ფესტივალი

                               

                                        ქორეოგრაფიული ფესტივალი
   
             "შევკრათ კამარა" – ასე ეწოდებოდა რესპუბლიკურ ფესტივალს, რომელიც პროფკავშირების კულტურის ცენტრში გაიმართა და რომლის ინიციატორია ფოლკლორული საერთაშორისო ფესტივალი "ერთსულოვნება"  და მისი ხელმძღვანელი, ქორეოგრაფი გიორგი კენკებაშვილი.    აღსანიშნავია, რომ ფესტივალი ყოველ წლიურად იმართება საქართველოს კათოლიკოს პატრიარქის ილია II _ ის ლოცვა კურთხევით და  მიზნად ისახავას ქორეოგრაფიული ხელოვნების პოპულარიზაციას.
               ფესტივალს ტრადიციულად უძღვებოდა ჟურნალისტი ზაზა ალექსიძე, რომელმაც დიპლომები და სიგელები გადასცა კონცერტში მონაწილე, წარმატებულ ქორეოგრაფიულ ანსამბლებს. შემდეგ კი, სცენაზე მოიხმო თბილისის 23-ე საჯარო სკოლის მე-6 კლასის მოსწავლე ლუკა ბურდული, რომელმაც შთამბეჭდავად წაიკითხა ვაჟა-ფშაველას ლექხი ,,ხარს ვგევარ ნაიალაღარს’’.
       ფესტივალში მონაწილე ანამბლები: ,,კახაბერი’’ (ქორეოგრაფი კახა ცინცაძე), ,,ივერიონი’’ (ქორეოგრაფი ლევან სუთიაშვილი), ,,მთაწმინდა’’ (ქორეოგრაფები: გიორგი კენკებაშვილი და ნელიკო სტურუა) და სხვები ღირსეულად წარსდგნენ მაყურებლის წინაშე და დიდი ოვაციები და აპლოდისმენტები დაიმსახურეს.
        ჟიურის წევრების შექება დაიმსახურა ცეკვა ,,სიმდი’’-მ ანსამბლ ,,კახაბერი’’-ს შესრულებით, რომლის პრემირა ფესტივალზე გაიმართა და მაყურებელზე დაუვიწყარი შთაბეჭდილება მოახდინა.

განსაკუთრებით უნდა აღინიშნოს სოლისტების: ანანო სამელიას და ნიკოლოზ სოფრომაძის ცეკვის დახვეწილი მანერა და საშემსრულებლო ტექნიკა.
        ,,შევკრათ კამარა’’-ს ჟიურის თავჯდომარე გახლდათ საქართველოს ხელოვნების დამსახურებული მოღვაწე, ღვაწლმოსისლი ქორეოგრაფი და პროფესორი რეზო ჭანიშვილი. ბატონმა რეზომ დადებითად შეაფასა ფესტივალი და წარმატება უსურვა მონაწილე კონკურსანტებს.

                                 მზია გოგოძე

                         საგარეო პოლიტიკის წარმატებები მოკრძალებულია
           საგარეო პოლიტიკა ნებისმიერი სუვერენული სახელმწიფოს აუცილებელ ატრიბუტს წარმოადგენს. საქართველოსთვის, როგორც პატარა და რთული გეოპოლიტიკის მქონე სახელმწიფოსთვის, მწყობრი საგარეო პოლიტიკა გადამწყვეტია უსაფრთხოებისა და სუვერენიტეტის უზრუნველსაყოფად. სოსო ცინცაძე 
.ჩვენი ქვეყნის საგარეო პოლიტიკასა და  მიმდინარე პოლიტიკურ პროცესებზე გვესაუბრება ესქპერტი

  -ბატონო სოსო, როგორია საქართველოს  საგარეო კურსი?

      -საგარეო კურსი  პროდასავლურია, ევრო-ატლანტიკური მიმართულების. ჩვენი კურსი მრავალ ვექტორიანი  არ არის, ანუ ერთ ვექტორიანია.  საქართველოს საგარეო პოლიტიკური კონცეფცია, , განხილული აკადემიურ წრეებში არ გვაქვს. მეზობლებთან ურთიერთობა არ არის გარკვეული და გვაქვს საზღვრების პრობლემა. ოკუპირებული ტერიტორიები, კაზუისტიკური- იურიდიული ტერმინოლოგიით, რუსეთს არ წაურთმევია ანუ ის უფრო სეპატარისტულად არის დაპყრობილი. ცუდი ის არის, რომ ჩვენ არცერთ მეზობელ ქვეყნებთან არ გვაქვს დადგენილი საზღვარი. მართალია, საბჭოთა პერიოდში თურქეთთან გაკეთდა საზღვარი, მაგრამ ახლა მდინარემ ტერიტორია რომ შეიცვალა რამდენ ჰექტარი მიწა ტურქეთმა წაიღო, ხელისუფლება კი ამბობს კეთილი ნება გამოვიჩინეთო, რაც აბსურდად მიმაჩნია.  საშაინაო და საგარეო პოლიტიკა ერთმანეთთან მჭიდროდ არის დაკავშირებული. ის ფაქტი, რომ 12 აგვისტო დიდგორის ბრძოლის დღე უქმედ გამოეცხადებინა პარლამენტს, მეორედ აღარ განიხილეს, რადგან ელჩიც არ იყო მომხრე თურქ-სელჩუკებზე გამარჯვების დღე გვეზეიმა. აქ ორი პრინციპი დაუპირისპირდა ერთმანეთს:. პირველი: საქართველო სუვენერული ქვეყანაა და სრული უფლება აქვს, დამოუკიდებლად გადაწყვიტოს დრესასწაულების დაწესება და მეორეც, თურქეთი ოფიციალურად სტრატეგიული პარტნიორია, თუმცა რეალურად ჩვენი პარტნიორი არასოდეს არცერთი ქვეყანა არ ყოფილა. არვის არ უომია ჩვენთვის.

-რა მდგომარეობაა ამჟამად, თურქეთში, დამყარდა თუ არა იქ დიქტარურა?

-თურქეთში, პრაქტიკულად, უკვე არის დიქტარურა, რადგან ამდენი უფლებები რაც ერდოღანს აქვს,  შუა საუკუნეებიდან მოყოლებული , სულთანსაც კი არ ჰქონია.იგი ერთპიროვნული მართველობისკენ ისწრაფვის. იქ პარლამენტი და სასამართთლოც ვერაფერს ვერ წყვეტს და არის რეპრესიები, მასიურად დაითხოვეს სამსახურიდან ძალოვანი სტრუქტურის წარმომადგენლები და ინტელიგენცია. რეფერენდუმუში ორნახევარი პროცენტით გაიმარჯვა., გამოდის რომ მოსახლეობის ნახევარიც არ უჭერს მხარს პრესიდენტს, თუმცა ტრამპმა დიდი ზარ-ზეიმით მიულოცა გამარჯვება.თურქეთის ევროკავშირთან ურთიერთობაც კითხვის ქვეშ დგას. საქარათველოს ტერიტორიულ მთლიანობას, ოფიციალურად კი უჭერს მხარს, მაგრამ აჭარასთან მიმართებაში თავის ინტერესები აქვს. ისლამის მცოცავი გავრცელებაც რეალურია. მართალია, თურქეთი ნატოს წევრია, მაგრამ ერდოღანის ერთადერთი მოკავშირე დრეს რუსეთია. თუმცა, თურქეთმა პრეტენზია რომ განაცხადოს ბათუმზე, ამას რუსეთი არ დაუშვებს, რადგან ამ უკანასკნელს თავისი ინტერესები აქვს. რუსეთი შავ ზღვაში ნატოს არ შემოუშვებს. რუსეთს და თურქეთს შორის იმდენი ისტორიული და ორგანული წინააღმდეგობაარსებობს, რომ მათი მეგობრობა და კავშირი მტკიცე ვერასოდესვერასოდეს გახდეება.


-რაც შეეხება საქართველოს უსაფრთხოების საკითხს?

  -ეს აქსიომაა, ყველაზე საიმედო საზღვრები ის არის, რომელსაც შენი მრზობლები აღიარებენ. ეს დიპლომატიის წესია. ჩვენ აზერბაიჯანთან, სომხეთთან და რუსეთთან საზღვარი არა გვაქვს, შავ ზღვაზეც კი, 220 კილომეტრი დაუდგენელია.  გამოდის, რომ გვაქვს მხოლოდ, თურქეთთან საბჭოთა პერიოდიდან მიღებული საზღვარი. Eეს საქართველოს დიპლომატიას ღირსებას არ მატებს. დიპლომატიაში და პოლიტიკაში პროცესი კი არა, შედეგია მთავარი. ცუდი ფაქტია, ის, რომ ტრამპმა იუსაიდის ფარგლებში შეამცირა უცხო ქვეყნებისადმი დახმარება, საქართველოს კი გაუნახევრა.  ჩვენი საგარეო სამინისტრო კი, საჯაროდ არ არაფერს აცხადებს.  ამერიკის პრეზიდენტს, არცერთ თავის გამოსვლაში საქართველო არც უხსენებია. სოჩაში მერკელის ვიზიტის დროს, პუტინმა და გერმანიის კანცლერმა ბევრ საკითხზე ისაუბეს, მათ შორის უკრაინაზე, მაგრამ საქართველოს ტერიტორიულ მთლიანობაზე ერთი სიტყვაც არ თქმულა.  სამწუხაროდ,  მერკელს არც უხსენებია ოსეთის რეფერენდულმი, მავთულხლართების საკითხი, ენგურის ხიდზე მიმდინარე პროცესები და გალში მცხოვრებ ქართველები, რომელთა უფლებები ირღვევა.  საერთაშორისო არენაზე, როცა იხსენიებენ რუსეთის აგრესიულ პოლიტიკას უკრაინის მაგალითი მოჰყავთ და საქართველო არც ახსენდებათ.

-ვიზა ლიბერალიზაცია არ არის ერთი წინგადადგმული ნაბიჯი?

 -კი რა თქმა უნდა, მაგრამ ზოგიერთს ჰგონია, რომ ეს არის უვიზო მიმოსვლა, რეალურად კი, ვიზა ლიბერალიზაციაა.  ვინც მოგზაურობდა , ის ისევ იმოგზაურებს. ევროპაში ძალიან მაღალი ფასებია და სამი თვე რომელი ტურისტი შეძლებს იქ სეირნობას? ან ვის სჯერა, რომ საქართველოდან მასობრივად დაიძრება მოსახლეობა ეიფელის კოშკის სანახავად? სამუშაოდ წასვლის უფლება კი არა აქვთ. ასე რომ, საგარეო პოლიტიკის წარმატებები ძალიან მოკრძალებულია.  მართალია, იოჰანეს ჰანის ვიზიტის დროს, ასეოცირების ხელშეკრულებით ნაკისრი ვალდებულებების დასაფინანსებლად 35 მილიონი ევრო გამოუყვეს საქართველოს, მაგრამ კონკრეტულად სად წავა ეს თანხა არავინ იცის.
   
 -საკოკონსტიტუციო ცვლილებები თუ იმოქმედებს ქვეყნის იმიჯზე?

 - საკონსტიტუციო ცვლილებები არაფერ კარგს არ შემატებს ქვეყნის იმიჯს. პირველი შემთზვევაა  კომსტიტუციონალიზმის ისტორიაში, როცა ასეთი მასობრივი წინააღმდეგობა ხვდება ოპოზიციის მხრიდან კომსტიტუციას. სააკაშვილის დროს კონსტიტუციაც პრეზიდენტზე იყო მორგებული, მაგრამ მაშინ ასეთი ორგანიზებული  და ღია წინააღმდეგობა არ ყოფილა. Fფაქტია, რომ ახლა შიში ნაკლებად არის და ხალხი სარგებლობს იმ თავისუფლებით, რაც წინა ხელისუფლების დროს არ ჰქონდათ. კამათია იამზე, თუ ვინ უნდა აირჩიოს  პრეზიდენტი ხალხმა თუ პარლამენტმა. ფაქტია, რომ პარლამენტარების მიმართ საზოგადოებას ნდობა არა აქვს. ეს მიმდინარე განხილვებიც არაფრის მთქმელია.. საერთოდ, საგარეო პოლიტიკა მაშინ არის წარმატებული, როცა მას ძლიერი საშინაო პოლიტიკა უმაგრებს ზურგს. ზოგიერთებს რატომღაც ფოქრობს, რომ თავარია ევროპაში შევიდეთა ისე ვიცხოვრებთ, როგორც გერმანელები და ფრანგები, მაგრამ ეს ასე არის.  ევროპაში შრომა, პასუხისმგებლობა და კანონის პატივისცემაა მთავარი. ჩვენ სადამდე მივედით, სასამართლო წარმომადგენელს ზედმეტი კითხვაც არ უნდა დავუსვათ და არ უნდა ვაკრიტიკოთ.  ნუთუ, იუსტიციის უმაღლეს საბჭოში ისეთი კრიზისია, რომ ემენტარულ ჭეშმარიტებას ვერ ხვდებიან, საზოგადოებაში ავტორიტეტს ასე ვერ აიმაღლებენ თუ ვინმეს კითხვის დასმას აუკრძალეავენ. მოსამართლემ ისე უნდა მოიქცეს, რომ არ აკრტიტიკონ და პატივისცემა მოიპოვოს.

-საქართველოს ელჩები რას აკეთებენ ქვეყნის ავტორიტეტის ასამაღლებლად?

 - ცივილიზებულ ქვეყნებში, პარლამენტი განსაზღვრავს ქვეყნის პოლიტიკურ კურსს. ჩენთან პარლამენტში შემთხვევითი ხალხია მოხვედრილიელი. ელჩები კი ქუჩიდან ინიშნებიან, რომელთაც არც დიპლომატიური სკოლა და შესაბამისი განათლებაც არა აქვთ მიღებული. პარლამენტის საგარეო პოლიტიკის საქმიანობა, საერ|თოდა არ ჩანს.

 -სირიაში მიმდინარე პროცესები როგორია?

- პუტინი როგორც ჩანს ითვალისწინებს საბჭოთა კავშირის შეცდომას ავღანეთში, ხოლო ამერიკელების ვიეტნამში და ერაყში და ცდილობს გამოიყვანოს ჯარები სირიიდან. თუმცა, ეტყობა ამას ვეღარ ახერხებს.. რუსეთისა და თურქეთის პრეზიდენტების შეხვედრის მთავარი მიზანიც ეს საკითხი იყო, თუ როგორ გამოვიდეს სირიიდან.  ამ საკითხში, პუტინს თუ პარტნიორად  თურქეთი უნდა ეს არ გამოუვა, რადგან ერდოღანი ვერ იტანს ასადს. რუსეთის პრეზიდენტის მთავარი მიზანი  ასადის შენარჩუნებაა. ერდოღანი იცავს იმათ, ვისაც რუსები ბომბავს ოპოზიციას და სახალხო არმიას. ასე რომ, მათ შორის წინააღმდეგობრივი შეუთანხმებლობაა, რითაც სარგებლობს ისლამური სახელმწიფო დაიშე, რომელსაც ამერიკელები ებრძვიან. პუტინმა ერთ რამეს კი მიაღწია ანუ ახლო აღმოსვლეთში ფეხი ჩადგა საფუძვლიანად და მსოფლიოში გლობალურ მოთამაშედ იქცა. საქართველო მისთვის წვრილმანია, უკრაინაა დარჩა პრობლემად, მაგრამ იქაც თავისას მიაღწია. ახლო აღმოსავლეთში შესვლით, თანაც სირიაში - საკვანძო ქვეყანაში, რუსეთი მსოფლიო არენაზე გავიდა. ასადის დაცვა როგორ შეიძლება, როც ქიმიურ ომს უცხადებს საკუთარ მოსახლეობას,  ასეთ რამეს ვრც ერთი ევროპელი ლიდერი და ტრამპი ვერ გააკეთებდა. თუმცა, პუტინი აცხადებს, რომ ასადს კი არა კანონიერ ხელისუფლებას ვიცავო. რუსეთს შეუძლია ჯარი შეიყვანოს სხვა ქვეყნებში და საომარი მოქმედებები აწარმოოს და ჯარისკაცების ბედზე პასუხს არ აგებს. ამერიკაში ასე არ არის, იქ ერთი ჯარისკაცის სიკვდილი, პრეზიდენტის იმიჯზე უარყოფითად მოქმედებს. გრძელვადიან პერსპექტივაში, რუსეთს მაინც მოუწევს სირიის დატოვება ისეთივე სირცხვილით, როგორც ეს მოხდა საბჭპოთა კავშირის დროს. ახლო აღმოსავ;ლეთი ისეთი ,,კრაზანას ბუდეა’’, რომ იქ ან დიქტატურა უნდა იყოს ან გაუთავებელი ომი. ამას ისტორია გვასწავლის,  იქ არცერთი რეჟიმის დროს არ ყოფილა დემოკრატია. გამოდის, რომ არაბები არ არიან მზად დემოკრატიისათვის. მაგალითად, ისრაელში სამოქალაქო საზოგადოება, ქვეყანა იმართება დემოკრატიული პრინციპებით.

-ბატონო სოსო, როგორ შეაფასებთ მიმდინარე პოლიტიტიკურ პროცესებს?

-მძიმე ეკონომიური მდგომარეობაა, დაპირებების უმრავლესობა არ შესრულდა.  ქუჩის მოვაჭრეების ყოფა უმძიმესია. Eვროპსკენ კი მივისწრაფით, მაგრამ ევროპული ღირებულებებისგან ჯერ კიდევ შორს ვართ. ევროპაში საარჩევნო დაპირებების არ ჯერა ხალხს, ჩვენთან კი პირიქით და სულ მოტყუებული ვრჩებით. საყოველთაო არჩევნების ეშინია ოცნებას, იცის რომ მართველი პარტიის რეიტინგი დღითი დღე ეცემა. საერთოდ, პრეზიდენტი ხალხმა უნდა აირჩიოს და არა სამასმა კაცმა..
 
                                   მზია გოგოძე

                 „ვეფხისტყაოსანი“ – მსოფლიო ლიტერატურის შედევრი“ 

ახლახან, საქართველოს პარლამენტის ეროვნული ბიბლიოთეკის დიდ საგამოფენო დარბაზში, შოთა რუსთაველის 850 წლისადმი მიძღვნილი ამერიკის შეერთებულ შტატებში, ნიუ-ორკში დაბეჭდილი ინგლისურენოვანი წიგნის_,,ვეფხისტყაოსანი“ მსოფლიო ლიტერატურის შედევრი“ წარდგინება გაიმართა, რომელსაც უძღვებოდნენ რუსთაველის საზოგადოების თავჯდომარე, პოეტი დავით შემოქმედელი და მწერალი გიორგი კეკელიძე. საღამოს ესწრებოდნენ წიგნის რედაქტორები, მწერლები, სამეცნოერო წრის წარმომადგენლები და სხვები.
          აღსანიშნავია, რომ ,,ვეფხისტყაოსანი“ მსოფლიო ლიტერატურის შედევრი“ წიგნის იდეის ავტორი, პროექტის ხელმძღვანელი, შემდგენელი, ქართული ტექსტის რედაქტორი და შესავალი წერილის ავტორია დავით შემოქმედელი.
             დავით შემოქმედელი: უზომოდ ბედნიერი ვარ. ახლახან ჩემი ცხოვრების ერთ-ერთი ყველზე მნიშვნელოვანი წიგნი, სახელწოდებით _ ,,ვეფხისტყაოსანი“ მსოფლიო ლიტერატურის შედევრი“ გამოვიდა. წიგნი უსასყიდლოდ ინგლისურ ენაზე ამერიკის შეერთებული შტატების ქალაქ ნიუ-ორკში მსოფლიოში ერთ-ერთმა უდიდესმა გამომცემლობამ ,,, Nova Pablisher“_მა გამოსცა. წიგნის იდეის ავტორი, პროექტის ხელმძღვანელი, შემდგენელი, ქართული ტექსტის რედაქტორი და შესავალი წერილის ავტორი მე გახლავართ.      ქართული ტექსტი ინგლისურად თარგმნა მანანა დუმბაძემ. მადლობა, ქალბატონ მანანას, ასეთი რთული ტექსტის შესანიშნავი თარგმანისათვის. წიგნში დაბეჭდილია მსოფლიოში ცნობილი მეცნიერების: ლუიჯი მაგაროტოს, ბერტ ბეინენის,სალი ნეველისა და ასევე აღიარებული ქართველი მეცნიერების : ელგუჯა ხინთიბიძის, გრივერ ფარულავას, ნოდარ ნათაძის, თამაზ ჭილაძის, მარიამ კარბელაშვილის, ლევან გიგინეიშვილის,ირმა რატიანის, მაკა ელბაქიძის, ნესტან სულავას...(სულ 24 ავტორი), წერილები არა მხოლოდ ,,ვეფხისტყაოსანსა’’ და რუსთაველზე, არამედ რუსთაველის წინარე ეპოქის ქართულ ფილოსოფიაზე, მწერლობასა და კულტურაზე, რამაც მყარი ნიადაგი მოუმზადა რუსთაველის ფენომენს.. თითოეული წერილი არის ახალი, გამოუქვეყნებელი, რომლებიც ავტორებმა სპეციალურად დაწერეს აღნიშნული წიგნისათვის.
     ქართულ-ინგლისური ტექსტის რედაქტორები არიან: რუსთაველის საზოგადოების მრჩეველი რუსთველოლოგიურ საკითხებში, აკადემიკოსი ელგუჯა ხინთიბიძე და რუსთაველის სახელობის ლიტერატურის ინსტიტუტის დირექტორის მოადგილე, პროფესორი,მაკა ელბაქიძე.
მადლობა გამომცემლობა ,, Nova Pablisher“_ის პრეზიდენტს, ნადია კულუმბუსს, რომელმაც უსასყიდლოდ გამოსცა ეს წიგნი.
    საგულისხმოა, რომ წიგნი ამერიკული გამომცემლობის მიერ გადაეცა მსოფლიოს უდიდეს ბიბლიოთეკებს, ნობელის პრემიის ლაურეატებს, ასევე ორგანიზაციებს, როგორიცაა: გოეთეს, სერვანტესის, შექსპირის, დანტესა და სხვა. AMAZON.COM_ზე  კი ამჟამად იყიდება წიგნი.
    სასიხარულო ფაქტია, რომ მოგვეცა საშუალება მსოფლიოში გაგვეტანა რუსთაველის სახელი. წიგნი წარდგენილი იქნება 2018 წელს, ფრანკფურტის წიგნის საერთაშორისო ბაზრობაზე.
      ,,ვეფხისტყაოსანი" მსოფლიო ლიტერატურის შედევრი" მაღალმხატვრული თარგმანისათვის, სრულიად საქართველოს რუსთაველის საზოგადოების პრემიების მიმნიჭებელი საბჭოს გადაწყვეტილებით, მანანა დუმბაძეს გადაეცა დავით გურამიშვილის სახელობის პრემია.
    აღნიშნული წიგნის განხილვას დიდი გამოხმაურება მოჰყვა სოციალურ ქსელში. კრიტიკოსების აზრით, ,,ვეფხისტყაოსანი" მსოფლიო ლიტერატურის შედევრი" გაცილებით ღირებული იქნებოდა, თუ მასში აისახებოდა რუსთველოლოგიის საუკეთესო მიღწევები. ამასთან დაკავშირებით წიგნის ავტორი აღნიშნავს, რომ ამერიკული გამომცემლობის მოთხოვნა იყო, რომ უნდა სახელმძღვანელოში უნდა მოხვედრილიყო მხოლოდ გამოუქვეყნებელი წერილები.
                   
                                                მზია გოგოძე

ინკლუზიური განათლება

ბაგა–ბაღი

                                                                          პატარებს მუდამ ემახსოვრებათ

                      თბილისის 131 –ე ბაგა- ბაღში სტუმრობისას საოცრად თბილი და მყუდრო გარემო დამხვდა. ყვავილებითა და სხვადასხვა თვალსაჩინოებებით მორთული დერეფნები და ოთახეები, მშვიდ და კომფორტულ სიტუაციას ჰქმნის და პატარებს კარგ განწყობაზე აყენებს. ამ საბავშვო დაწესებულებაში ესთეტიკას და სილამაზეს ყოველთვის დიდი ყურადრება ექცეოდა და დღესაც ასეა. ამჟამად, ბაღს ხელმძღვანელობს დირექტორის მოვალეობის შემსრულებელი თამილა ნინიაშვილი, რომელიც გამოცდილი და კვალიფიციური კადრია და მანმადე, 64-ე ბაგა-ბაღის დირექტორის მოადგილე გახლდათ.

                     ქალბატონმა თამილამ გულთბილი მასპინძლობა გამიწია, დამათვალიერებინა ბაღის ყველა კუთხე-კუნჭული და გამაცნო თითოეული თანამშრომელი, რომლებიც თავდაუზოგავად იღწვიან პატარების აღზრდა-განვითერებისთვის. ამიტომაც არის, რომ მშობლებისგან მადლობას და შექებას იმსახურებენ. ბაღი დაკომპლექტებულია მაღალკვალიფიციური კადრებით, რომლებიც ერთ გუნდად არიან შეკრულნი და მუდამ მეგობრული ატმოსფერო სუფევს. განსაკუთრებით გამახარა ჩემი კოლეგის, ჟურნალისტ მარინე გურასპაშვილის ხილვამ, რომელიც ბაღში სპეც. პედაგოგად მუშაობს და დარწმუნებული ვარ იგი, ისეთივე წარმატებით უძღვება თავის ამჟამინდელ საქმიანობას, როგორც არის ჟურნალისტიკაში.

                  რაც შეეხება ბაღის ინფრასტრუქტურას, იგი მთლიანად მოწესრიგებულია, გარემონტებულია სველი წერტილები, სამზარეულო და დარბაზი... საბავშვო ოთახები და დერეფნები მორთულ-მოკაზმულია პატარების შენოქმედებით, ნახატებით, აპლიკაციებით და გამოძერწილი ზღაპრის გმირებით. ბაღის მოპირკეთებულია და დამშვენებულია ატრაქციონებითა და სხვადასხვა მწვანე ნარგავებით. ბაღი აღჭურვილია თამანედროვე ინვენტარით, სათამაშოებითა და ლიტერატურით.

               ბაღში ამჟამად, 256 ბავშვია, სულ 6 ჯგუფია და 31 თანამშრომელი. აქ ძირითადი ყურადღება ეთმობა ცუგრუმელების შემოქმედებითი უნარების განვითერებას და მთელი კოლექტივი მოწოდებულია იმისთვის, რომ რაც შეიძლება მეტი საინტერესო ღონისძიებები ჩაატარონ. წარმატებით ხორციელდება ,,სასკოლო მზაობის’’ პროგრამა, სისტემატურად იმართება სეზონური ზეიმები და სხვადასხვა აქტივობები. თვალხატულა გოგო-ბიჭები, სტუმრებს თავიანთი შემოქმედებით ხიბლავენ.Pპატარების გამხირულებაზე ზრუნავს მუსიკის პედაგოგები მედეა ქინქლაძე.

            ბაღის ხელმძღვანელი მაღალ შეფასებას აძლევს მისი მოადგილის ნინო ქევხიშვილი და მეთოდისტის გულნარა სალუქვაძის საქმიანობას, რომელებიც თავისი საქმის მაღალი პროფესიონალები არიან. ასევე, აღნიშვნის ღირსია ფსოქოლოგ ქეთევან მაჭავარიანის, მნე-ს მაია თევდორაძის, საქმის მწარმოებლების მაია მჭედლიშვილის საქმიანობა.

             ბავშვების სისუფთავესა და ჯანმრთელობაზე ზრუნავს ჯანმრთელობისა და ჰიგიენური უზრუნველყოფის კოორდინატორი ირმა მაისურძე..

          უნდა აღინიშნოს, რომ თბილისის ბაგა-ბაღების სააგენტოს ძალისხმებით, დედაქალაქის ყველაა საბავშვო დაწესებულებაში პატარების კვება მაღალ დონეზეა და მრავალფეროვანია, სადაც დაცულია ცხიმებისა და ცილების თანაფარდობა. 131-ე ბაღშიც განსაკუთრებული ყურადღება კვებას ექცევა და პატარებს გემრიელ კერძებს უმზადებს მზარეული ნატო მახარაშვილი და მისი თანაშემწე ლელა შალამბერიძე.

          აღსაზრდელებს განსაკუთრებით ეპყრობიან, დედასავით ზრუნავენ და მათ სულს უფაქიზებენ ჩინებული აღმზრდელები: ნაირა ხუციშვილი, ნანა თორდია, ბელა ხადური, მაია ტონია, თამილა სიგუა და ლია ჯაფარიძე. მათ გვერდში უდგანან თანაშემწეები: თამარ სულაძე, ნინო ბაჯელიძე, თამარ გველესიანი, ნინო მირგატია, მარინე მაყაშვილი და ეკატერინე ქვაჩახია.

          მშობლები კმაყოფილებას გამოთქვანენ ბაღის სისუფთავესა და სანიტარეულ მდგომარეობაზე, რაშიც დიდი წვლილი მიუძღვის ტექნიკურ პერსონალსაც. ესენია: ნათია სირაძე, ელენე გრიგოლია, ნინო ქარსელაძე, სირანუმ კაპანიანი, ეკა ორაგველიძე, ანა ნასყიდაშვილი, თამარ ელიაშვილი და დავით ჭინჭარაძე.

           შეიძლება ითქვას, რომ 131-ე ბაგა-ბაღი დღითიდღე ვითარდება, ინერგება სიახლეები და წარმატებით მიიწევს წინ, რაც აქაური მესვეურების თავდაუზოგავი შრომის შედეგია. მთელი კოლექტივი, ძალ-ღონეს არ იშურებს იმისთვის, რომ ეს საბავშვო დაწესებულება იყოს სანიმუშო და პატარებს შეუქმნან ისეთი პირობები, რომ აქ გატარებული ლამაზი დღეები მთელი ცხოვრება დაამახსოვრდეთ.

                 მზია გოგოძე

განათლება

                                                                                  მიზანი, რომელიც ოცნებაზე მეტია

     ჯანსაღი ცხოვრების დამკვიდრება, თანამედროვე ტექნოლოგიების ათვისება და მაღალი დონის სწავლება - აი, ასეთი თვისებებით გამოირჩევა თბილისის 90-ე საჯარო სკოლა, რომელიც ქართულ საგამნამანათლებლო სივრცეში, მართლაც ღირსეულ ადგილს იკავებს. აქ მუდავ შემოქმედებითი ფუსფუსია და მუხლჩაუხრელად ზრუნავენ მოსწავლეებს აღზრდასა და ცოდნის ამაღლებაზე.

    სკოლას სათავეში უდგას ახალგაზრდა და ენერგიული ქალბატონი თამარ მელიქიძე, რომლსაც დიდი წვლილი მიუძღვის სკოლის აღორძინებაში. იგი, მეორე ვადით გახდა სკოლის ხელმძღვანელი და მართლაც, მუდმივად ზრუნავს პრობლემების მოაგვარებაზე, ინფრასტრუქტურის, მოწესრიგებაზე სხვადასხვა პროექტების განხორციელებაზე და სკოლის წინსვლაზე.

      ქალბატონ თამარს დიდი გამოცდილება აქვს, როგორც პედაგოგიურ, ასევე მენეჯერულ საქმიანობაში. იგი, პროფესიით ქიმიკოსია და თავდაპირველად, მოღვაწეობა დაიწყო ლაბორანტ-მეთოდისტად ეკონომიკისა და ინფრასტრუქტურის ინსტიტუტში, ასევე, სხვადასხვა წლებში მუშაობდა მე-7, მე-9 და კერძო სკოლებში, ქიმიისა და დაწყებითი კლასების პედაგოგად, 44-ე სკოლაში, მასწავლებლად და ორგანიზატორად. 190-ე სკოლაში დირექტორის მოადგილედ. 2007-2010 წლებში იყო 90-ე სკოლის არჩეული დირექტორი და შემდეგ, როცა ორი სკოლა (121-ე და 90-ე) ერთად გაერთიანდა, ქალბატონმა თამარმა მოადგილის თანამდებობა დაიკავა. 2014 წლიდან კი, იგი კვლავ სკოლის ხელმძღვანელია და ამასთან, კვლავ განაგრძობს პედაგოგიურ მოღვაწეობას.

    თამარ მელიქიძე: ჩემი ხელმძღვანელობის პერიოდში არაერთი სიახლე და პროექტი განხორციელდა. ნაწილობრივ მოვაწესრიგეთ ინფრასტრუქტურა, გაიხსნა ლაბორატორიები და კლუბები – ისტორიის, ქიმიის, საბუნებისმეტყველო,პოეზიის მოყვარულთა და ა.შ. მართალია, ბევრი რამ გაკეთდა, მაგრამ აუცილებელია შენობის სრული რეაბილიტაცია. იმედია, სამომავლოდ, განათლებისა და მეცნიერების სამინისტროს დახმარებით, ყველა არსებულ პრობლემას მოვაგვარებთ. რაც შეეხება სასწავლო პროცესს, ამ მხრივ ყველაფერი კარგად არის. გვყავს მაღალკვალიფიციური პედაგოგები, რომლებიც ყველაფერს აკეთებენ იმისათვის, რომ სკოლაში მოსწავლეებმა ხარისხიანი განათლება მიიღონ. მთელი კოლექტივი ერთ გუნდად არის შეკრული და ერთმანეთთან მეგობრული და კოლეგიალური დამოკიდებულება აქვთ. გვყავს წარმატებული მასწავლებლები, რომლებიც გამოირჩევიან მაღალი პროფესიონალიზმით, აქტიურობით, ინოვაციებით და სიახლეების დანერგვით. ესენია: მარინე პიტიურიშვილი, თინათინ ბარბაქაძე, ირმა ქერეჭაშვილი, ცისანა წიქარიძე, მანანა ბეგიაშვილი, გულნაზ ძიძიგური და მარინე ჩიღენაძე. წელს, ყველა მაწავლებელი მონაწილეობას მიიღებს სასერთიფიკაციო გამოცდებში. ჩვენი სკოლა, ძირითადად, გამოირჩევა მოსწავლეებისადმი გულისხმიერი დამოკიდებულებით, სხვადასხვა აქტივობებითა და აკადემიური მოსწრებით. სკოლაში სულ 775 ბავშვია. არიან წარმატებული მოსწავლეები, რომლებიც მონაწილეობენ სხვადასხვა პტროექტებში და ოლიმპიადებში, საიდანაც სიგელებით და დიპლომებით ხელდამშვენებულები ბრუნდებიან. მაგალითად, სკოლის 5 მოსწავლე ჩართულია საპატრიარქოს ახალგაზრდულ მოძრაობა ,,დავითიანი’’-ს პროექტში, სადაც გამარჯვების შემთხვევაში ტაო-კლარჯათის ექსკურსიის პრიზს მოიპოვებენ. ასევე, სკოლაში ტარდება სხვადასხვა აქტივობები და ღია გაკვეთილები. შესანიშნავი პროექტი განვახორციელეთ ქიმიაში. სიახლეა ის, რომ მოსწავლეებს, გაკვეთილები ჩაუტარდათ მუზეუმებში და ჩართულები არიან პროექტებში ,,განძის მაძიებლები’’ და ,,საბავშვო არქეოლოგია’’. შოთა რურთაველის საიუბილეო თარიღთან დაკავშირებით კი, მე-9 და მე-10 კლასებში, ჩატარდა აფორიზმების კონკურსი, სადაც გამარჯვებულები სიგელებით დაჯილდოვდნენ. აგრეთვე, ქიმიის კლუბი, საბუნებისმეტყველო საგნებში, ყოველწლიურად აწყობს ინტელექტუალურ შეჯიბრებებს და გამრჯვებული წინა წელს თეატრის ბილეთით დაჯილდოვდა. ეს ღონისძიება წელსაც გაიმართება და გამარჯვებულს სიურპრიზი ელოდება.. შარშან, წარმატებული წელი გვქონდა და გვყავდა მედალოსანები. ესენია: ნიკა წიკლაური (ოქროს), ნინა არუდოვა, გოგა ფანგანი, ვერა ხანჩალიანი, გვანცა გუნჩაშვილი და ირაკლი ჩაჩხიანი (ვერცხლის), რომლებიც წარმატებით ჩაირიცხნენ სხვადასხვა უმაღლეს სასწავლბლებში.

      90-ე სკოლაში დიდი ყურადღება ექცევა ჯანსაღი ცხოვრების წესის დამკვიდრებას და სპორტს. სკოლაში ჩამოყალიბებულია სხვადასხვა წრეები და მოსწავლეები შეჯიბრებებში წარმატებით ასპარეზობენ. მაგალითად, მაგიდის ჩოგბურთში საქართველოს ჩემპიონები გახდნენ ლაშა ლომაია და ლევან პავლიაშვილი. შარშან, საქართველოს ბავშვთა და მოსწავლეთა ახალგაზრდობის სპორტის ეროვნული ფედერაციისა და სპორტისა და ახალგაზრდობის საქმეთა სამინისტროს ხლშეწყობით, სკოლის დირექტორი ნორჩ სპორტსმენებთან ერთად, იმყოფებოდა ისრაელის ქალაქ ეილათში, სადაც მოსწავლეთა მსოფლიო სასკოლო ოლიმპიადა გაიმართა. ამ ფაქტს კი, წინ უძღოდა გასულ ზაფხულს, ანაკლიის ბანაკში გამართული სპორტული შეჯიბრება – საქართველოს პირველობაზე, სადაც გამარჯვებულ სკოლის მოსწავლეებს მიეცათ საშუალება მსოფლიოს სხვადასხვა ქვეყნებში ეასპარეზათ. ასევე, უნდა აღინიშნოს სკოლის მოსწავლის ცოტნე ქობალიას წარმატება, რომელმაც ისნის რაიონში გამართულ სპორტულ შეჯიბრებაში, კერძოდ, მაგიდის ჩოგბურთში პირველი ადგილი მოიპოვა.

    საამაყოა ის ფაქტი, რომ სპორტის ეროვნული ფედერაციისა და ქალაქის მერიის მიერ განხორციელებულ პროექტში ,,ლეგენდების კვალდაკვალ’’, 90-ე სკოლის მოსწავლეებმა სოფო ჟივიძემ და ბექა რაზმაძემ პირველი ადგილი და ფულადი პრემია 600ლ. მოიპოვეს. ხოლო სპორტულ აქტივობებში სკოლის გუნდი მე - 4 ადგილზე გავიდა და 200 ლარით დაჯილდოვდნენ. იმედია, წარჩინებული მოსწავლეები სამომავლოდაც ასახელებენ სკოლას.

          90 –ე საჯარო სკოლას ყველანაირი პირობა და რესურსი აქვს იმისთვის, რომ, იყოს ერთ-ერთი სანიმუშო სასწავლო-აღმზრდელობითი დაწესებულება, რაც დირექტორის თამარ მელიქიძის და მთელი კოლექტივის დიდი დამსახურებაა. სასწავლებლის პრესტიჟის ასამაღლებლად და სწავლის ხარისხის გასაუნჯობესებლად, აქ ყველა მუშაკი მაღალ შედეგებზეა ორინეტირებული. სკოლას აქვს დიდი სამომავლო გეგმები და მოტივაცია დასახული მიზნის მისაღწევად.

                       მზია გოგოძე