მარიხუანას მოხმარება ნებადართულია

         

საკონსტიტუციო სასამრთლოს გადაწეყვეტილება, მარიხუანის მოხმარებისთვის ჯარიმის გააუქმების თაობაზეფართო საზოგადოებისთვის მიუღებელი აღმოჩნდა, თუმცა,  არიან არიან  მომხრეებიც... სოციალურ ქსელში აზრთა სხვადასხვაობაა,  უმრავლესობა აღნიშნავს, რომ ამ ეტაპზე, ასეთი გადაწტვეტილების მიღება  ჩვენი ქვეყნის მომავლისთვის საზიანოა რამეთუ ,გაიზრდება ნარკომომხმარებელთა რიცხვი. სპეციალისტების თქმით, მარიხუანა მსუბუქი ნარკოტიკია, მაგრამ მისი სისტემატური გამოყენების შემდეგ, ადამიანები უფრო ძლიერ ნივთირების გამოყენებაზე გადადიან და ინტრავენური ნარკომანები ხდებიან.
          საგულისხმოა, რომ 30 ივლისს, საკონსტიტუციო სასამართლომ პარტია "გირჩის" წევრების სარჩელი დააკმაყოფილა, რითაც მარიხუანის მოხმარებისთვის ადმინისტრაციული სასჯელის გააუქმა.მოსარჩელეები აცხადებდნენ, რომ მარიხუანას მოხმარება წარმოადგენს პიროვნების თავისუფალი განვითარების უფლებით დაცულ სფეროს. მათივე მტკიცებით, მარიხუანას მოხმარებით შესაძლოა, ზიანი მიადგეს მხოლოდ მისი მომხმარებლის ჯანმრთელობას, რომელიც თავადვე იქნება პასუხისმგებელი დამდგარ შედეგზე.

            მოსარჩელეთა თქმით, დასახელებული ქმედება არ უქმნის რეალურ საფრთხეს სხვა რომელიმე ღირებულ საჯარო ინტერესს. მათივე განმარტებით, მარიხუანას მომხმარებლის დასჯა მხოლოდ მორალისტური და პატერნალისტური არგუმენტებით წინააღმდეგობაში მოდის პიროვნების თავისუფალი განვითარების უფლებასთან და შესაბამისად, ეწინააღმდეგება საქართველოს კონსტიტუციის მე-16 მუხლს.

         აღსანიშნავია, რომ მარიხუანას მოხმარებითვის ადმინისტრაციული ჯარიმა გაუქმდა, გარდა გამონაკლისებისა, - თუკი მარიხუანას იყენებენ საზოგადებრივი თავშეყრის ადგილებში, სასწავლო სააღმზრდელო დაწესებულებებში და მოხმარება საფრთხეს უქმნის მესამე პირს.საკონსტიტუციო სასამართლოს გადაწყვეტილება სრულად შეგიძლიათ იხილოთ ამ ბმულზე. საკონსტიტუციო სასამართლომ მარიხუანის მოხმარებაზე სისხლის სამართლის პასუხისმგებლობა 2017 წლის 30 ნოემბერს გააუქმა.
საკონსტიტუციოში სარჩელი პოლიტიკურ გაერთიანება "გირჩს" ჰქონდა შეტანილი, რომელშიც მოქალაქე გივი შანიძე მარიხუანის განმეორებითი მოხმარებისთვის სისხლის სამართლის პასუხისმგებლობის გაუქმებას ითხოვდა.

       ცნობისათვის:  საკონსტიტუციო სასამართლომ ამ სარჩელის განხილვა 2016 წლის 4 მარტს დაიწყო. საქმეს პირველი კოლეგია განიხილავდა.

  სოციალურ ქსელში გავრცელდა ერთ-ერთი ინტერნეტ მომხმარებლის სტატუსი, რომელსაც უცვლელად გთავაზობთ:

           არა მარიხუანას ლეგალიზებას!

მარიხუანის ლეგალიზაციის მოთხოვნა ხმამაღლა გააჟღერა „გირჩმა“, ერთიანი ნაციონალური მოძრაობის ჭუპრმა!
აბა, სხვაგან, სხვასთან ამ საქმისთვის სად მოიცლიდნენ?!
მხოლოდ და მხოლოდ ერთიანი ნაციონალური მოძრაობის წიაღში თუ იშვებოდა ეს ანტიქართული, ანტისახელმწიფოებრივი თესლი და იდეა!

საქართველოს საკონსტიტუციო სასამართლომ „გირჩის“ წევრების, ზურაბ ჯაფარიძისა და ვახტანგ მეგრელიშვილის სარჩელი დააკმაყოფილა და ექიმის დანიშნულების გარეშე მარიხუანას მოხმარებისთვის არსებული ყველა სანქცია არაკონსტიტუციურად ცნო.
საქართველოს საკონსტიტუციო სასამართლომ აღნიშნა, რომ მარიხუანის მოხმარება, წარმოადგენს პიროვნების თავისუფალი განვითარების უფლებით დაცულ ქმედებას. მარიხუანის მოხმარების აკრძალვა მისი ბრუნვის წინააღმდეგ მიმართული ღონისძიებაა, და შესაბამისად ემსახურება მომხმარებლების ჯანმრთელობის დაცვის ლეგიტიმურ მიზანს.
ასევე ცნობილი გახდა ფლობის 70 გ. მშრალი სახით და 100 გ ნედლი სახით ლეგალიზება.
მსგავსი პრეცედენტი დედამიწის ზურგზე არ არსებობს!
დროა მართლაც რომ დაირისხოს საგანგაშო ზარი!
ეს არის ერის გენოციდი!
ქართული გენოფონდის წინააღმდეგ მიმართული ამ ვერაგობის ჩამდენ მოსამართლეებს უნდა აეკრძალოს პროფესიული მოღვაწეობა!
ჩვენი საზოგადოებისათვის ეს კასტები მოიაზრებიან, როგორც დასავლური ორიენტაციისა, რაც საქართველოს მოსახლეობას მათი მსგავსი ქმედებები და მღვაწეობა დასავლური სამყაროსა და ღირებულებებისადმი განაწყობს ატაგონისტურად.
დღეს, როგორც არასდროს ისეა საჭირო და აუცილებელი ასეთი ვერაგი მტრების საერთო სახალხო მხილება!

ეს არის შეთქმულება საქართველოს სახელმწოფოს წინააღმდეგ და გენოციდი საქართველოს აბორიგენი მოსახლეობისა!

ახლა კი გავეცნოთ თუ რა ვითარებაა სინამდვილეში ევროპაში მარიხუანას გამოყენების ირგვლივ?

გთავაზობთ მიმოხილვას

ბელგია
ბელგიამ დაუშვა სრულწლოვანებისთვის 3 გრამი კანაფის ან კანაფის ნერგის პირადი გამოყენებისათვის ფლობა, ეს გამოანლისი წესი დაიშვა 2003 წლიდან. 2014 წლის ოქტომბრიდან კი ყოველგვარი ნარკოტიკის გამოყენება და ფლობა არის აკრძალული და დასჯადი როგორც არასრულწლოვანთათვის, ასევე სრულწლოვანისათვის.

ბულგარეთი
ბულგარეთში კანაფი ჰეროინთან, კოკაინთან, ამფეტამინეთან და სხვა ძლიერ ნარკოტიკებთანაა გათანაბრებული. ლობა და გამოყენება კი დასჯადია.

დანია
დანია განეკუთვნება იმ ქვეყნებს, რომლებიც კანაფისადმი ტოლერანტულია. მაგრამ კანაფის ფლობა კანონსაწინააღმდეგოა და ძირითადად ისჯება ფულადი ჯარიმით ან 2 წლის თავისყფლების აღკვეთით.

გერმანია
გერმანიაში კანონი კრძალავს კანაფის მოშენებას, ყიდვასა და გაყიდვას, მაგრამ დაშვებულია პირადი მოთხოვნილებისთვის კანაფის ძალზედ მცირედი რაოდენობის გამოყენება და ფლობა. გამონაკლისია სამედიცინო მიზნებისათვის დაშვება, როგორც ტეტრაჰიდროკანაბინოლის ტკივილგამაყუჩებელი პრეპარატი კანაფის ბაზისზე. ამისათვის კი აუცილებელია რეცეპტი.

ლუქსემბურგი
აქ კანაფის ქონა აკრძალულია. ვარაუდობენ რომ კანაფის მოხმარების დოზები მხოლოდ სამედიცინო მიზნებისათვის იქნეს დაშვებული. ვისაც დღეს რეცეპტის გარაშე კანაფის ფლობის ფაქტზე წაასწრებენ, ემუქრება დიდი ფულადი ჯარიმა.

საფრანგეთი
კანაფის გამოყენება საფრანგეთში ფაქტიურად შემწყნარებლურია, მაგრამ მკაცრად განსაზღვრულია.
კანონდამრღვევებს ემუქრებათ ჯარიმა 40 ათას ევროს ოდენობით და თავისუფლების აღკვეთა. კანაფის პროდუქტები მარიხუანა და ჰაშიში იქ მიჩნეულია ძლიერ ნარკოტიკებად.
1970 წლის ნარკოტიკების საწინააღმდეგო კანონით კანაფის ფოთლის ან მისი სახის სუვენირის ტარება როგორც ტანსაცმლის სამკაული დასჯადია.
ფაქტიურად მისი მოხმარება შემწყნარებლურია. აატლანტიკის სანაპიროზე აქა იქ არსებობს ჰოლანდიური ტიპის კაფეები განსაზღვრული კანონმდებლობით.

საბერძნეთი
კანაფის ფლობის ყველა ფორმა აკრძალულია. უმცირესი რაოდენობის ფლობის წინააღმდეგ იშვიათად აღიძვრება სარჩელი, დიდი რაოდენობის ფლობისათვის კი ეკისრებათ პატიმრობა. კანაფის დეკრიმინალიზაციის კანონიიის მიღება პარლამენტმა 2011 წელს უარყო.

იტალია
მცირე რაოდენობის ქონაც კანონდარღვევაა, მფლობელს ერთმევა მართვის მოწმობა ან პასპორტი. დიდი რაოდენობის ფლობა ან გასაღება სისხლის სამართლის დანაშაულად მიიჩნევა და ისჯება თავისუფლების აღკვეთით. 2003 წლისთვის იტალიის სასამართლომ მიიღო სამედიცინო კანაფის დაშვების გადაწყვეტილება, რომლის მოშენებაც მკაცრად რეგულირდება.

ნიდერლანდები
ნიდერლანდებში კანაფი დღესამომდე ილლეგალურია, მაგრამ შემწყნარებლური. მცირე რაოდენობის ფლობა 5 გრამამდე არ ისჯება და კანაფის პროდუქტები განსაკუთრებულ პირობებში ე.წ. კანაფის კაფეებში იყიდება. ეს კაფეები არსებობენ 1976 წლიდან. გაყიდვა და მოხმარება ოფიციალურად შეწყალებულია შემდეგ პირობებში, პიროვნებისათვის დღეში მაქსიმუმი 5 გრამით, არ არსებობს რეკლამა, მცირეწლოვანთათვის მიუწვდომელია.

ნორვეგია
ნორვეგიაში მარიხუანას 15გრამამდე ფლობა ისჯება ფულადი ჯარიმით. 15 გრამზე მეტის ფლობა და ვაჭრობა ისჯება ციხით.
პოლონეთი
2011 წლის 1 აპრილს პოლონეთის ქვედა პალატამ გამოსცა კანონი, რომელიც სახელმწიფო ბრალდებას საშუალებას აძლევს გახსნას ნარკოტიკებისმცირე რაოდენობის ფლობისას შეწყვიტოს საქმე. მაგრამ კანაფის მოზრდილი რაოდენობის ფლობა და ვაჭრობა აგრძალულია.

რუსეთში
ნებადართულია კანაფის ფლობა 6 გრამის ოდენობით. დიდი რაოდენობით ფლობა ან ვაჭრობა აკრძალულია. დაშვებლ ნორმაზე გადაჭარბება ისჯება ფულადი ჯარიმით ან ციხით.

პორტუგალია და ესპანეთი
ნარკოტიკებით ვაჭობა, ფლობა და ბოროტად გამოყენება რჩება აკრძალულად, მაგრამ 2001 წლიდან მცირე რაოდენობას ეხსნება დევნა. ეს მიიჩნევა წესრიგის დარღვევად. ესპანეთში არსებეობს მრავალი კანაფის კაფე.

შვედეთი
შვედეთში ნებისმიერი ნარკოსაშუალებების ფლობა, მოპოვება, გასაღება და გამოყენება კანონგარეშა. მოქმედებს „ნულოვანი ტოლერანტობის პოლიტიკა“.

შვეიცარია
შვეიცარიაში კანაფი შეტანილია გამაყუჩებელ საშუალებათა კანონში და კერძო მოხმარება -გასაღება ილლეგალურია.

სლოვენია
მცირე რაოდენობის კანაფის ფლობა მიჩნეულია წესრიგის დარღვევად და უმეტესად ისჯება ფულადი ჯარიმით. ვაჭრობა კი მკაცრად ისჯება.

ჩეხეთი
ჩეხეთში 2010 წლის 1 იანვრიდან 15 გრამამდე მარიხუანას ქონა კანონით არ იდევნება, მაგრამ ითვალისწინებს ფულად ჯარიმებს. დიდი რაოდენობით ფლობა და მოშენება სისხლის სამართლით ისჯება.ჩეხეთში შეუძლიათ მხოლოდ 5 გრამამდე კანაფის მოყვანა.

უნგრეთში
2013 წლის 41 ივლისიდან უნგრეთში მიიღეს სისხლის სამართლის კანონი, რომლითაც აკრძალული ნარკოტიკების ჩამონათვალი მკვეთრად არის გაზრდილი, მათ შორისაა კანაფი.

აშშ
კანაფის გაყიდვასა და გამოყენებაზე გადაწყვეტილებებს ღებულობს თითოეული ფედერალური შტატი

„მწვანე რევოლუცია“ აშშ-ში.
2014 წლიდან კოლორადოში მხოლოდ 21 წელზე უფროსი ასაკის ადამიანებს შეუძლიათ კანაფის ყიდვა და გამოყენება, კანაფის პროდუქცის წარმოებისათვის კი საჭიროა სპეციალური ლიცენზია. ადგილობრივებზე ნებადართულია ერთი უნცია, სტუმრებზე 4 გრამი დღეში. ასევეა 7 შტატსა და დედაქალაქ ვაშინგტონში. დანარჩენ 30 შტატში მისი გამოყენება ნებადართულია მხოლოდ კანაფის სამედიცინო დანიშნულებით მოხმარება.

კანაფის ლეგალიზაცია კანადაში
2001 წლიდან კანადაში დღის წესრიგში დადგა მარიხუანას, ჰაშიშისა და სამედიცინო კანაფის პროდუქტების ლეგალიზაციის საკითხი, პირადი მოხმარების კანონი უნდა დარეგულირდეს 2018 წლის მეორენახევრიდან. კანადაში, სადაც ახალგაზრდობის დიდი ნაწილი მოიხმარს კანაფს, უნდა იქნეს შემოღებული ახალი მარეგულირებელი კანონი, რომელიც ითვალისწინებს კვირაში ერთ პირზე 30 გრამი კანაფის ქონის უფლებას, ამავე დროს ითვალისწინებენ არასრულწლოვანებში კანაფისა და სხვა ნარკოტიკების მიყიდვისა და მოხმარების წინააღმდეგ მკაცრ კანონებს.
ტალიალნში
ამ მხრივ საკმაოდ მკაცრია კანონები, აგრეთვე სამხრეთ -აღმოსავლეთის აზიის ქვეყნებში.
ტაილანდის ხელისუფლება განსაკუთერბით ებრძვის ნარკოტიკების შემოდინებას მეზობელი ქვეყნებიდან. კანფი აქ გათაბნაბრებულია კოკაინთან და ჰეროინთან. მაღალია ფულადი ჯარიმები და სასჯელი თავისუფლების აღკვეთით, აგრეთვე ქვეყნიდან გასახლება-გაძევება მთელი სიცოცხლის მანძილზე.
განსაკუთრებით მკაცრი პოლიტიკაა კანაფის ირგვლივ იაპონიასა და ფილიპინებზე. იქ კანაფის ქონა და მოხმარება შეიძლება დაისაჯოს სამუდამო პატიმრობით.
სამხრეთ ამერიკის ქვეყანა ურუგვაი არის მსოფლიოში პირველი ქვეყანა, სადაც მოსაწევი მცენარეების მოშენება ნებადართულია.
2013 წლის შუა ხანებში პარლამენტმა შეიმუშავა კანომი და დაამტკიცა ამა წლის 25 დეკემბერს.
კერძო პირებს ამ კანონის თანახმად ერთვებათ ნება მოაშენონ მაქსიმუმ კანადის 6 ნერგი.
ლიცენზირებულ მწარმოებლებს კი სესაბამის ნაკვეთზე შეუძლიათ მხოლოდ 99 ძირის დარგვა.
ნებადართულია აფთიაქებში თვეში 40 გრამი კანაფის ყიდვა პირადი გამოყენებისთვის.
მცირე წლოვნებისათვის მოხმარება მკაცრად არის აკრძალული. და ვინც სახელმწიფო ნებართვის გარეშე მოაშენებს, მას შესაძლოა აღეკვეთოს თავისუფლების აღკვეთა 10 წლამდე.

    -ნარკოტიკული ნივთიერებების, მცენარეულობის ლეგალიზება ისეთ სახელმწიფოსი, მცირე ერში არის სახელმწიფოს, ერის მტრობა და ღალატი!-წერს  ფეისბუკმომხმარებელი.                                                                                                                                                                                                                                                                                                                               
                             მედიატური გრემის ცენტრში

     სპეციალისტების აზრით,  ნარკოდამოკიდებული პაციენტების  სისხლის სამართლის პასუხისმგებლობის დაწესებით პრობლემა  ვერ მოგვარდება და ნარკომანი ვერ გამოჯანმრთელდება. წამალზე დამოკიდებული პაციენტებისთვის მნიშვნელოვანია როგორც ფსიქო-თერაპია, ისე სარეაბილიტაციო კურსის გავლა. ამ მხრივ, აღსანიშნავია საინფორმაციო სამედიცინო-ფსიქოლოგიური ცენტრის ,, თანადგომა’’-ს საქმიანობა, რომელიც დიდი ხანია ზრუნავს ნივთიერებებზე და ალკოჰოლზე დამოკიდებული  ბენეფიციარების განკურნებაზე.
   საგულისხმოა, რომ ცენტრი ,,თანადგომა’’ საქართვრლოში, დიდი ხანია ფუნქციონირებს, რომლის მეშვეობით არაერთი პროექტი განხორციელდა. იგი  წარმოადგენს საგანმანათლებლო, საინფორმაციო, სულიერ-ფსიქოლოგიური დახმარების სამსახურს. ცენტრის მიზანია საქართველოს მოსახლეობის ფიზიკური და ფსიქიკური ჯანმრთელობის გაუმჯობესება. გრემის რეაბილიტაციის ცენტრიც ,,თანადგომა’’-ს ერთ-ერთი პროქტია.
 ახლახან, ,,თანადგომა’’-ს ინიციატივით, დედაქალაქში მომუშავე მასმედიის წარმომადგენლებისთვის ყვარელში, კერძოდ, გრემში მედია ტური გაიმართა. ტურის ფარგლებში, ჟურნალსიტებს საშუალება გვქონდა მოგენახულებინა გრემის ფსიქო-სოციალური რეაბილიტაციის ცენტრი, გავცნობოდით  იქაურ სიტუაციას და გავსაუბრებოდით. მასმედიის მხრიდან დაინტერესებამ, კეთილგანწყობამ და მათი პრობლემების გათავისებამ, დადებითად იმოქმედა თითოეულ ბენეფიციარზე, რომლებიც ფსიქოთერაპევტის, ფსიქოლოგის და არტთერაპიის მეშვეობით, ცდილობენ ჯანსაღ ცხოვრებას დაუბრუნდნენ.  ფსიქოლოგ ელისო ჩაჩხიანის თქმოთ, წამალდამოკიდებული ადამიანების განკურნებისათვის არტ თერაპიის კურსებს დიდი მნიშვნელობა აქვს.
    აღნიშნული კურსები ცენტრის კერამიკულ სახელოსნოში ტარდება, სადაც  წარმოდგენილია ბენეფიციარების მიერ შექმნილი სიურეალისტური თიხის ნაკეთონბები, რომელთა  შინაარსს დიდი სიმბოლური დატვირთვა აქვს.
      თემურ კევლიშვილი, მხატვარ-გრაფიკოსი,  კერამიკოსი: ბენეფიციარებს ინდივიდუალურად ვასწავლი  თიხის დამუშავებას. ძირითადად, ვიყენებთ ადგილობრივ (იყალთოს, ვარდისუბნის) თიხას, ასევე, ვყიდულობთ თურქულ ნედლეულსაც. კერამიკაზე მუშაობა თითოეული ბენეფიციარისთვის მნიშვნელოვანია, რადგან მუშაობის პროცესში ივიწყებენ პრობლემებს, წყნარდებიან და მშვიდდებიან. შექმნილ პროდუქციას რომ ხედავენ უხარიათ და ეს მათთვის დიდი მოტივაცია და სტიმულის მიმცემია. ერთმანეთთან მეგობრული და კეთილგანწყობილი ურთიერთობა გვაქვს. ზოგს მე თვითონ ვაძლევ მიმართულებას, მაგრამ არიან ისეთბიც, რომლებსაც დიდი წარმოსახვის უნარი აქვთ და თავიანთ იდეებს გვთავაზობენ. მაგალითად,  შემოქმედებითი ნიჭით არის დაჯილდოებული გოჩა დიასამიძე, რომელიც საინტერესო ნაკეთობებს ქმნის.
    გოჩა დიასამიძე, ბერეფიციარი: თიხაზე მუშაობა ძალიან მომწონს.  ეს ჩემთვის  არის დაკავებული დრო და გაჩენილი ინტერესი. ძალიან მიყვარს ხელოვნება და  ბავშვობიდან ვძერწავდი სხვადასხვა ნაკეთობებს.  ვაპირებდი ამ მიმართულებით სწავლის გაგრძელებას, თუმცა, ჩემი ცხოვრება სხვა გზით  წარიმართა. ნატკოტიკებს გემო 17 წლის ასაკში გავუსინჯე... შემდეგ გავხდი  წამალდამოკიდებული... 3 წლის წინ კი, ჩემი მეგობრის რეკომენდაციით მოვხდი რეაბილიტაციის ცენტრში და დღემდე აქ ვცხოვრობ.  ცენტრში ნორმალური ცხოვრებისთვის ყველანაირი პირობებაა შექმნილი, კვება, ფსიქოლოგიური დახმარება, არტ თერაპია და რაც მთავარია, უფასოდ. ამჟამად,  სულ რამდენიმე ბენეფიციარი ვართ. არტ თერაპიამ  პრობლემების დაძლევაში ძალიან  დამეხმარა, მაქვს სამომავლო გეგმები და მინდა ჯანსაღ ცოხვრებას დავუბრუნდე. საკმაოდ დიდი ხანი ვიყავი წამალდამოკიდებული, მაგრამ ღმერთის წყალობით პრობლემას მოვერიე და ახლა შპრიცის დანახვაც აღარ მინდა. ცენტში ცხოვრებას თავისებური წესები აქვს, თავდაპირველად სოფელის მკვიდნი  უნდობლად ვიყურებდნენ, მაგრამ თანდათან კეთილმეზობლური დამოკიედებულება ჩამოგვიყალიბდა, ერთმანეთს ვეხმარებით სხვადასხვა სასოფლო სამეურნეო საქმიანობაში.  ახალგაზრდებს მივმართავ და ვურჩევ, ნარკოტიკს არ გაეკარონ, ეს დიდი უბედურებაა, რომელიც საკუთარ თავზე გამოვცადე... ძალიან ძნელია დაამრცხო ეს საშინელი სენი,  ებრძოლო  და გაუმკლავდე სატანას....
    ვაჟა კასრელიშვილი ცენტრის ხელმძღვანელი და პროექტის კოორდინატორი: გრემის ცენტრში კერამიკული სახელსონო ევროკავშირის დაფინანსებით  2015 წელს  გაიხსნა. სამომავლოდ  ვაპირებთ, მეფუტკრეობის და მეფრინველეობის განვითარებას. ცენტრის შენობა კეთილმოწყობილია და ინფრასტრუქტურაც მოწერიგებულია.  შენობის მე -3 სართულის რეკონსტრუქცია იგეგმება და დაემატება ორი  ოთახი შეხვედრებისთვის  და კინო ჩვენებისთვის; ასევე, გათვალისწინებულია ბიბლიოთეკისა და სპორტულ-გამაჯანსაღებელი  დარბაზის გახსნა. გრემის რეაბილიტაციის  ცენტრი, ძირითადად, არის სათემო-სარეაბილიტაციო დაწესებულება, სადაც დასაქმებულია ყოფილი პაციენტები და პროგრამაც აგებულია იმ ადამიანებზე, ვინც წამალდამოკიდებულება დაამარცხა, მაგრამ გაიარა გადამზადების კურსები.
     ირმა კახურაშვილი, ჟურნალისტი, ცენტრ ,,თანადგომა’’-ს წარმომადგენელი:
    - გრემის ფსიქო-სოაციალური რეაბილიტაციის ცენტრის მიმართ ინტერესი სულ უფრო იზრდება - ის პირველი ქალაქგარეთა, სადღეღამისო დაწესებულებაა, რომელიც სრულიად უფასო სერვისებს სთავაზობს წამალ დაამკოდამოკიდებულ ადამიანებს. ცენტრი ზრუნავს და ქმნის პირობებს მათი სიფხიზლის შენარჩუნებისთვის.ცენტრის ბენეფიცირები, შესაბამისი სპეციალისტების ჩართულობით, ნაბიჯ-ნაბიჯ გადიან არტ და შრომითი თერაპიას. ასეთი დახმარება 2016 წლიდან 25-ზე მეტმა ადამიანმა მიიღო.
     ცენტრის მიზანია ნივთიერებებზე ან ალკოჰოლზე დამოკიდებული ადამიანი დაუბრუნდეს ოჯახს, საზოგადოებას. ცენტრის ინსტრუქტორები, ფსიქოლოგები და არტ თერაპევტები ეხმარებიან ბენეფიციარებს სიფხიზლის შენარჩუნებაში, სხვადასხვა ფსიქოლოგიური პრობლემების დაძლევაში, საკუთარი თავის მიმართ დაკარგული კონტროლის აღდგენაში. ცენტრს ჯერ არ ჰყოლია ბენეფიციარი ქალები, რომლებისთვისაც შენობაში ცალკე საცხოვრებელი სივრცეა კეთილმოწყობილი. ცენტრი ეკუთვნის არასამთავრობო ორგანიზაცია „თანადგომას“ და დონორების - ევროკავშირისა და „შიდსის ფონდი - აღმოსავლეთი-დასავლეთი“ მხარდაჭერით ფუნქციონირებს. „თანადგომა“ პირველი ორგანიზაციაა საქართველოში, რომელმაც დამოკიდებული ადამიანებისთვის ქალაქგარეთა ფსიქო-სოციალური ცენტრი დაარსა.ცენტრში ბენეციფიარებს, მათი საჭიროებებიდან გამომდინარე, შეუძლიათ დაჰყონ მინიმუმ ერთი თვე. ერთბაშად ცენტრს შეუძლია 12 ბენეფიციარის მიღება. ცენტრში მოსახვედრად აუცილებელია ნებისმიერი სქესის ადამიანი (ცენტრში არ დაიშვებიან არასრულწლოვნები, მათთან მუშაობა სხვა მიდგომებს საჭიროებს) იყოს რემისიაში და ჰქონდეს სიფხიზლის შენარჩუნების სურვილი. ცენტრის ბაზაზე მუშაობს კერამიკის სახელოსნო. მომავალში იგეგემება სხვადასხვა ტიპის მეურნეობის გამართვა.  სარებილიტაციო ცენტრს აქვს თავისი დღის რეჟიმი და წესები. აქ მუშაობს „12 ნაბიჯის“ პროგრამა. მომავალში იგეგმება სხვა, ალტერნატიული სარეაბილიტაციო პრაქტიკების შემოღება.
    აღსანიშნავია, რომ გრემში სტუმრობისას,  მედიისთვის დაანონსდა ცენტრ „თანადგომა-“ს,  ევროკავშირის მიერ დაფინანსებული პროექტის „გაუმჯობესებული შესაძლებლობები პატიმრების, ყოფილი პატიმრების და პრობაციონერების ფსიქო-სოციალური რეაბილიტაციისა და რესოციალიზაციისათვის“ ფარგლებში გამოცხადებული კონკურსი ჟურნალისტებისთვის და ბლოგერებისთვის, 4 საპრიზო ადგილით, ფულადი პრიზით თითოეულისთვის 1400 ლარის ოდენობით. კონკურსის მიზანია ქართულ მედია სივრცეში კანონთან კონფლიქტში მყოფი პირების, კერძოდ, პატიმრების, პრობაციონერებისა და ყოფილი პატიმრების, მათ შორის ფსიქოაქტიურ ნივთიერებებზე დამოკიდებული ადამიანებისთვის რეაბილიტაცია-რესოციალიზაციის პროგრამების პოპულარიზაცია და მათ მიმართ არსებული სტიგმის შემცირება.
        გრემის ფსიქო-სოაციალური რეაბილიტაციის ცენტრის ფოიეში, თვალშისაცემია კედელზე გაკრული აბრა წარწერით: ,, ნარკოტიკს საბოლოოდ თავს ყველა ანებებს, მხოლოდ რჩეულები კი სიცოცხლეში..  ცენტრში მისულმა ადამიანებმა უკვე გააკეთეს თავიანთი არჩევანი. იმედია, კიდევ არაერთი წამალდამოკიდებული პაცირნტი შეემატება მათ რიცხვს. მისასალმებელია,  რომ  არსებობს დაწესებულება, სადაც ნარკომომხმარებლებს ეხმარებიან  დაძლიონ  ნივთიერებაზე დამოკიდებულება, შეინარჩუნონ სიფხიზლე და დაუბრუნდნენ საკუთარ  ოჯახებს.

                                    მზია გოგოძე