰერეთში და სამომავლოდაც ვაპირებთ ისტორიული ადგილების მონახულებას.
   გიორგი გოგოლაშვილი, პროფესორი: ეს ქართული ენისადმი მიძღვნილი  ჩვენი

ყველაზე ლამაზი გამოხატულებაა. ჩვენი პატივისცემისა და მოკრძალებული წვლილისა,  იმისა, რომ არ დავივიწყოთ და არ დავკარგოთ ის, რამაც შექმნა ჩვენი ისტორია, ქართული ენის ისტორია…ეს ტაძარი მოწმობს, სანამდე სწვდებოდა დიდი საქართველოს ხმა და დავითის ძალა და უნარი დიდი საქართველოს მართვისა და შემდეგ თამარ მეფისა, ეს თამარ მეფის დროინდელი ტაძარი გახლავთ.
  ღონისძიებაზე,  დელეგაციის წევრებმა ისაუბრეს ქართლი ენის მინიშვნელობაზე, მის სიდიადეზე და ჩვენი წინაპრების ღვაწლზე. დაასრულს კი, რეჟისორმა მარინა კოლხიდაშვილმა და  ჯგუფის წევრებმა ქართული საგალობელი შეასრულეს..   
  დედაენის დღისადმი მიძღვნილი ღონისძიება ანისში დასამახსოვრებელი იყო, შემეცნებითმა მოგზაურობამ ძალიან შთამბეჭდავი, ემოციური და საინტერესო მოგონება დაგვიტოვა, რომელიც მუდამ გვემახსოვრება და ლამაზ მოგონებად დაგვრჩება…
                                                 
                                     მზია გოგოძე

კულტურა

რუთაველის საზოგადოების მიერ ორგანიზებულ საღამოებზე არაერთხელ ვყოფილვარ, მაგრამ ფოტოების გადაღებაზე ასეთი აჟიოტაჟი, მართლა არ შემიმჩნევია! ყველა ცდილობდა ფოტო გადაეღო მურმან ჯინორიასთან... გენიალურ მსახიობს, რომელსაც არანაირი ჯილდო არა აქვს, მაგრამ თავისი განვლილი გზა და ხალხის სიყვარული ამშვენებს. ეს კი მისთვის ყველაზე ძვირფასია!
-მე გმირი ვარ სცენაზე, რადგან მარტო ვდგავარ... ამბობს მსახიობი და ეს მართლაც ასეა... იგი, მარტო დგას სცენაზე და საოცრად ახერხებს მთელი დარბაზი მოაჯადოვოს და განაბული უსმენდეს... ჭეშმარიტმა ხელოვანმა კიდევ ერთხელ გვამოგზაურა პოეზიის სამყაროში, მოგვაჯადოვა მისთვის დამახასიათებელი მხატვრული ოსტატობით, ლექსების ,,კითხვა-მღერით'' და სხარტი იუმორით.

მწერალთა სახლში, რუსთაველის საზოგადოების ინიციატივით გაიმართა შეხვერა მსახიობ თამარ სხირტლაძსეთან... თბილი და საიამოვნო საღამო იყო... ისაუბრეს მსახიობის შემოქმედებაზე, მის მიერ სცენასა და ეკრანზე შექმნილ გამორჩეულ სახეებზე.... იყო დიალოგი, უშალო კომუნიკაცია, შესრულებული როლებიდან მნივნელოვანი მომენტების გახსენება და მსახიობის ექსპრომტად შესრულებული ცეკვა... 90 წლის გენიალური მსახიობი, კვლავ მხნედ და შემართებით გამოიყურება, კმაყოფილია თავის განვლილი ცხოვრებით, საყვარელი საქმოანოით და კვლავ ახალი როლის მოლოდინშია...

კულტურა

                                    შეხვედრა  მკითხველებთან
           ,,წიგნის საჯაროდ კითხვის მსოფლიო დღე’’  მრავალ ქვეყანაში აღინიშნება და მისასალმებელი ფაქტია, რომ საქართველო ამ მნიშვნელოვან ინიციატივას, უკვე მეოთხე წელიწადია შეუერთდა.
          -,,ვიკითხოთ წიგნი მსოფლიოსთან ერთად’’- სწორედ ეს გახლავთ სლოგანი   ღონისძიებისა, რომელიც არაერთ საწავლო დაწესებულებაში გაიმართა და მათშორის  თბილისის 106-ე საჯარო სკოლაში, სადაც მიწვეული იყო ჟურნალისტი და მწერალი შორენა ლებანიძე.   
          1 თებერვალს, წიგნის საჯაროდ კითხვის დღეს, ავტორმა  ახალი ნაწარმოები წარუდგინა ნორჩ მკითხველებს და წაუკითხა ფრაგმენტები წიგნიდან  ,,პელელოპე. მგზავრი’’, რომლის მოკლე სიუჟეტი ასეთია: წიგნის პერსონაჟი ქალი გადაწყვეტს, რომ თავის საყვარელ მამაკაცს შინ კი არ დაელოდოს პენელოპესავით, არამედ ორი მცირეწლოვანი ბავშვით დაადგეს გზას მის საძიებლად.თითქმის ახალშეუღლებული ცოლ-ქმარი ერთმანეთს ომმა და ძნელმა დროებამ დააშორა. ქვეყნიდან განდევნილი და კრიმინალების სამიზნედ ქცეული სამხედრო პირი ოჯახთან ურთიერთობას წყვეტს და გართულებულ სატელეფონო კავშირზე ცოლისთვისაც მიუწვდომელი ხდება.დეტექტიური სიმძაფრითა და მწერლური ოსტატობით აღწერილი გზის მგზავრი,  ცდილობს მოთმინებით გაუმკლავდეს ყველა წინააღმდეგობას, მაგრამ იქ, სადაც ჰგონია, სამშვიდობოს გამოვაღწიეო, ყველაზე მოულოდნელი ხიფათი ელოდება...
მოსწავლეებმა გულდასმით მოუსმინეს მწერალს, დაინტერესდნენ ახალი წიგნით  და  საოცარი კომუნიკაცია შედგა მკითხველსა და ავტორს შორის. შეხვედრა გაგრძელდა კითხვა-პასუხუს რეჟიმში. იყო დიალოგი და შთაბეჭდილებების გაცვლა. ისაუბრეს იმაზე თუ რაოდენ მნიშვნელოვანია წიგნი ადამიანის განვითარებისთვის, იყო მსჯელობა თანამედროვე ლიტერატურაზე,  ქართველ მწერლებზე, ეროვნულ ნიჰილიზმზე, ნიჭიერი თანამედროვე ავტორების სათანადოდ დაფასებაზე და სხა მნიშვნელოვას საკითხებზე.
შოორენა ლებანიძე საზოგადოებამ  პრესის ფურცლებიდან გაიცნო. იგი წლები წინ აქტიურ ჟურნალისტურ მოღვაწეობას ეწეოდა და საკმაოდ აქტუალურ პუბლიკაციებს აქვეყნებდა ხვადასხვა თემატიკაზე. საინტერესოდ და მწვავედ აშუქებდა აფხაზეთში განვითარებულ მოვლენებს, რომელიც შემდეგ  + წიგნად გამოსცა. შორენა უკვე 5 წიგნის ავტორია. იგი, ძირითადად, დოკუმენტური პროზის ავტორად გვევლინება, რადგან  ფაქტობრივ მასალაზე დაყრდნობით ქმნის  მხატვრულ ნაწარმოებებს.  მწერლის  საინტერსო ხედვამ,  თავისებურმა წერის მანერამ, თხრობის სტილმა, დიდი პოპულარობა მოიპოვა.
       -ჟურნალისტი ვარ და დოკუმენტურ პროზაზე ვმუშაობ, რომელიც დაწერილია მხატვრული ენით. ჩემს წიგნებში ყველა ამბავი რეალურია, ოღონდ მხატვრულად ხორცშეშხმული-ამბობს ავტორი. შორენა ლებანიძეს წერის ნიჭი მშობლებისგან გამოჰყვა. იგი, ცნობილი ჟურნალისტების ელგუჯა ლებანიძისა და ლამარა ესართიას ქალიშვილია. ასევე არის ჩვენი კლასიკოსის მურმან ლებანიძის ახლო ნათესავი.
ქალბატონმა შორენამ მოსწავლეებს ესაუბრა, თუ რამდენად მნიშვნელოვანია სკოლების ჩართულობა  წიგნიერებასთან დაკავშირებულ პროექტში, რათა ხელი შევუწყონ მოზარდებში ლიტერატურის პოპულარიზაციას,  ნაკლებად დაკავდნენ კომპიუტერით, ბევრი იკითხონ და  შეიგრძნონ წიგნის სურნელი.

             ღონისძიების ორგანიზატორები იყვნენ  დირექტორი თენგიზ გულორდავა, ქართული ენისა და ლიტერატურის მასწავლებელი ლია ზურაბიშვილი. 106-ე საჯარო სკოლა ყოველთვის გამოირჩევა მაღალი აკადემიური მოსწრებით, მნიშვნელოვანი პროექტებითა და ინოვაციებით. აქ აქტიურად იმართება ხვადასხა კულტურული თუ შემოქმედებითი ღონისძიებები. სკოლის დირექტორისა და მაღალკვალიფიციური პედკოლექტივის წყალობით, სკოლა კვლავ მოწინავე პოზიციებს ინარჩუნებს და მაღალ შედეგებზეა ორიენტირებული.
   სკოლაში კულტურული ღონისძიებების გამართვა სამომავლოდაც არის დაგეგმილი.  სულ მალე, გაზაფხულზე  106-ე სკოლის ლიტერატურული კლუბის ინიციატივით,  იგეგმება შემოქმედებითი საღამოს მოწყობა, სახელწოდებით: ,,ჩვენ პოეტები საქართველოსი", სადაც სტუმრად მოიწვევენ პოეტებს: ბელა ალანიას, ერეკლე საღლიანს და ვაჟა ოთარაშვილს. ასევე, სკოლის მოსწავლეები და პედაგოგები მიწვეულნი  არიან  შორენა ლებანიძისა და ვაჟა ოთარაშვილის  წიგნების პრეზენტაციაზე.
           106-ე სკოლაში გამართულ  შეხვედრაზე, მოსწავლეების  აქტიურობამ, მახვილგონიერებამ, სხარტმა აზროვნებამ, ლიტერატურის სიყვარულმა მწერალზე დადებითი შთაბეჭდილება მოახდინა და სამომავლოდ, სკოლასთან  თანამრომლობის სურვილი გამოთქვა.

                              მზია გოგოძე